زواجي بعد شهر وعندي مشكلة مو لاقية لها حل؟؟

خلي زوجج يتصرف معاهم.................لانه من البدايه وافقوا..................وانتي ابعدي نفسج عن الموضوع...................هذيلا اهله وهو يتصرف معاهم.....................عشان بكره ماتطيح المشاكل فوق راسج اذا تكلمتي

حبيبتي هونيها

يمكن عندكم الموضوع يختلف بس احنا فقطر النص بالنص

مثل ماهلج يبون يفرحون فيج هم يبون يفرحون بولدهم صح؟

وغالبا الناس تزيد عدد البطاقات لان وااااايد ناس ماتحضر

انا اقترح عليج تنفذين اقتراحهم

ولو حضروا ناس وايد بكل بساطه مسؤولين القاعه يدفعونكم مبلغ بسيط لكل كرسي

ولاتنسين ان هلج وهله غالبا مابيقعدون لان بيمشون ويسلمون عالناس وبجذي بتوفرين عدد الكراسي

بعدين اذا انتي تنازلتي عن 100 كرسي بيصير لهم 120 كرسي صح

مافرقت على 30 شخص ؟

هونيها وتهون

الزواج اكبر من جذي واذا من اول مشكله بتتضايقين وتكدرين خاطرج شبتسوين عقب؟

افرحي واستانسي يبه هذي مشكله بسيطه وماله داعي تخربين فرحتج عشانها

دلوعه قطريه:
حبيبتي هونيها

يمكن عندكم الموضوع يختلف بس احنا فقطر النص بالنص

مثل ماهلج يبون يفرحون فيج هم يبون يفرحون بولدهم صح؟

وغالبا الناس تزيد عدد البطاقات لان وااااايد ناس ماتحضر

انا اقترح عليج تنفذين اقتراحهم

ولو حضروا ناس وايد بكل بساطه مسؤولين القاعه يدفعونكم مبلغ بسيط لكل كرسي

ولاتنسين ان هلج وهله غالبا مابيقعدون لان بيمشون ويسلمون عالناس وبجذي بتوفرين عدد الكراسي

بعدين اذا انتي تنازلتي عن 100 كرسي بيصير لهم 120 كرسي صح

مافرقت على 30 شخص ؟

هونيها وتهون

الزواج اكبر من جذي واذا من اول مشكله بتتضايقين وتكدرين خاطرج شبتسوين عقب؟

افرحي واستانسي يبه هذي مشكله بسيطه وماله داعي تخربين فرحتج عشانها

والله حالنا يالبنات غريبه عجيبه .. وحده بتتزوج وزجها مو راضي يقدّرها ولايقدّر اهلها بحفل مثل الاوادم والناس .. ووحده زوجها بيسوي لها عرس وحفل ومو مرتاحه من هالحفل .. وحده لاقيه وحده مو لاقيه شي بالمره.. اسمعي ياسمسومه .. مثل ماقلت لك انسه فله .. ابعدي نفسك عن الموضوع وخليه هو يتصرف .. اهله ويصطفل معهم .. يزيد فلوس مايزيد .. يجون مايجون .. يلقون مكان مايلقون ... اذا المشكله عندك انه بيسحب من الفلوس اللي حددتوها لشهر العسل واغراضكم .. انتي ولايهمك .. خليه يسحب بحدود المعقول .. صدقيني يا سمسمه .. مشكلتك ماتحتاج منك الهم اللي انتي شايلته كله ..
يارب يسعدك ويوفقك ويسهل امرك .. واعزمينا على الزواج .. ولا تنسين ابي انا بعد عشرين كرسي لي ولاهلي :bigsmile:

انا بعد رايي من راي أنسة فله

مشكوووووووووووووووووووورين والله واحاول احل الموضوع

حبيبتي حطي اول شي ببالك زوجك
راح يزعل لما تزعلي اهله حتى لو ماقال لك هالشي
وثاني شي انتي تعرفي ان حتى لو الكل حضر مو الكل يجلس لنهاية الزواج
يعني ثقي ان المعازيم كلهم راح يجلسوا ويتضيفوا
ولا انو يصير زعل بينك وبين اهل زوجك
صدقيني توكلي على الله واعطيهم العدد اللي يبغوه يعني حتى لومازدتي عدد الكراسي زيدي عدد البطاقات
مافيها شي ولاانك تزعلي زوجك تخيلي ان اخوك المعرس اكيد ماراح ترضيها على نفسك
انو انتي ماتعزمي على عرس اخوك

