يا بنات من اتطلقت وندمت؟ومن اطلقت وما ندمت؟

حبيبتي الله يعوضك خير

وإن شاء الله تلقي اللي أحسن منه

ومو شرط الرجال الأول ما يتعوض أنا خالتي اتطلقت وسعت في طلاقها المرة الأولى

بس الحمد لله ربي عوضها بعد كده بزوج غيره

هو مايصير ان نعمم
فكل وحده ماتعرف وش هو نصيبها بيكون احسن ولا لا
والله يوفق بناتنا باولاد الحلال

انا تطلقت و ما ندمت الحمد لله

و الله عوضني باحسن منه

قريبتي تطلقت وتزوجت واحد ثاني وتطلقت للمره الثانيه هي صغيره عمرها حوالي 26 سنه وتطلقت مرتين للان وقريبه اخرى لي لم تتوفق فزواجها الثاني لمن اعرف سيدات كثار تطلقو وتزوجو للمره الثانيه وكان زواجهم الثاني موفق وممكن الزوج الاول نفسه تزوج وحده ثانيه وهي تكون مرتاحه معاه ولا تشتمي سبحان الله يكونون الزوجين مب متفقين مع بعض لكن في زيجاتهم الاخرى يكونون ناجحين ومتفقين مع الطرف الاخر انا اقول ممكن يكون الزواج الثاني افضل من الاول وومكن يكون اسوأ الف مره من الاول الموضوع له دخل فالنصيب والحظ وفشخصيه البنت نفسها يعني ممكن يكون زوجها الاول ما كان في شي لكن هي تطلقت لاسباب سخيفه ولما تزوجت الثاني شافت انه اسوأ وقالت وين هذا وين زوجي الاول ياريتني تميت معاه على قوله المثل االلي يقول جود مجنونك لا يجيلك اللي اجن منه .

مو شرط

احيان يكون الزواج االثاني احسن من الاول


ربنا يوفقج

انا اتطلقت و ابدا مااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ندمت

و الله عوضني بزوج ثاني ثقله ذهب و ما يتعوض و الحمد لله احنا الحين ننطر مولودنا الاول

طيب لما تطلقتوا ازواجكم كانوا متزوجين ؟ ( قصدي الزوج الثاني )؟ يعني هل كنتي الاولى او الثانية ؟
وهل كان عندك اولاد من زوجك الاول ؟ وكيف تصرفتي معهم ؟

السلام عليكم

و الله انا اكثر ما يزعلني على المطلقة لما يقولون " الوحدة قلبها لاول رجل عاشرته " !!!!!!!!!!!!!!؟؟

بالذمه هذا كلام ؟؟؟

رب العالمين سن الطلاق مثل ما سن الزواج ؟؟؟


يقول سبحانه و تعالى :
" الا يعلم من خلق و هو اللطيف الخبير "

على العموم مو شرط تتوفقين و لا لا هذي اقدار مكتوبة و نصيب

و مع الدعاء الصالح و الصدقة ربي يبعد البلاء

اختك " انا حلوة مرت بالتجربة "

كلشي نصيب ... و كلشي بيد رب العالمين .... محد له حكم على هل شي .. و الي الله كاتبه دووم فيه خييره حتى لو كان ضد سعادت الانسان

انا تطلقت و ما ندمت الحمد لله

كل شي قسمة و نصيب

انا اعرف اختين تطلقوا وحدة منهم عندها عيال 2 و الثانيه لا

اللي عندها عيال تقول انها ندمانه كثر شعر راسها انها طلبت الطلاق وتطلقت و مسوؤلية العيال تقول وايد كبيرة عليها واللي ما عندها عيال مرتاحة

وفي بعد وحدة اعرفها مطلقة وعندها ولد بس مرتاحة وتقول انها ما تفكر تتزوج مرة ثانيه

وفي قصص نسمعها عن حريم تطلقوا من ازواجهم و تزوجوا للمرة الثانيه في منهم مرتاحين و منهم يقولون ياليتنا صبرنا على الاول و لا تطلقنا وخذنا الثاني


السالفة كلها سالفة نصيب و قدر مكتوب من الله

اللي الله كاتب لها راح يصير

بنات ادعولي اتوفق بواحد احسن من طليقي من جميع النواحي عاجلا غير اجلا
وشكرا لكم حبايبي للمشاركات اللطيفه وما تقصرو

صدقيني الله بيعوضك و باقرب وقت

بس هالمرة لازم انتي تكونين حكيمة باختيارك عشان ما تطيحين بنفس الغلط

و لا تنسين كل حلو فيه عيب

موضوع روعه يا ليت كل وحده تحط تجربتها لاني ناويه انضم للمطلقات لكن خايفه

قولوا تجاربكم عشان نستفيد

موضوع روعه يا ليت كل وحده تحط تجربتها لاني ناويه انضم للمطلقات لكن خايفه

قولوا تجاربكم عشان نستفيد

حبيبتي مثل ما قالن البنات
كله نصيب
بس في نقطه مهمه
الل عندها عيال بيكون عليها الطلاق صعب شوي
العيال مسؤوليتهم كبيرة و اذا تزوجت مرة ثانية يمكن تستوي لها مشاكل و يا زوجها الاولي و ما تظمن زوجها الثاني يهتم بازولادها و يعتبرهم مثل عياله او حتى يوافق انهم يعيشون وياه
عشان جذي اهم شي انه البنت تتاكد من اخلاق الريال اللي بتاخذه قبل لا ترتبط فيه و اتييب منه عيال و تطيح الفاس بالراس
و دام انتي حبيبتي ما عندج عيال السالفة اسهل و ربي انشالله بيرزقج بولد الحلال اللي احسن منه و يحطج في عينه و يقفل عليج
ولا تندمين على قرار انتي اتخذتيه و مظيتي فيه لانج اكيد فكرتي فيه و لقيتي انه احسن لج و لمستقبلج

اختج روح الحب

انا تطلقت من ثلاثة سنين ساعتها لم يكن هناك اي سبب واضح للتعاسة التي كنت اعيش فيها تعبت كثيرا
لا فسر لماذا كان يعاملني طليقيهكذ لكني لم اصل اصل الي نتيجة مرضية
الان وبعد كل هذه الفترة اتفاجا به علي التلفون ويقول بانه يعيش كالميت منذ ان افترقنا وانه لا يدري لماذا حدث الذي حدث قد يكون هو ندمان اما انا فمازلت اكن له عاطفة لا يعلمها الا الله لكني لست نادمة علي طلب الطلاق لان كل شئ قسمة و نصيب وعسي ان تحبو شيئا وهو شر لكم وشكرا
اختكم في الله
beebee

حبيبتي الحياة قسمه ونصيب..................وان شاء الله الله بيعطيج الاحسن عنه...............وخل عنج كلام الناس بيوديج وراى الشمس.................خليج ايمانج بربج قوي...............وان شاء الله الله بيعوضج بالأحسن عنه...................وانا خالتي مرت بتجربه..................وتزوجت للمره الثانيه انسان في قمة الروعه والاخلاق والأدب...............مع انه زوجها الاول انسان محترم وطيب لكن مافيه نصيب............والحمد الله اللحين وايد مرتاحه مع الثاني الله يخليهم لبعض