أي وحدة مجربة تدخل.....................

شو ها تبخلون ع أختكم بنصيحة... ما علي الله كريم...

والله يا الغالية أنا ماعندي فكرة .......
ولدية فديته بعده صغيروني عمرة اربع شهور بس................
والا ما قصرت أوياح.............
سمحيلية.....

مرحبا حبيبتي


مادري اذا اقدر افيدج اولا

بنتي عمرها سنة واربعة اشهر

بالنسبة للرضعات اهي تشرب صناعي اسوي لها مرضعة تشربها وترقد واخلي وحدة يمي احتياط

اذا احتاجتها كان بها واذا لا ارميها الصبح بس الاحظ عليها اذا ترقد وهي ماكلة زين وشبعانة حتى الرضعة الأولى ماتكملها


بالنسبة للحفاظ من كملت السنة شريت لها نونية على شكل كرسي وكل تغيير حفاظ اجلسها عليها

واوقات وايد تتم العملية بنجاح واذا تعرفين الوقت اللي تسويها فيه وايد زين تعودينها من الحين

تشيلين الحفاظ وتخلينها على النونية انا كنت اسوي جذي بس بعد ما ولدت صارت الشغلة صعبة

شوي وتحتاج وقت وطول بال وانا ماعندي الأثنين :sad:


بالنسبة للأكل اهي تبي تاكل بروحها بس مو علشان تاكل علشان تعفسنا فوق تحت :angry: يعني تقدرين تقولين باقي وقت على الأكل



وسلامتج :shy:

حبيبتي

ولدج بها العمر عادي يسوي جذه بعده صغييييييييير

انا طلعت عيني لين ما تعود على النوم بدون ما يقوم بالليل

الاطفال اللي يرضعون طبيعي لالالالالالالالالالالازم يقومون فالليل---- عن تجربة----


لان كمية الحليب تنهضم بسرعة لانها خفيفة عكس الصناعي يكون ثقيل فيحس الطفل بالشبع


فحاولي تأكلينه شيء مثل وجبة عشا ء عشان يشبع


وبالنسبة للحفاظ هذا يعتمد على شطارتج -بعده وقت يمكن بعد 3 شهور- عشان يفهم


والاكل خليه ياكل ويخربط على راحته -لكنه اذا تعود فيمكن في اي مكان عام اوخاص ياكل روحه ويبهدلج

انا بحاول افيدج من خلال تجربتي.. انا ام لطفلين والحمدلله.. ونفس اللي اتبعته مع بنتي احاول اتبعه مع ولدي.. انا بنتي اول ما تعلمت تمسك الملعقة خليتها تاكل بروحها .. طبعا في بعض الامهات بيقولون ان الياهل بيوصخ الدنيا.. بس خليه على راحته لان امي دايما تقول لي ان الطفل لما ياكل بروحه يشبع اكثر من لما تاكلينه انت .. وهذا اللي انا لاحظته على عيالي..
اما بالنسبة لتعليمهم على الحمام انا بديت مع بنتي لما كان عمرها سنة ونص.. وتميت معاها ثمان شهور الين عقيت عنها البامبرز..ومع انها الحين بتكمل الثلاث سنين بس الين الحين تبلل فراشها مرات.. انا ذكرت هذا الشي علشان تكونين صبورة وايد على طفلج..
اتمنى اني اكون فدتج

إذا كان الولد يرضع صناعي عطيه رضعة كافية بالليل وبعدها شربيه شويه ماء وخليه ينام، وإن شاء الله مايقوم،، إذا قام بنص الليل لا تعطيه حليب بالمرة عطيه رضاعة ماء،، كم يوم بيسوي الهوايل بس بعدها بتعود ان مافي غير الماء وبعدها راح يترك هالعادة..
أنا مطبقة هالطريقة مع ولدي من كان عمره 4 شهور والحمدلله مأذاني بقومة الليل وايد.

بخصوص الحفاظ ممكن تدربينه وقت خلع الحفاظة ان يجلس على النونية وشوي شوي راح يتعود عليها.. أنا ولدي هلكني لحد السنتين وهو بالحفاظة بس قدرت بفترة قصيرة أني أخليه يتركها وماصار سنتين وشهرين الا أحنا مانشتري حفاظات.. شوفي تجربتنا مع موضوع الأخت أسماء زكي الدين في المواضيع المميزة تحت عنوان (لا حفاظات بعد اليوم) وإن شاء الله راح تستفيدين..

بخصوص الأكل، ن[إمكانك لو عودتيه من الحين يتعود، صحيح راح يبهدل الدنيا بس في النهاية هذا بمصلحتك يكون بعدها يتعود يمسك الملعقة والسندويش لوحده...

جزاكم الله خير خواتي........

اهلين اختي ..

ان ولدي الكبير في هالعمر كان يرضع صناعي .. وكان لازم يقوم الليل مرتين او 3 عشان الرضعة .. يعني كللللش عادي وما قطع هالشي الا لما فطمته لما كان عمره سنتين وشهرين بعدين انتظم نومه وما صار يقعد الا الصبح .. يقولون حتى اللي يرضعون طبيعي ما يقطعون السهر الا بعد فطامهم :shy:

وعن الحفاظ مع ان عمر حسين ولدي سنتين و10 اشهر الا ان صار لي فترة وانا اعلمه ع الحمام لكن ما له امان .. يعني لازم البسه الحفاظ برا البيت ووقت النوم :sad: لكنه في البيت يجي يقول لي غالبا انه يبغي يروح الحمام ..
لكن بقولج عن تجربة وحدة من خالاتي .. هي عندها بنتين وولد ::
ببنتها الكبير اخذت راحتها وما حملت عليها بسرعة ، فابتدت تدربها اول ما كملت السنتين وتعبت معاها واااااااااااااااااايد حتى تعلمت مع انها كانت متفرغة لها عددددل .
ببنتها الثانية حملت عليها وهي عمرها سنة ونص ، فتأخرت في تعليمها ع الحمام بسبب ظروف حملها وولادتها وانتظرت لما الولد يكبر عشان تتفرغ عدل لموضوع الحمام مع بنتها .. وابتدت معاها وهي عمرها 3 سنوات لكن تقول ما شا الله تعلمت بسررررررعة لانها كانت كبيرة وتفهم تقول شهرين بالكثير وهي قاطعة الحفاظ .. الحين ولدها عمره سنتين و7 اشهر وما تفكر حاليا انها تعلمه وتقول ما ابغي اعور راسي .. لين كمل ال3 سنوات ببتدي معاه
انا ان شا الله لين كمل حسون ال3 سنوات بتعامل معاه بحزم اكثر خصوصا ان اخوه بيكون اكبر شوي من الحين ..