هلا حبيبتي
مبروك عليك الزواج والله يوفقك يارب

لاتشيلين هم كلام البنات صحيح وحبيت اقول لك نقطه

مو كل اللي عزمتوهم رح يجون !!!!! فلا تشيلين هم اكيد ناس بتصير عندهم ظروف ومايجون وبيكون فيه اماكن زايده

بالتوفيق

السلام عليكم
اختي مبروك الزواج
لاتشيلين هم واستانسي في هذي الايام ايام الخطوبهو وافقي
وصدقيني المعزيم مب كلهم يجون ياليت كلهم يجون
وانا رايي من راي البنات
الله يبارك لج في عرسج

مرحبا ..
ربي يسعدك ويهنيك ويتمم لك على خير ..

اختي يوم زواجي زدت 100 بطاقه زياده تدرين ليه ؟؟ مش كل اللي عزمتيهم بيجون وما كنت ابغي ولا كرسي يكون فاضي .. زيدي البطايق ولا تحاتين ما جات على 50 بطاقه ..
المهم تركزين على حالك وعلى استعدادتك لشهر العسل ولا تخلين هالامور تعكر مزاجك ..

خليهمه يسون بطاقات زياده عن الكراسي ترى مو كلهم بيجون وحتى لو جاو اللي قبلهم ناس ممكن يمشون ويصير للي توهم جايين مكان وانتي سوي اللي عليك وهم اللي مسؤلين ولاتشيلين هم وانتي عروسه :)

هلا اختي الغالية ..

انا مستغربه من كلامج ...

انتي بس تبين اهلج يستانسون ويفرحون بعرسج ويعزموووووووووووون اللي يبوووونه ..
ما فكرتي بخوات ريلج بام ريلج ..

اكيد خواته يبون يفرحون باخوهم في عرسه و يبون يعزمون ربيعاتهم واقاربهم واكيد ام ريلج نفس الشئ ..

انتي بس حطي نفسج مكانهم .. لو استوى عرس اخوج ومرت اخوج ما ترضى تعطيكم بطاقات وكراسي اتكفيكم حق معازيمكم .. شو بتكووووون ردة فعلج .. اكيد بتضايقين وبتعصبين .. صح ولا لاء ..

نفس ما اهلج لهم الحق في انهم يفرحووون فيج ويعزمووون اهلهم ... اهل ريلج لهم حق بعد..

أختي الحبيبه انتي لما بترتبطين في شخص اعرفي انج بترتبطين في عايله كامله .. مكونه من خوات ريلج وام ريلج ..يعني من الحين لازم اتحطين في بالج انهم اهل ريلج .. واعرفي انه شعورج اتجاه اهلج هو نفس شعور ريلج اتجاه اهله..

واسمحيلي الغاليه اذا كنت صريحه معاج ..

والله يوفقج ويسعدج في حياتج ..

اختج
جسووووووور المحبه

وصيه قبل لالالا تكون نصيحه

حبيبتي لا تخربين على عمرج هالفرحه

باشاياء ما تستاهل العر كله ساعتين وبتعدي

فخلي اتم بذاكرتج الاشياء الحلوه ولا تخربين عليج هالفرحه

ولا تزعلن هل ريلج لانه اكيد بيزعل لو ما بين لان مهما كن هم هله

حاولي اتحلين الموضوع وانشالله الكراسي بتكفي

وقولي لريلج انه مو حلوه ايون ناس ويوقفون بالعرس

وخليه يكلمهم على اساس انه ما وياه فلوس فلا يحرجونه ليلت العرس

................ وطبيعي اصير مشاكل وشويه خلافات بالاعراس بين الطرفين

بس اتعدي

بس حطي فبالج انه

اهم شي انت وريلج وفرحتكم

....................................

نا يوم عرسي صحت وعكرت مزاجي واتضايجت على سالفه الكراسي والزحمه

بس بالنهيه شو استفدت الناس كلو واتفرجو وساروو وانا الي عكننت على عمري
بس والله الين اليوم ندمانه لانه ما كان في تفكير صح

فلالالالالالا تخربين على نفسج الفرحه

وعيشي هالساعتين بالقاعه

وخليهم احلى لحضات عمرج

والله يهنيكم يارب
وتييبون صبيان وبنات

ام عبدالله

أول شي حركتهم مالهم داعي هم وافقوا من البداية مو على كيفهم لما ما صار فيه وقت يقولون نبغى..شلون يعني مافيه تقدير لظروف الناس؟
انتي لاتدخلين خلي ولدهم هو يتفاهم معهم بس فهميه قبل انو هم وافقوا مايغيرون رايهم الحين وان الميزانية ماتسمح..
وولدهم بيقنعهم بطريقته بس انتي وضحيله الصورة اكثر
والله يتمم زواجك على خير

دلوعه قطريه:
حبيبتي هونيها

يمكن عندكم الموضوع يختلف بس احنا فقطر النص بالنص

مثل ماهلج يبون يفرحون فيج هم يبون يفرحون بولدهم صح؟

وغالبا الناس تزيد عدد البطاقات لان وااااايد ناس ماتحضر

انا اقترح عليج تنفذين اقتراحهم

ولو حضروا ناس وايد بكل بساطه مسؤولين القاعه يدفعونكم مبلغ بسيط لكل كرسي

ولاتنسين ان هلج وهله غالبا مابيقعدون لان بيمشون ويسلمون عالناس وبجذي بتوفرين عدد الكراسي

بعدين اذا انتي تنازلتي عن 100 كرسي بيصير لهم 120 كرسي صح

مافرقت على 30 شخص ؟

هونيها وتهون

الزواج اكبر من جذي واذا من اول مشكله بتتضايقين وتكدرين خاطرج شبتسوين عقب؟

افرحي واستانسي يبه هذي مشكله بسيطه وماله داعي تخربين فرحتج عشانها

وانا معاها اقول نفس الشي
توكلي على الله ولاتكبرين السالفه

انسه فله:
خلي زوجج يتصرف معاهم.................لانه من البدايه وافقوا..................وانتي ابعدي نفسج عن الموضوع...................هذيلا اهله وهو يتصرف معاهم.....................عشان بكره ماتطيح المشاكل فوق راسج اذا تكلمتي

ههههههههههههههههههههاااااااى

اسمحيلى ترااج ضحكتينى

حبووبه مافى مشكله بهالدنياا الا ولهاا اكثررر من حل بعد،،
وانتى ماااااااااالج دخل بالكراسى وبالبطاايق مالووت العرس

حبووبه انتى مابيصير بويهج اى شى اذا ما كفى عدد الكراسى او البطاايق هذاا كله بويه اهل المعررس

انتى ماعليج الا انج ترتبين امووورج للعرس
وتهيئين نفسج معنوياا و نفسياا
وتركيهاا على ربــج
ربى يووفقج يالغلاااااا



تحياااتووو
قمرهم

هذي مشكلة نص البنات اذا ماكانوا كلهم

يختلفون عالبطاقات وعلى عدد المعازيم

لاتعورين راسج

اصلا مب شرط كل اللي عزمتوهم يجون فبيكون في مكان

وبعدين هم بعد منن حقهم يفرحون بولدهم ويعزمون اللي يعز عليهم

انتي لاتفكرين وايد
ولا تهتمين
اصلا انتي مالج خص في هالسوالف
لا انتي اللي بتقعدين عالكرسي
ولا انتي اللي بتعزمين كل هالعالم

فكري فنفسج وفليلة عمرج ولا تكدرين عمرج على هالسالفه
لانها عاديه وايد وايد

انا يوم زواجي زدت200بطاقه على عدد الكراسي لان موكل المعزومين بيجون يعني في ناس نعطيهم البطاقات تقدير لهم وفي ناس بيسلمون ويطلعون وخواتك بنات خالاتك شي طبيعي ماراح يقعدون

حبيبتي هونيها وتهون

وعلى قولة البنات اذا من الحين تهتمين وتسمين هذي مشكله وش بقيتي لحياتك الجايه



والله يجمع بينكم على خير