السلام على الجميع ورحمة الله وبركاته
الله يخليكم افزعولي الوقت يمشي وانا محتارررة
أنا زواجي بالصيف ان شاء الله وللحين ماجهزت اي شي
أبي اسال عن موضة الملابس السهرات والبدل العادية
والمكياج واحسن الماركات
وخصوصا مكياج العروس والعطورات
مو اقول اني ما اعرف انا اعرف بس انتو عارفين العروس لما تلتخم مع التجهيزات كيف
تنسى نص اللي خططته واهم الاشياء
فانا بس ابي اكون سبشل وطبعا عارفين هذا حلم كل عروس
يعني ريحة الاطياب ابيها تسبقني والشعر والمكياج ما عليه كلام(وهذا صعب بس اشلون))؟؟
وهم بعد كريمات الجسم شنو احسن شي لان هالموضوع ما عندي اي خلفيه فيه فيه
وانواع العطور للجسم والشعر والاستخدام وللغرفه وللحمام وللفراش وللملابس
حتى لو كانت خلطات او جاهزه من محلات معروفه بس اوصل لنتيجه
ولا انسى اطقم الحمامات شنو احسن الانواع الخزف والا البلاستك وإذا فيه نوع غير ما
اعرفه وحلو خبروني عنه ؟؟ والمفارش كم اشتري حسب خبرتكم ولازم ابيض ؟؟
مو ممكن غير الابيض واظن تعرفون الكفرات حلوه بس مو محصله موديلات كشخه تناسب عروس
ووين احصلها
الحين ندخل المهم ما اعرف افصل الحين والا اخليه لاخر شي
واذا الحين الموضه والالوان شنهي واخر ما نزل وكيف اركب المكياج عليه
لاني اضبط الميك اب بس ابي اغير استايلي وهم قصة الشعر والصبغه وطريقة الاستشوار
لان شعري شوي يحب يسلم على الموجودين مع الاستشوار يكون حلو بس يجاملني لمدة ربع ساعة
بالكثير وبعدين شوفو شصير قالولي استخدمي سيريوم وللحيين الحال واحد ولا تهتز شعره
واذا بصبغ وهذا هو حال شعري ما راح يتعب اكثر لاني اصنف شعري من النوع الجاف
وانا الصبغه فيني فيني بس اشلون اتفادى تعب شعري لاني بداية العرس لازم ويا الصبغة
استشوار وشنو اخر الوان الصبغات الجديده وهم بعد القصات
وفيه شي خاص(اظن عارفين بصراحه مو عارفه اشلون اشتري الارواب ولا عندي اللي يساعدني في هالموضوع غيركم وعلى اي اساس واشلون اركب اطقم
وشنهي الالوان وابي ذوق متزوجه بس في حدود الادب لاني مستحيه ومن ضمنها الملابس الداخليه ))و
والمجوهرات اكثر والا على عدد الفساتين والساعات وشنو احسن الماركات بالنسبه
للمجوهرات والساعات وطبعا ذات السعر المعقول
واهم شي قبل هذا كله كيف انا اهتم بنفسي من ناحيه الجسم والبقع وسمعت عن خلطات
تبييض بس ما اعرف لها اضرار والا لأ ابي خبراتكم وانا استخدم حماما السونا بس بيني
وبينكم مو منتظمه فالنتايج بطيئه واشلون تطلع النتايج سريعه
ومبهره ومشكله الكواع اللي بياضها يبيض الوجه اشلون اتفاداها
وتغذية الشعر اللي مثل حالتي ااااااااااااااااه على الرموش محترقه من الفرن
ومع الزيوت مو راضيه تطول او حتى ترجع مثل اول
يابناااااااااات يعطيكم العافية بس اعذروني طولت عليكم وايد
يلا ولا وحده تخبي علي شي ودمتم لي ولاحبائكم
أختكم لورا29 :confused::confused::confused::confused::confused::s
ياااابنات ساعدوني الله يخليكم وبسررررررعة
ل
08-03-2003 | 10:39 AM
C
08-03-2003 | 10:51 AM
موضوعك مكانة ركن الطلبات عزيزتي وأعذريني سأقوم بنقلة:)
ا
08-03-2003 | 04:42 PM
أعتقد أختي إنه هاللنكات بتفيدج
مواضيع تهم العروس:
http://www.3roos.com/forums/showthread.php?threadid=12414&highlight=%CF%C8%D4+%C7%E1%DA%D1%E6%D3
دبش العروس من ملابس:
http://www.3roos.com/forums/showthread.php?threadid=15464&highlight=%CF%C8%D4+%C7%E1%DA%D1%E6%D3
دبش العروس في المكياج:
http://www.3roos.com/forums/showthread.php?threadid=14668&highlight=%CF%C8%D4+%C7%E1%DA%D1%E6%D3&
وألف مبروك مقدما
:) :) :)