أفضل كاميرا تصوير

السلامـ عليكمـ ورحمة الله وبركاتة
هـــلا خيتي الفردوس..


كيف حالج أن شاء الله بخيـــر؟؟


ومن ناحية الكميرة
على حسب نوعية الماركة ودقة التصوير والمميزات..

ومافيه كيمرة مب حلوهـ كل الكميرات تتميز بشي معين..

وهذه سامسونج موديل 700v
7 ميجا بكسل قوائم عربية سهلة الاستخدام وصورها جميلة




وانا أنصحج أذا بتاخذين كيمرة خذي ماركة كانون واااااااايد حلوهـ

وبعطيج نبذة عنها..

وتتميز الكاميرا بمواصفات عالية الجوده واهمها: السرعه ونقاوة الصوره وخفة وزنها.

- تمتاز هذه الكاميرا برجود 6 انواع من JPEG بالاضافه الى RAW وهو من افضل الصور نقاوة ووضوح.

3- سرعة الالتقاط: 30 الى 1\8000 ثانيه.

4- الايزو: 100, 200, 400, 800, 1600, 3200









أن شاء الله أكون أفدتج..

حتى انا ابي اشتري

بس ممكن الاسعار حبوبة

أن شاء الله أثبت موضوع


عن الكيمرات أسعارهن

ومميزاتهن..


^.^

الغالية "( رفيعــة الشان )"

تسليمن على تواصلش وشكرا لتثبيتش الموضوع لانها محتاجين مثل هذا المعلومااااااات

العفـــــو

يالغالية فردوس

هـــذا الواجب..

^.^

وربي يوفقج..

_ _ _ _ مسا الخير--------------------------

×الفردوس×

هلا اختي نورتي القسم..

و بالنسبه لسؤالج عندج الكثير من الخيارات بس انتي لازم تحطين ميزانيه معينه

و تشوفين الانسب لج..

بحط لج نبذه عن كاميرات معينه اعجبني تصويرها و اذا تبين تشوفين نماذج من تصويرها ما عندي

مانع براويج و وانتي لج حرية الاختيار..

كاميرات الدجتل:

Nikon COOLPIX P3



اهي افضل الكاميرات بنظري فيها مميزات جدا" حلوه

مواصفاتها :

- 8 ميجابيكسل تقريباً .

- الزوم 4X .. طبعاً ديجيتال زوم

- فيها مانع للاهتزاز و بإمكانكم تتحكمون فيه ( ايقاف - تشغيل - الوضع العادي ) .

- مقاسات الصور :

• 3264 x 2448
• 2592 x 1944
• 2048 x 1536
• 1024 x 768
• 640 x 480
• 3264 x 2448 (3:2)

طبعاً المقاس الأنسب و الإعتيادي هو 640 × 480 .. و ما بتحتاجون للمقاسات الكبيرة الا للبوسترات او غيرها ( استخدامها قليل جداً ) .

- الفوكس آلي فقط و ليس يدوي .

- طرق التوصيل

• USB
• AV out
• IEEE 802.11b/g wireless range up to 30m

- البطارية من نوع ليثوم يمكن إعادة شحنها باستمرار .

- وزن الكاميرا .. 170 جرام .. وايد خفيفة و الله

و بالنسبه لسعرها حوالي 1300 درهم و بتلاقينها في المحلات الكبرى بجميع فروعه في الامارات..

و على فكره في منها اصدار اقدم بس ماتفرق وايد بالمميزات و اسمها Nikon COOLPIX P1

الكيمرا الثانية من نايكون و اللي نزلت عندنا من فترة اهي من فئة الـ S-SERIES


COOLPIX S8



شركة النيكون عجيبة غريبة .. نزلوا S 9 .. و بعدها S 10 .. و الظاهر تذكروا انها ما نزلوا S 8 .. فنزلوها الحينه


عالعموم هاي احدث كيمرا ديجتال من نيكون نزلت عندنا في الامارات بسعر 1399 درهم + ميموري 1 جيجا .



دقتها 7.1 ميجابيكسل مع شاشة عرض واسعة ( 2.5 ) و فيها خاصية الاوبتكال زوم ( 3X ) و الديجتال زوم ( 4x ) و ان كنت اعتبر الديجتال زوم مجرد خدعة لا اكثر و لا اقل في كل الكيمرات .


مواصفاتها حلوة بس ما تقارن بالـ S 10 .. لان مواصفات الـ S 10 احسن رغم انها اقدم و رغم انها 6 ميجابيكسل بس مثل ما الكل يعرف عدد الميجابيكسل في الكاميرا مب علامة على تفوقها و امتيازها ..!

صورة للـ S 10



سعر الـ S 10 حالياً 1699 درهم .. و سعر الـ S 9 تقريباً 1049 درهم ( 1 جيجا مجاناً ) .


و في عندج كاميرات شركة Sony اشوف الاغلب يستخدمونها و تصويرهم جيد و اسعارهم بحدود

1000 وشوي..

و الحين ننتقل لـ الكاميرات الاحترافيه من فئة الـ SLR

افضل الكاميرات الي سبق و استخدمتها الي اهي - Canon D400 ولها اسم آخر وهو Canon Rebel XTi
من شركة كانون و اهي تعتبر من افضل الكاميرات الاحترافيه و في منها اصدار اقدم و اسمها -

Canon D 350

و اثنينهم ممتازات جدا" مع فرق بسيط من بينهم الي اهو فيها ميزة

التنظيف التلقائي للسنسر بعد

كل صورة..



و سعر الـ canon D350 =2999DHS
و سعر الـ canon D400= 3500 DHS

و كلهم تلاقينهم في المحلات الكبرى بجميع فروعها و ايضا" في كارفور بس انا بصراحه

ما احب اشتري من كارفور شي احس الكترونياتهم مضروبه ..

اتمنى اكون ساعدتج بشي حبوبه و لي عوده اذا كان في استفسار آخر..

و السموحه

_ _ _ _ بحفظ الرحمن--------------------------

الغاليه حددي ليش تبينها بروفشنل ولا عادي

وبحدود كم

والكيمرات انواع

بس حددي عشان نفيدج اكثر