زوجي تغير علي شو الحل ؟؟؟؟؟؟؟؟؟؟

حاولي انج تغيري كل فتره من اسلوب شكلج وتشيلي الروتين من حياتج يعني تصبغين شعرج كل فتره تغيرن من طريقه لبسج ومكياج ودايما يكون شكلج حلو وروعه لانه هالشي وايد مهم وتهتمين في جسمج وتلعبين رياضه لا تخلين مسوليه العيال تشغلج وايد عن نفسج وفي اشيا وايد تقدرين تسوينها شوفي اللي تغير فيج حاولي تعدلينه وان شالله يردلج مثل قبل واحسن وفالتوفيق .

هلا اختي شخبارج...

اولا ...ريلج اكيد حاس انج صرتي لغيره وتنشغلين عنه فلازم بيسويلج هالحركات...بس ان شاء الله كل ما يكبرون الصغاريه بترتاحين اكثر...اولا غيري من شكلج...ومثل ما قالت لاخت في كل شي..لون شعرج ومكياجج وحني ايدج مرات والبسي اشياء قصيره او بنطلونات المهم غيري في ستايل شكلج وشعرج مثلا قصي قصه قصيره او قصي شعرج قصه حلوه...سشوريه دايما...وغيري من لبسج...اشياء ما كنتي تلبسينها البسيها واهم شي تكون مغريييييييييييييه وحلوه وعمليه للبيت..وطبعا البيت لازم يكوووووووووون مرتب ونظيف وريحته تجنن من الدخون والروايح الحلوه...

ثانيه...

ابتدي سوي حركات لريلج...يعني كل يوم حركه بسيطه...مثلا حطيله المعجون في الفرشاه في يوم...وحطيله ورده...زهبي ريوقه على السرير...حطي شموع..سويله سوالف رغوه في الحمام وبابلز ..واكتبيله كرووت حب..او اشتري الكروت الجاهزه وكل يوم حطيها في مكان...شوي تحت المخده وشوي في الجريده...يعني سوي حركات بسيطه وفي نفس الوقت تفرحه...والمنتدى مترووووووووووووووووووس من الحركات ما شاء الله...ولا تنسين كل يوم طرشيله مسج كل يوم..كل يوم لا تنسين صدقني يمكن ما بيرد عليج بس عادي لا تسالينه ليش ما رديت بس عوديه تطرشين له كل يوم مسج..ومره لا تطرشين بتشوفينه بروحه طرش لج...:shy:

ثالثا..

لازم تتفهمين نفسيت ريلج انه صار ابو وهالحاله تصيب تسعين في الاميه من الرييل تحسنهم كله معصبين ويبتعدون عن الحرمه..فلا تضغطيين عليه وتقوليه ابا ارجع مثل اولا لان ما ترجعين الحين الوضع جديد وصرتي ام وصار ابو..يعني مثلا اظهرو ويا الصغاريه مره..هذا بعد ما يكبرون يعني يوصلون على الاقل تسع شهور او سنه...او حطي عيالج عند امج او امه وايلسي بروحكم وياه..ولا تجادلينه واايد ولا تزنين عليه...افتحي وياه مواضيع حلوه ..اشتري العاب ..والعبي وياه...واذا كان عندج خدامه تعاونج يكون زين...


ان شاء الله افدتج...والله يوفق من بينكم يا رب...



اختــــــــــج دهــــونه :shy: (f)

يالغاليه لا تشيلين هم ترى احيانا كدا يصير مع اغلب الرجال بس صدقيني هو يحبك
ودا التغير شي عادي اجل ليش سموه شهر العسل يا قلبي لانه ما ينعاد

صدقيني ريلك يحبك ما اتغير حبه بس اللي اتغير طريقه حبه لك

الله يسعدك معاه ويخلي لكم بناتكم ويرزقني انا وياك بالولد آمين

أختي هذي مب مشكلتج بس


ترى هذي مشكله أغلب الحريم من بعد الاولاد يحس

الزوج زوجته صارت مسؤوله عنه وعن عياله مو مثل قبل

كانت مسؤوله عنه بس الحين وياه شركاء


ثانيه الزوجه مشغوله بالصغار فحتى لو اهتمت بنفسها مو شرات أول

واذا عندش حد يمسك الصغار يكون افضل عالأقل تتفرغيله شوي


والله يساعدك ويساعد كل المتزوجات

يمكن حس انو اهتمامك فيه قل عن اول ..حاولي
تغيرين بشكلك وستايلك باللبس
قرري يوم تودين بناتك عند اختك والا امك واطلعي انتي واياه بلحالكم تعشوا واتمشوا..
دلعيه لا تنادينه الا حبيبي وحياتي واشتقتلك ومن هالحكي ..
حاولي مايرجع للبيت الا تكونين متفرغه له مره ومافيه شي يشغلك عنه..
حاولي تشغلينه فيكم شوي يعني اذا ناقص اغراض للبيت لايروح بلحاله يجيبهم روحي انتي واياه وخليه يحس بااهميته بحاتك انتي وبناتكم وانكم من غيره ماتقدرون تتصرفون عشان يرتبط فيكم اكثر ويحس بالمسؤلية تجاهكم
غيري من ترتيب البيت وسوي تغير فيه لو بسيط عشان تكسرين الروتين والملل
والله يسخرلك زوجك

خواااتي الغاليات لكم كل الشكر مني وان شاء الله يصير ألي في بالي واتمنى الله يوفكم

ما شاء الله البنات ما قصروا في الحركات حتى انا استفدت وايد منهم في الحركات

الله يسخر لج زوجج مثل قبل واكثر بعد

حبيبتي استهدي بالله اول شي عمري حاااولي تغير الروتين الفتي انظرة بشي هو يحبة غيري من شكلج بين فترة وفترة اشتري كريماات النكهة والريحه الحلوة حاااولي في الوقت اللي يكون موجود فية انج تصرفين الصغارية خلي معاملتج روومنسية تدلعي تغلي وحددي وقت معاااه انكم تتناقشون في امور الحياة الزوجية وشلون تهتمون بالصغار وخصصي يوم في الاسبوع يكون لكم لحالكم من دون اليهال وخلج مرنة معاااة لاتضايقينة بكثر الاسئلة ليش ما تقعد ليش مانطلع ليش ماتسولف ترى الرجاجيل مايحبون المرة الحنانة عطي عبارات حلوة اللي دخل البيت عساك على القوة الله يعطيك العافية الله والصلاة حبيبيتي لا تنسينها تراااها وااجب من وااجبات الزوجين وتهدي سرهم وقوي صلتهم بعض

الغاليه

الريااال مثل اليااهل

تلقينه اول شي قاام يغار من اهتماامج لليهااال

وبعدين تعود على انه صار فالمرتبه الثانيه

طيب كيف تردينه مثل قبل

شووفي

ما فيهااا شي لو غيرتي في لبسج وكشختي له

بعد ما تكونين طرشتي اليهااال لبيت اهلج او اهله

خليه يحس انه ما اتغير شي عليج

وانج لي الحين تحبينه

سوي له ليالي رمنسيه

ومفاجات

خليه يتحرقص لين ما يرجع لج

انتي تقدرين تغيرينه صدقيني والحل بين ايديج بس ماب منتبهه

شوفي قسم الخبرااات البنااات ما شا ءالله عليهم مب مقصرااات افكاار رهيبه

جربي وحده منهم وشوفي حظج

عسى ربي يسر اموورج

ويصلح حالكم