كل حامل وكل وحده عندها بيبي جديد اوطفل او حتى قريب لها عنده اكزيما حساسية الجلد تتفضل

بسم الله الرحمن الرحيم
**********
******
***
*
السلام عليكم ورحمة الله وبركاته
*********
*****
***
*
حيالله كل من دخل موضوعي مقدما ونوره,
اخياتي الفاضلات من مده وانا بكتب هالموضوع
المهم الي عذبني كثير وهي الاكزيما الي في الطفل
الي هي حساسية في الجلد واحمرار..
بقولكم اول قصتي مع الاكزيما وبعدها كيف انحلت
اللهم لك الحمد والشكر..

اكتب هذا الموضوع عشان اريح قلوب كثيره من الامهات
مثل مارتاح قلبي ماشالله تبارك الرحمن....

احبتي عندي ولد عمره الان ست سنوات من ولادته وفيه
اكزيما بقعه في وجهه ولا عرفت كيف اتعامل معها لاني
بالاصل مااعرف اي شي عن الاكزيما حسبته عادي ادهنه
فازلين ولا فيه اي فائده, كبر وتطور الوضع حتى انه انتقل
لرجله بالضبط بالسفطه الي ورى الركبه, ويوم بعد يوم زادت
لدرجت اني مااقدر البسه بنطلون طويل لازم شورتات ووصل
الموضوع انو صار ينزل منها ماء وشي اصفر ومع الحكه من ولدي
ينزل دم,, والله كنت اتقطع عليه ولا بيدي اي حل لدرجة انو اذا
جا يلعب مع الاطفال يتاذى من رجلينه بشكل محزن ..بصراحه شي
يبكي والله انو اخوي الكبير دمعت عينه من منظرها البشع وكثر بكائه
لما يحكها..مافي مستشفى زينه ولا شينه ماجربتها في الرياض ابتداء
من المملكه الى اصغر مستوصف الجميع يعطيني مراهم فيها كرتزون
احطها تختفي ابطل منها ترجع عذاب مايعلم فيه الا الله...المهم في يوم
كان صديق الوالد الله يرحمه ويغفرله دكتور قالي ابوي كلميه وعلميه
بالسالفه..كلمته ووصفتله حال ولدي بالتلفون... وعطاني بعض التعليمات
بالاول استخفيت فيها بس من جربتها ماشالله تبارك الرحمن على طول طاب الولد
يااااااااارب لك الحمد والشكر...عشان كذا ببالي افيد الجميع واتمنى لو اقدر انشر
الموضوع بكل المنتديات.. عشان افيد واريح قلوب الامهات...



اول شي هو قالي::


1- وهو الاهم وبالذات الحوامل لازم يلتزمون فيه من البدايه لانه الاصح
لاطفالهم انو يكون اللبس قطن % 100وهالشي يكون مكتوب بالورقه عند الشراء الورقه الداخليه الي تلقونها بالمقلوب... وهالموضوع تعبني لاني ماالقى هالشي الا ببعض الماركات مثل ادمز وماذركير واحيانا ستي بلازا..اقصد انو اي شي يدخل فيه ماده ثانيه غير القطن لا يلمس جسمه مثل الفانيلا او البربتوز او حتى البطانيه وربي صرت كل مااشتري شي اقرى الورقه القى قطن ميه بالميه اوكي القى نسبه من ماده ثانيه لالالا وانحرم ولدي من اشياء كثيره تكون ماهي قطن واكثر شي البطانيه نادر تلقون قطن ومتينه تدفي لكن الشكوى لله ادور من مذركير بطانيات قطن واكبرها واطويها ثنين عشان تدفي حتى اذا نام على كنب اشيله على فراش قطن..
حتى السرير الفراش حولته قطن وحتى العربيه افرش عليها فراش قطن اول..والكرسي حق السياره وحتى كرسي البيت..يعني احاول اني اخلي اي شي يلامس جسمه قطن وعلى فكره الجنز اغلبه قطن لازم تقرون الورقه ..
حتى لما ينام عندي بفراشي افرش فراشه هو والمخده احط عليها وجه يكون قطن والطاقيه بالشتا نادر تلقون قطن لفيه ببطانيته..المهم كل الي حوله قطن مئه بالمئه....
وانصح الحوامل انو من اول ينتبهون لهالشي..
وملاحظه الشراريب والهيلاهوبات ماالبسها ولدي الا بالحلات المهمه لانو نادر تجي قطن البسه بجامات كامله...


2- الحليب يتغير.. وكان المراعي وحولت على نادك....

3- اي شي سبايسي او حامض او مالح بزياده وقفته اقصد الاكل مثل الصلصا الزايده والليمون يعني اي اكل فيه توابل مااعطيه تجنبوا كل شي مالح او حامض او حار..وبالاخص الشيبسات..واشدها الليز بالخل والملح وغيرها..يعني عطوهم شي مايهيج الحساسيه مثل شبس جبن والاحسن يمنع عنه لانه فيه دهون..ان شالله تكونوا فهمتو ا...

4- الفراوله والمنجا والفواكه الي حامضه... انتي جربي وقفي كلش وعطيه تفاح اوكي كملي عطيه حبحب انا اتكلم عن جميع الاعمار بشكل عام..
جربي الموز اذا لاحطتي تهيج وقفيه وهكذا لكن غالبا المنجا والفراوله والحمضيات هي الي تهيج..

5- المقالي ,, يعني البطاطا المقليه قللي منها احسن لانو قالي قللي زيوت بالاكل لان الدهون عامل مسبب للاكزيما..انا نشفت ولدي صرت احط باكلنا نقطة زيت عشانه والمقلي ماياكله الا بالسنه حسنه.. كلش بالفرن ..

6-العطورات قالي اتوقف عنها تماما ودهن العود صرت انا مااتعطر وهو عندي..وكمان الملطفات مثل لينور ولانسي بالغسيل..

صرت كل شي اغسل فيه احاول مايكون معطر.. وبطلت الملطفات الي بالملابس واي شي ريحته عطر وقويه وصرت اغسله بالشامبو الاحمر القديم حق الشعر...


7-الحلى الزايد ممنوع والسكريات,,اقصد انو الحلويات قالي اخفف منها واحاول ماياكل طبعاافضل ..بالعيد مااقواه ابد خخخخخخخخخخخخخ.. بس حاولت قدر الاستطاعه...


8- المكان يكون مكشوف عشان مايتعرق ويزيد فطريات...



بوقتها انا التزمت بكل التعاليم بكل جد واجتهاد.. وكنت كمان ادهنله فازلين مقري عليه واسمي واقرى انا كمان...

ماشالله ايام وربي اشوفها تخف شوي شوي الين اختفت وافتكيت من الفوسيكورت وعائلته من المراهم الي فيها كرتزون لانها خطره كثير اذا استمرينا عليها...

والحمدالله طاب تماما وحتى بعد ماطاب استمريت الين هالسنه بنفس الاشياء وبطلتها تدريجيا والحين عمره سته والبسه الي ابي ان شالله جلد والحمدالله مافيه الا العافيه لانها تكثر بمرحلة ماتحت الست سنوات..واكثر شي فرح فيه الثياب البيضه لانه كان محروم منها واخيرا صار رجل ولبسها الله يخليه لي ويطول بعمره...

طبعا بالضبط ايش الي شفاه بعد الله من هالامور مااعرف يمكن كلها يمكن واحد منها بس النتيجه انه طاب وماراح تعبي سدى..

بعدها جبت البنت الحلوه سوسو وشريتلها لبس حلو مرره بدون مااحاسب على نوعه قطن ميه بالميه لا لا كنت احسب بس ولدي وخلصت قمت شريتلها ملابس بنوتات جنان من كثر اشتياقي للبنات بدون تفكير..

بعد ماجت العروسه لعبت فيها ولبستها كل الي نفسي فيه في الاربعين وفجاه بدت تظهر علامات الاكزيما بوجهها انا طبعا مت من الخوف ودعيت ربي انها ماتصير مثل اخوها تتعذب ..الي صار انو كل يوم تزيد وتكبر وقمت تذكرت وقريت لبسها الي فيه نسبة بوليستر والي فيه نسبة نايلون والي فيه بلاوي متلتله المهم تداركت الموضوع بسرعه ورميت كل الي اشتريته مو قطن او فيه نسبه قليله مو قطن واللهي اشياء كنت ببكي وانا ارميها لانها جديده وغاليه ولا انلبست بس صحة بنتي اهم ..

غيرت البطانيه لقيتها بوليستر طرت اشتريت قطن وبدلت كل شي الى قطن % 100 ولا فيها نسبه من اي شي لو بسيطه...

وقمت دهنت مره مرتين دهان الي فيه كتزون وخف ..بس مارجع زي دايم لاني اتبعت نفس الطرق كلهااااااااااااااااااااااااااااااااااااااا والحمدالله الان عمرها سنه واربع شهور مافيها الا العافيه..
بس من كم شهر اشتهيتلها لبس كان مو قطن كامل كان داخل فيه ماده ثانيه قلت مره ماراح يضر واللهي ياجماعة الخير انها برجولها بين بداية اكزيما وقمت وكبيته على طول ولاعاد لبستها شي صحة عيالنا اهم من المنظر حتى هيلاهوبات حلوه تجنن مالبسها البسها بجامات مذر كير الكامله اذا خايفه من برد...

تدرون حتى فراشي انا وزوجي حولته قطن :)

الاماكن الي فيها لبس وفرش قطن مئه بالمئه هي:::

ايكيا """ عندهم شراشف واغطيه قطن %100 بس لازم تقرون وتتاكدون...

مذركير:::: اغلب لبسه قطن..

ادمز:::: عنده كمان قطن مئه بالمئه..

محل الاطفال الي بستي بلازا :::كمان عنه بجامات داخليه حقت البرد مئه بالمئه...

طبعا اغراض نادر قطن واتعذب عشان القاها بدون فايده..القفازات للشتا والطواقي والجاكيتا الكامله..

هذول ناااااااااااااااااااااااادر تكون قطن...



ملاحظات مهمه عن سوسو... كان وهي مولوده لما احد يشيلها وبالاخص الرجال الي ثيابهم نايلون لازم اعطيهم فراش زايد عشان يفرشونه على اكتافهم عشان خد البيبي مايلمس اي شي مو قطن ...

ان شالله اكون افدتكم ودعواتكم لي ولوالدي رحمة الله عليه لانه هو السبب بعد الله هو الي كان مشغول باله على ولدي وسئل صديقه...
ولوالدتي الله يطول بعمرها..وللدكتور صاحب النصائح>>> طماعه بقوه :)

وطبعا اولادي الحلوين خخخخخخخخخخ

اسفه جدا على الاطاله بس والله من كثر ماني ودي افيدكم ولا اخلي ولا معلومه :)

عاد نصي نوم السموحه على الاغلاط :qaq: