اللي زوجها متزوج ثنتين تدخل

ينقل لركن الشؤون الاسرية والاجتماعية

- هل انت والزوجة الثانية تعيشون في بيت واحد؟؟

بيت واحد بس كل وحده بدور منفصلين عن بعض
- شلون تقضين ليلتج اللي هو بعيد فيها عنج؟؟

احاول اجهز لليلتي حلى وهالاشياء وبرضو اهتم بنفسي بس زوجي يجي احيان حتى لو موليلتي يمر علي لانه يقول ليلتك مويومك يعني يشوف كل وحده اذا محتاجه شي حتى لو موليلتها
- اذا كنت ببيت بروحك منفصل عنها هل تستقبلينها في بيتك؟؟

لا ماشوفها الا عند اهله
- هل تدقين عليه اذا كان عند الثانية؟؟

ادق بس عقب العشاء مادق الا للضروره

اختي لايكون متضايقه من هالموضوع ترى حبيبتي لازم الغيره بس لاتنكدين على عمرك لانك انتي الخسرانه وزوجك يمل انا جربت وعرفت ان اخرب على وحي والحين الحمدلله امورنا من احسن مايكون والحمدلله

هل انت والزوجة الثانية تعيشون في بيت واحد
انا الزوجه الثانيه ونعيش ببيت واحد

- شلون تقضين ليلتج اللي هو بعيد فيها عنج؟؟
كنت اشغل نفسي بشغل البيت وبولدي واجهز أي شي لليوم الثاني

- اذا كنت ببيت بروحك منفصل عنها هل تستقبلينها في بيتك؟؟
لو كنت ببيت لوحدي عااااادي استقبلها واضيفها احسن ضيافه

- هل تدقين عليه اذا كان عند الثانية؟؟
في النهار احاول كل طلباتي يجيبها ليه عشان بالليل لااحرج نفسي ولا احرجه بس وقت الضروره وفي المرض لاقدر الله ادق عليه

ملاحظه :::::
انا صبوووووووووووره وكنت اصبر على اي مضايقات تجيني واتحمل عشان زوجي وولدي والحمد لله الحين انا صرت بالبيت لوحدي لان زوجي ماتحمل تصرفات زوجته ورجعها لاهالها ولو رجعت عادي برجع مثل اول واصبر لان الدنيا يبي لها سعه صدر والانسان مقدر له كل شي من قبل لانخلق والحمد لله على كل حال واهم شي الصحه والعافيه لنا ولاولادنا وهاذي اكبر نعمه الحمد لله

السلام عليكم موضوع حلو تشكرين
انا الزوجة الثانية :shy:
- هل انت والزوجة الثانية تعيشون في بيت واحد؟؟

لا كل وحدة فينا تعيش في بيت بعيد عن الاخرى وهذا احسن شي:ok:

- شلون تقضين ليلتج اللي هو بعيد فيها عنج؟؟
والله اليوم يمر طويل :sad: لاني في غربة وما عندي حد بس اسلي نفسي بالنت او التلفزيون :gum: او تنظيف البيت

- اذا كنت ببيت بروحك منفصل عنها هل تستقبلينها في بيتك؟؟
طبعا لا (شريرة(6) ما اشوفها ولا تشوفني احنا ضراير لا هي راح تحبني ولا انا ليش النفاق:D

- هل تدقين عليه اذا كان عند الثانية؟؟
من هالناحية صارت مشاكل:ss: وطلعنا قانون جديد: يومي لا تتصل فيه ولا يتصل فيها الا للضرورة القصوى ومسجات مسموح :shy: والله هكذا اريح يومي احس انه لي وحدي:cool:
يلا نبي نشوف البنات :gum:

الله يعينكم................ويسر امركم ان شاء الله

مشكورين يا بنات

فعلا الله يعينا وييسر امرنا

اختي آنسة فلة مشكورة على المداخلة

اختي ام سليمان صدقتي في كل كلمة كتبتيها

أنا أبوي متزوج من وحدة تانية ..
والصراحة انا ما امانع من الزواج من وحدة ثانية طبعا بشرط العدل اللي قالها لرسول صلى الله عليه وسلم ..
صح الموضوع هدا ما دخل في الكلام اللي قاعدين تقولوه..
بس بجد مقهورة من انه من او ما أزوجها وهوا مرررررررة متغير علينا وزي ما انا شايفة وبأسمع مقصر في حقوقه كزوج وكأب ..
ما نحس انه يحبنا واحس انه دايما انا ثقيلة عليه رغم اني بنته الكبيرة ..
ودايما يشتكي من المصاريف والفلوس ..
مع انه الحمدلله ربنا أنعم عليه بس هوا يتحجج انه عنده بيت تاني وعنده مشالله 7 عيال غيري انا واخواني الاتنين ..وكمان مرت ابوي حامل .!!!!
وبعدين يجي يقول مصاريف واحنا مالنا ذنب ..
معليه والله بس مقهووووووووووووووورة من قلبي ..وربنا عارف ايش الشي اللي بحسه وكيف هوا بيعاملني وكل الناس يفكروني انا الدلوعة عشاني البنت الكبيرة ..
لكن حتى ولا يهتم في ..
الله يهديه بس ..
والحمدلله على كل حال..
سامحوني والله على المداخلة اللي مالها داعي ..
بس كنت بأفضفض شي كاتمته من زمان ..
رغم اني ماخلصت ..
بس الله يعينكم كلكم ..ويوفقكم في حياتكم يا رب..

شكرا يا بنات

اختي الملاب مستحيل اصير نفس المرة اللي في قصتك خصوصا ان زوجة زوجي الاولى اكبر مني بعشرين سنة واكبر من زوجي بعشر سنوات

يعني لا اللبس ولا طريقة الحياة راح تكون مثلها

الله يعينكم ان شاء الله
انا اغار مرررررررررررره على زوجي مأتخيله مع واحده ثانيه
بس النصيب
مشكووووووووووووووووووره

احنا كلنا غيورات بس شنسوي؟؟؟؟؟

واااااااااااااااااااابوي احس قلبي بيوفق

يا قو قلبكم والله

ما شاء الله عليكن


الله يعينكم ويعصم قلوبكم بالصبر بس هذي الحياه واحد ما ياخذ كل شي

الله يعينكم والله
أنا أموت من القهر بس إذا فكرت في هالشي.. كيف إذا عايشته... و الله صعبة

انا زوجه اولى

هل انت والزوجة الثانية تعيشون في بيت واحد؟؟

كل وحده في بيتها

شلون تقضين ليلتج اللي هو بعيد فيها عنج؟؟

اشغل نفسي بالزيارات والنت واقضي اشغالي واتسوق يعني ما في شى محدد

اذا كنت ببيت بروحك منفصل عنها هل تستقبلينها في بيتك؟؟

كنت قبل استقبلها وبعدين انقطعت من فتره وعااادي بستقبلها ف اي وقت البيت بيتها

هل تدقين عليه اذا كان عند الثانية؟؟

ادق عليه عادي بس ما امصخهاا

وهو يدق عشان يطمئن عليناا


والسمووووووحه

شكرا يا بنات

اختي مزيونة دبي يا روحي انت قلبج وايد واسع وطيب وعقلج اكبر، الله يسعدج دنيا وآخرة يا الغالية وايد عجبتيني بكبر عقلج وروحج الحلوة لدرجة اني مو عارفة شكتب لج

ام شجاع

ودي اهنيج على موضوعج بصرااحه ماعمري طري علي الموضوع من هالزااويه

وخواتي ام سليمان
وكنافه بالقشطه
مزيونه دبي

ماشااء الله عليكم
والله يهنيكم ويوفقكم ويطوول بالكم اكثر واكثر


لو انا جاان اطق وامووووت

ام شجاع انتي ماجاوبتي علي هالاسلئله <<<<نبي رايج :)


الملاب <<<< سالفتج سااالفه
والله شي ماايدش المخ هذا ياامسويلهم غسيل مخ ياامسويلهم غسيل مخ مالها حل ثالث

اختي زورق انا الزوجة الثانية بس ما استحمل اقعد مع الزوجة الاولى في بيت واحد

وهو يروح لها شهر واحد بالسنة لانها برة الديرة

بس حاب يجيبها الديرة واشترطت عليه ما تقعد معاي ببيت واحد فوافق

وقال اصلا حق راحت ما يقدر يقعدنا ببيت واحد

وللحين ما اعرف اذا كان لي ليلة ولها ليلة لانه يقول هو راح يروح لها بين الفترة والثانية

بس تعرفين الرجال وتقلبهم

الله يعين بس

:clap: :clap: ماشاء الله عليكم تبارك الله الله يكملكم بعقولكم
بس بغيت اسئل الاخت كنافه شلون عايشين ثنيناتهم ببيت واحد كيف الغرف وتقسيم البيت لعيالك وعيالها؟:qaq:
تحياتي للجميع:salam:

- هل انت والزوجة الثانية تعيشون في بيت واحد؟؟

انا الزوجة الثانية ما بنعيش في بيت واحد كل واحدة وبيتها

- شلون تقضين ليلتج اللي هو بعيد فيها عنج؟؟
ياما بقرا كتب اسوي خلطات لبشرتي عاملة في نفسي حقل تجارب ههههههه اجرب اعمل اكلة غريبة لاي بلد ادا كامنت اوكيه لما يجي زوجي اعملها ادا طلعت خربانة ماعلي الا الصبر اعزي حالي على خيبتي مثل ما يقولوا اخواتنا المصريات
او اني ايش اخد طيارة وارجع على بلدي خصوصا لما يكون زوجي مشغول جدا هناك اشغل بالي بدارستي بحضر رسالة دكتوراة اشغل نفسي بالعمل في الجمعيات واشوف الاهل واحضر الحاجات الي تلزمني وما بلاقيها هناك اروح السوق اخيط ملابس هدايا لما ارجع اعطيهم لاحبابي

- اذا كنت ببيت بروحك منفصل عنها هل تستقبلينها في بيتك؟؟
ماعندي اي مانع بس احنا اسرة غريبة اعتقد مافي منا اثنين هههههههههههههههه من جد اتكلم زوجة زوجي لا عمري شفتها ولا شافتني من سنتين من يوم تزوجت هي تعرفني بالسمع وانا نفس الشي راح تستغربون بس هدا الواقع انا ما بزورها ولاهي بس علاقتنا من بعيد جد حلوة وفيها احترام متبادل لدرجة رهيبة جدا
هي الصراحة انسانة طيبة كل الناس تمدح فيها مو اسمع عنها بس من عند زوجي حتى من اهل زوجي والمعارف وهي نفس الشي الحمد لله تسمع عني كل شي طيب علاقتنا تميزها الافعال انا اسوي لها حاجات حلوة هي نفس الشي بس عن طريق الغير
لانه زوجي تزوج لضرورة وبينههم عشرة عمر وانا احترم هدا الشي وانسانة ربت اولادها زين الله يحفظهم فاكيد يحبها وفي نفس الوقت يحبني اقسم بالله العلي العظيم اني مابغير منها لكن بغير على زوجي من اي حرمة ثانية لاني اعتبرها هي زوجته وواقع شي طبيعي يحبها ويكرمها من اسباب الي خلتني اوافق انه يقول عنها كلام طيب ديما معناها انه يحترمها هدا شيء اساسي جدا
بيني وبينها هدايا مواقف نوقف جنب بعض بس كل وحدة ما بتظهر في الصورة لكن انا اعرف انه منها وهي تعرف انها مني

- هل تدقين عليه اذا كان عند الثانية؟؟
ابدا ما ادق عليه لو في شي مهم برسل له مسج وهو بعدين يتصل فيني ادا كان عنده مجال حتى هي ما تتصل ابدا وادا في شي ضروري ترن او تبعث مسج هو يتصل عليها

اسفة طولت عليكم بس حقولكم شي الي خلى علاقتنا طيبة موقف حصل في البداية هو الي تحكم في الباقي انه هي كانت في عزيمة لاهل زوجي وانا اجو عندي ناس من اهل زوجي للبيت المسالة هده عرفناها بعدين الي حصل معاها وهي عرفت الي حصل معاي من المواضيع الي انطرحت بعض ناس جلسوا ينتقدوني وكيف زوجي تزوج عليها وما خلوا عيب الي حطوه فيني لكن هي الله يحفظها كانت في صفي ونتقدتهم ودافعت وما سمحت لحد يقول عني اي شيء وقالت انها اصلا ماعندها مانع
الموقف الثاني حصل معاي قبلها بيومين لما اجو ناس من اهل زوجي وشوي جلسوا يتكلمون عنها كلام مو حلو غيرت الموضوع كدا مرة وهما يصرون الا يتكلمون بكل الطرق الودية ما فهموا او بالاحرى ما حبوا يفهموا ماكان مني الا اني قلت لهم اني بحترمها وبقدرها وهي انسانة خيرة الي بينتقدها بينتقدني وادا هما مصرين يقولون عنها شي شين حكون مضطرة اطلع اكمل كتابة احسن وقلت لهم البيت بيتكم خدوا راحتكم بس يعني ما حجلس معاكم انا بس خجلت اقولهم الي يقول شي مو حلو يروح على بيتهم احسن سكت على الموضوع بس بعدها تعرف وتعرفت القصة حق زوجة زوجي والموقف الي حصل معاي فكان اهم الاسباب الي خلت العلاقة جد طيبة



ادعوا الله يشفيها يارب والله زوجة زوجي انسانة خيرة الله يحفظها يارب ويحفظنا جميعا يارب العالمين اخر مرة سوت عملية جراحية الحمد لله نجحت



همسة




اختي الكريمة ادا كنت زوجي ثانية كوني عونا لزوجك ولا تكوني عليه كلما كان مرتاحا مع زوجته اولى ارتاح معك ادا اثرث المشاكل حتى انت ستعيشين في تعاسة لانه ما بيجيك مرتاح نتقي الله في بعضنا البعض المسالة هده حتى قبل الدين فيه مبادئ كونية خلق انسان عليها بالفطرة عنصر العدل العطاء الرحمة نعامل الغير بانسانية واكيد الدين يهذب فينا ويعطينا ان شاء الله الاجر والثواب عن كل فعل زين سويناه لغيرنا


اسفة على اطالة

ما شاء الله عليج اختي حنونة فعلا اسم على مسمى