ساعدوني يابنات الله ينول لكل وحده الي في بالها

الف مبروك والله يتمم لج على خير حبيبتي

بضبط لج رد مرتب وبرجع لج

مشكوووووووووووووورة حبيبتي الله يوفقك في الدارين

عزيزتي .. الاخت أصيله منزله موضوع روووعه ( أسمه موضوع جماهيري = خبيرات تجميل محترفات ) فيه نصايح وايد بتستفيدين منها .. و حاطه أسماء ماركات في متناول الجميع موضوعها موجود في نفس هذا القسم .. و تقدرين تستفسرين منها عن أي شي .

قوه يالملكة الواثقة؟
شلونج اول شي بالمبارك انشالله و عسى الله يوفقج و يتمم عليج :)
بالنسبة حق سؤالج عن ماكات باسعار مناسبه فان احسن شي برايي ماركات Nevia beaute- rimmel-
max factorو هذي للفاونديشن اوكي وااااايد زينه
و طبعا للشدو اللي يلمع الاختيار الاول و الاخير borjios لانه اسعاره واايد حلوه و ممكن تلقين عندهم ماسكرا الوان و منها فضي اللي تشبه الكرستال و عندي اياها وااايد حلوه
اما بالنسبه للمزيل الماكياج لا تلفين و تدورين اخذي جونسون ان جونسون وبس وااااااااااااايد لطيف على البشرة و يصلح بعد للعين
اما بالنسبه لبخاخ السيقان و بودر الجسم و السيرم ممكن تلقينهم عند محلات تجهيز الصالونات اذا تعرفينها
و علما بان السيرم مثل الجل تحطينه قبل الاستشوار لحمية الشعر من اضرار الاستشوار مثل الحرارة و الجفاف
و بالنسبه للكحل ممكن تاخذين كحل ماركة اركانسل وااايد زينه و هالماركه مثل ماركات نيفيا و ميبينيل اما ااذا ما لقيتيها اخذي مجموعة مكياجي يمدحونها و الله
اما سؤالج متى اشتري المكياج فان الحين الفترة المناسبه للشراء لانه كلما اقترب موعد ازفاف كثرت الاشغال و لهيتي عن المكياج باشياء اكثر ضرورية :)


وووووووووو بس
اتمنى اني اكون افدتج و اذا نقص شي سامحيني عالقصوور :)
اكييد باقي العرايس راح يكملون النوقص

G O O D L U C K

فديتج بصراحه حبيت طريقة تفكيرج في انج ما تاخذين الا الشغلات المهمه
لأن اغلب العرايس ياخذون بكميات كأنهم ما بيطلعون بعد العرس للسوق
خصوصاً المكياج بتملين ومابتستخدمينه كله ،، وكل فتره ينزل شي جديد

بخصوص نوعية بشرتج المختلطه ،، يعني عندج مناطق جافه ومناطق دهنيه صح
استخدمي الكريم المرطب اللي يكون مناسب لنوعية بشرتج وركزي اكثر على المناطق الجافه
اذا عندكم محلات لاش قولي لي عشان بنصحج بكريم مرطب حلو ويعادل توازن البشره

بخصوص علامات الخطوط ،، او الخطوط التعبيريه ،، بعد ما توزعين الفاونديشن ثبتيه بالبودره عشان ما تبين هالخطوط لأنج لو ماثبتيه بالبودره راح تبين الخطوط اكثر ويتشقق الفاونديشن ويسيح ويبقع


بخصوص اختيار درجة كريم الاساس و البودره يعني ممكن تجربين على بطن اليد مكان العروق ،، اذا كانت يدج نفس لون بشرتج ،، انا لو كنت باخذ فاونديشن وماودي اجربه بالمحل انشب بحلوقهم لين يحطون لي عينه منه في علبه اجربها بروحي في البيت ،، عاد في محلات تقول لج ماعندنا علب ومن هالحجي ،، خذي معاج بالشنطه علبه صغيره او شي صغير وفي المحل شوفي اقرب درجه على يدج وقولي لهم يحطون لج من التستر مالها في العلبه اللي عندج ،، عادي محد يعرفج هههههه ،، هالخدمه موجوده في ماك يحطون لج شوية اساس في علبه صغيره او ممكن تجربينها عندهم في غرفة المكياج المسكره ،، اي صح ممكن في محلات المكياج تلقين عندهم غرف مسكره للمكياج ممكن تجربين فيها



1) متى أشتري الماكياج؟؟
ممكن تشترينه من الحين .. لأن قبل العرس بوقت قصير بتنشغلين و تتوترين وبتطلع لج الف شغله
اشتري المكياج واحتفظي فيه بعلبه ولا تفتحينه .. لأن دامه مسكر خلاص ماعليه ضرر ،، تبدين تحسبين له من تفتحينه و يتعرض للهوا .. خصوصاً الماسكارا لا تفتحينها .. انا لأني احياناً آخذ ماسكارتين عشان لو خلصت وحده تكون الثانيه موجوده لاحظت مره البياعه تفتحها لي وترويني اياها عشان اتأكد اذا ناشفه او لا .. ماحبيت هالحركه لأنها خلاص من تتعرض للهوا تبدي تنشف

2) ايش احسن ماركة كريم اساس وبودرة للسهرات؟؟ لاني استخدم للايام العادية ماكس فاكتور
عندج كريم اساس و بودرة التوتال فينش من كانيبو وماكس فاكتور حلو للأستخدام اليومي

3) احسن أرواج للسهرات ؟ لان الروج مايظل ثابت معاي لآخر السهرة
ارواج ماك و استي لاودر .. خذي الالوان الاساسيه .. وخذي لج محددات شفايف من الماركات الرخيصه في لايف ستايل .. خذي كل الالوان اللي تحبينها ،، لأن دمج المحدد مع الروج بغير لج من لونه وبجذي بتكونين كسبتي اكثر من درجة بروج واحد .. وبعد محددات الشفايف لو تحطينها كطبقه تحت الروج تثبته ومايروح بسرعه

4) كحل اسود فاحم للسهرات؟ وهل ينفع كحل مكياجي للسهرات؟؟
اذا مجربة كحل مكياجي ومرتاحه عليه خلج معاه ،، او اذا تحبين كحل بينفت القلم
حلو للسهرات اسود وفاحم لداخل العين ولبرا .. وحتى للأستخدام اليومي مابتستغنين عنه
Sketching Pencils Eyes

وعندج كحل ريفلون نفس كحل بينفت من ناحية السواد و الثبات سعره ارخص لكن مشكلته دووم مخلص

5) علبة ظل كبيرة ؟ وايش رايكم بعلب ظل مكياجي
مادري حبيبتي ماجربتها ،، خذي علبة الشادو المخملي البنات وايد يمدحون الوانه والثبات
عني انا جربت maroof و نيبو ،، ثابتين والوانهم حلوه تلقينهم في محلات الهنود

6) ظل الي يجي لون واحد بالعلبة اي ماركة اشتري وكم لون اجيب؟؟ يعني الوان تكون مميزة وماتغني عنها الي في العلبة الكبيرة
خذي من ماك طبعاً وبدون منافس .. خذي الألوان الاساسيه
عندج الاسود وهو كربون

وللأضاءه تحت الحاجب عندج نايلون

او الـ shroom

والبني embark



7) مسكرا تنفع للسهرات والايام العادية ؟
ايف سان لوران

واذا تحبين ماسكارا حلوه لكن بسعر اقل عندج ماكس فاكتور 2000

8) بخاخ السيقان ايش احسن نوع وهل تنصحوني اشتريه ولا لاء؟
مادري انا ماجربته لكن وحده من اهلي جابت منه من امريكا ،، لما استخدمته ما مدحته كلش

9) انا قلت اشتري ارواج للايام العادية من برجوا وريميل وبودي شوب ولا ايش رايكم؟؟
حلوين وماعليهم كلام .. حتى ممكن لو تحبين تخلينهم حتى للمناسبات .. بس مثل ما قلت لج لا تكثرين

10)ايش هو الكريستال سيريوم حق الشعر بصراحه مو عارفة....:shy:
سيروم كرستال تحطينه قبل السشوار يحمي من الحراره والتقصف ،، وممكن تحطينه بعد السشوار يعطي لمعه ويثبت الشعرات الصغيره المشوطه من السشوار هههههه

11) اي لاينر للسهرات هل تنصحوني بلانكوم ولا شيء ثاني ؟
جربي ايلاينر بدي شوب سوووووواد وثبات ،، وحتى ريشته سهله في الاستخدام .. انا ماستخدم غيره .. لكل يوم وللسهرات بعد ..
سعره 55 متذكره سعره لأني توني من يومين شريت لي واحد لأن اللي عندي خلص


12) ايش احسن مزيل مكياج للعيون ولباقي الوجه
عندج جونسن آند جونسن ،، و نيفيا مزيل مكياج العيون مريح وما يحرق ويزيل مكياج العيون عدل
على فكره حتى زيت اللوز حلو لأزالة المكياج

13) بودرة بلمعة للجسم وما ابغاها تكون غاليه لانها للجسم
عندج ماركس آند سبنسر واختاريها بالريحه اللي تعجبج ،، لايف ستايل بعد بتحصلين عندهم
عطورات اجمل بتحصلين بودرة دهن العود ريحتها خيال لكن مافيها لمعه

14) كيف اعرف اذا كان كريم الاساس مناسبني ولا لاء؟
مثل ما قلت لج حبيبتي فوق ،، شلون تختارينه ،، لكن اذا تبين تشوفين ثباته ومدى مناسبته لبشرتج ،، لما تجربينه اتركيه على البشره وشوفيه بعد فتره


الله يوفقج ويسعدج ويتمم لج على خير

سامحيني لو طولت بالحجي والشرح ،، واذا عندج اي سؤال ثاني احنا كلنا خواتج

ياااااااااااارب وهذا يوم جمعه وفق كل من رد علي والله يابنات مستحيه منكم ومو عارفه
كيف اشكركم غير اني ادعيلكم بالتوفيق والسعاده في الدارين

marshmallows مشكوووووووووووورة على الشرح التفصيلي والله يعطيكي كل الي في بالك
وmaiooona مشكوووووووووووووورة على المعلومات

ICE مشكووووووووووووووووووورة على الرابط وعدم تطنيشك


بصراحه يابنات حسستوني ان عندني اخوات واعتمد عليهم الله يوفقكم والله من قلبي


في أمان الله

العفو حبيبتي ويكفيني منج هالدعوه الطيبه

ومثل ما قلت لج كلنا خواتج لا تترددين اذا احتجتي اي شي