ام زوجى هى سبب كآبتى

الله يعينج اختي

بس ما عليه اعتبريها في مقام والدتج دام انها ام زوجج الغالي عليج لازم يكون لها قدر و غلا في قلبج...

لا تتحسسين من الموضوع و كوني على تواصل وياها لو بالتلفون و خليها تحس انج كفوو و ان ولدها مرتاح وياج .. و في هالمواقف ان تقربتي لها بعدين كلميها و قولي لها ان كل حد طبيعة بشرته تختلف عن الثاني و انتي مش قاعده تشوفين حالتج تصير اسوأ بالعكس انتي تدورين علاج و ان شاء الله على حسب العلاج بترتاحين من مشاكل بشرتج

خلاصة الكلام حاولي تكسبينها و لو انجرحتي لانه ماشي مفر الا بالتعامل الطيب و المسايس

مشكوره اختي خطيررره علي الرد .....بس انا حاسه انها تقصد تظايقني مره كاشخه ولابسه وحاطه مكياج بس كنت لامه شعري قالت لي :وش فيك اليوم ؟ تعبانه.اشوفك شهباء .....كذا كلامها دفش

عادي انتي كوني كاشخه ومرتبه دايما وحاولي تعملي كل شي يبين ترتيك لان الناس يشوفوك مرتبه ما هيتمو في كلامها وبالنسبه لبشرتك اهتمي فيها وعالجيها وفي دوا اسمه روكتان للحبوب وايد زين خذيه الحبوب حتختفي بعده نهائي ولو قالتلك شكلك تعبانه اليوم هاي شي عادي لاتهامي لهالكلام ودام زوجك ما جا معاها وقالك هي تكبر الامور لاتهتمي في كلامها انتي حاولي تلاطفيها وتكسبيها في ناس لو لاطفتيهم وعاملتيهم معامله زينه ياغيرون ويسيرون يحبونك واقول هالكلام عن تجربه .

بصراحة انا ادا حد قالي نفس هدا الكلام اقعد اضحك ولا كانوا في شي لاني انا من النوع اللي اتعب نفسيا لاكن ادا الكلام جاء من زوجي احزن بس من حد ثاني والله ما ازعل حطي شي واحد قدامج ووجي بيتي عيالي والله يهديها ويصلحها

اختي العزيزه

لا تكونين حساسه لهالدرجه
يمكن أمه ما تقصد شي شين من ورا سؤالها
تعرفين الحريم الكبار على نياتهن ويمكن عمتج فيها
نوع من الدفاشه العفويه

وبعدين اختي يعني اللي يجيسها الجدري بتكون مسويه
جريمه ولا هالمرض سيء السمعه؟؟ عادي حبيبتي بس
يمكن عشانج مب راضيه عن بشرتج 100% مستويه حساسه

يعني كنت ترومين تردين عليها وتقولين مثلا: :rolleyes: أنا؟؟
بسم الله علييي.......لا يا عمتي..بس تعرفين حبوب الشباب كيف
تسوي ساعات في البشره الدهنيه...بس الحمدلله هالبشرة من
النوع اللي تجيسه تجاعيد بسهوله...ان شاء الله بتم شباب على
طوووووووووول وووووووو

ومثل ما يقولون بالانجليزي: take it easy

حبيبتي خليج انسانه طبيعيه واي كلام تسمعينه دخليه من الاذن اليمين وطلعيه من الأذن اليسار.....................كأنج ماسمعتي شئ..................وعامليها عادي ولاتتحسسين.................وفي النهايه الأجر لج......................وأغلبيه العمات مشاكل وياحريم عيالهم....................وكوني الأحسن....................والله يوفقج

عادي الكل مر بهال مواقف حتى مع اخواتج يمكن تحسن بالاخراج


مادام انتي مرتاحه كل شي عادي

شوفي اختي ..
غيري اسلوب تعاملك معاها ..
** الكشخه والعدال لحالهم ما ينفعون مع ام الزوج لازم تدخلين لها في صميم القلب ..

كل مره تزوريهم لازم تودين معاك طبق .. من صنع ايديك الحلوين واذا ما عندك وقت جاهز (( الله يخلي لنا المطاعم )) .. ترى من وجهة نظرهم ان الوحده العاقل المسنعه ما دتدخل عليهم وايدها فاضيه..

** عيد الفطر والاضحى لازم -------------------->> اجباري تودين لها قبلها بيوم هديه بسيطه وسلة شوكلاته للعيد ..

** بين فتره وفتره طرشي لها من غداكم او عشاكم ..

** اذا عندها ضيوف رزي الوجه وخلك دوووووووووم متواجده بتستانس وبتحس انك واصله وتقدرينها وكل شوي بتقول حق ضيوفها تقول لهم : هذي زوجه ولدي فلان الله يحفظها .. واذا ماعندك وقت تروحين طرشي لها شاي وقهوه مع اي طبق علشان تقدمه للضيوف

** والاهم من هذا كله خلك طيبه معاها بس رسميه .. لازم الحدود تكوم موجده مهما كانت علاقتك فيهم طيبه علشان ما يتجراءون عليك .. ويحترمونك

** لا تكثرين الدوس على بيتهم : زياره وحده في الاسبوع تكفي .. وعلشان ما تغثك بالكلام لا تروحين لها ألا وزجك معاك .. وطبعاً زوجك بيكون مبسوط فيك لأنك كاشخه وحلوه وفوق هذا جايبه معاك أكل للعائلة الكريمه

------------------>>
------------------>>

بعد ما تسوين هذا كله ..
جا دور النقد .. من تنتقدك او تنقد بشرتك او شعرك .. وقفيها عند حدها بس باسلوب
بلوماسي
خلك واثقه وقولي لها غريبه ؟؟ محد قال هالشي الا نتي توني جايه من عند اهلي وامي وخواتي يقولون لي محلوه اليوم .. واللون اللي لابسته طالعه روعه عليج (( خلك واثقه )) علشان ما تفكر تهينك جدام الناس وما تكررها مره ثانيه ..
اما اذا سكتي .. بتظل تنتقد وتنقد ..

اتمنى لك دوام السعاده والتوفيق ..

معليه معليه ..إصبرررري الصبر مفتاح الفرج.......ويا غاليتي لا تحاوليين تبيين حق ريلج إنج متاضيقه من أمه....أوك..ربي يفرج لج همج إن شاء الله

نصيحتي لك

طنش تعش تنتعش

و خليك دايما واثقة من نفسك

مشكورين اخواتي ,alshegra .noonoo.nice .انفينيتي.انسه فله .في القلب زايد .حلوه وكشخه .sweet girls .ابرار الجنه ــ علي ردودكم وتفاعلكم معي .صراحه استفدت كثير من نصائحكم وحسيت نفسيتي صارت احسن

خلي عندك ثقه في نفسك وما يهمك من احد والناس اللي يهتمون بالشكل اكتر من الجوهر جهلاء

(واذا خاطبهم الجاهلون قالوا سلاما)

حبيبتي كوكو خليكي واثقة من نفسك اهم شي زوجك طبعا ام الزوج دايما تجرح ودفشة في الكلام وانتي زي ماقلتي حلوة وجسمك الكل يتمناة واذا لبستي شي حلو تقول لالبسك موحلو لو لبست وحدة من بناتها لبس اللة لايوريكيتقول يجنن طبعا القرد في عين امة غزال

:angry: :qaq: حبيبتي كوكو خليكي واثقة من نفسك اهم شي زوجك طبعا ام الزوج دايما تجرح ودفشة في الكلام وانتي زي ماقلتي حلوة وجسمك الكل يتمناة واذا لبستي شي حلو تقول لالبسك موحلو لو لبست وحدة من بناتها لبس اللة لايوريكيتقول يجنن طبعا القرد في عين امة غزال:angry: :confused: