النشاط الزائد للاطفال

ك

كسوف الشمس

عروس مشاركة

12-02-2007 | 08:40 AM

اخواتي الحبيبات عندي مشكلة واتمنى اني الاقي الحل عندكم ابني عمره ثلاث سنين وماشاء الله عليه مايقعد عنده نشاط زائدوكل تفكيرة سيارات كله يريد يركب سيايير ومايشبع منها واذارحنا عند ناس مايقعد ابد ينط يمين وينط شمال ويظرب الاطفال الموجودين على سبيل اللعب ومايسمع الكلام ابدا:no: وهو من النوع الملول جدا يعني اذا رحنا مثلا البر مايستمتع بالمناظر ويلعب يلصق بالسيارة وما يريد غير انه يقعد فيها وشوي ويقول يلا نروح البيت وقعد يزن ويزن وما يبطل كلام الين نروح البيت :sad: ما اعرف شو اسوي معاه جربت معاه اني اطلعه وافسحه هدا شوي لكن لما بطلت يوم رجع يمل من جديد ولما نلعب معاه بالالوان مثلا يقلبها ظرابه على اساس انها لعب وقبل كان يظرب الاطفال وايد وكان يحرجني جدا فلما عاقبته صار مايظرب بالعكس ينظرب ويصيح احس انه فاقد شي لكن مب عارفة شو اسوي الله ي:sad: خليكم ساعدوني

م

مناهل78

مشرفة سابقة

12-02-2007 | 12:35 PM

الولد عنده طاقة نشاط زائدة،، مو معنى ضربه للأطفال دليل على عدم تربيته،، بس الولد يظهر قدراته بهذه الطريقة... ربما لأنه الطفل الوحيد ويعاني من الوحدة وعدم وجود أطفال حوله أو عدم تأقلمه مع المحيط الخارجي.
أو ربما تتبعون معاه طريقة عقاب قاسية كالضرب وبالتالي ينعكس عليه ويقوم بتأدية نشاطات أكثر قسوة...

الحل أختى أن يكون في تواصل بينك وبين أبوه،،، يعني تحددون لكل واحد منكم وقت يجلس ويلعب معاه ويؤدى معاه أنشطة...مثلا الأب يلعب معاه الكرة وبعض الحركات الخشنة شوي.. أنت تلعبين معاه وتلونين.. بطريقة ماتخلينه يعصب مثل ماتقولين...
لما تشترين له لعبة خليها تكون مبتكرة يعني ممكن يلعب فيها ويطلع منها أشياء كثيرة ومايمل منها بوقت قصير.

إذا بإستطاعتكتم تسجيله بنادي رياضي يتعلم التيكوندو والكارتيه أفضل،، صحيح ألعاب خشنة وتخليه يزيد،، بس لما يفرغ طاقته بالنادي خلاص يرجع البيت ويتعب.. او يلعب بدراجته العصرية يكون مايصير الليل الا دايخ..

أختى هل الولد بالروضة؟؟ دخليه الروضة إذا بعده مادخل يكون تصير عنده صداقات وصدقيني بعدين بيهدئ وماراح يضرب العيال ويفشلكم...

ب

بنبونه

عروس مشرقة

12-02-2007 | 01:20 PM

ما شاء الله عليج يا رانيا ردتي عليها .. أنا أحس إن الأولاد مب مثل البنات .. عندهم نشاط .. بعكس البنات هاديات وااايد ..

s

smsm78

مشرفة سابقة

13-02-2007 | 12:45 AM

عندي ولد ما شاء الله عليه شقي البنت بعدني ما جربتها

ا

احزان2006

عروس جديدة

13-02-2007 | 01:51 AM

هذا اختي سببه الدلال الزائد :sad: فمن سلبيات التدليل انه الطفل بيمل بسرعه من كل شي :confused:
المهم هوه عنده كمان نشاط زائد لازمه تغريغ عن طريق استهلاكه باللعب:gum: و الافضل تحطيه بروضه بيفرغ الطاقات({) وممكن يتعلم كيف يتعامل مع الاطفال الاخرين :gum:
نصيحه اخرى انه يبتعد عن الاطعمه التي تولد الطاقه على سبيل المثال الشوكولاته خصوصا فترة الليل:confused:
هاد كله تعلمته من تجربتي مع بنتي و ابني و لغاية الان اعاني:sad: :sad: :sad:

أ

أم سعيد

عروس نشيطة

13-02-2007 | 09:34 AM

اختي الصراحة الله يعينج..انا عندي اولادي الاثنين توأم وعمرهم 3 سنوات و4 شهور..نفس حالة ولدج ماشاءالله يحبون اللعب والتخريب طول الوقت وغير انهم يضربون اولاد عمهم واهلهم..دخلتهم في مركز تعليمي يعلمونهم في مرحلة تأهيل للروضة لانه سنهم ما يقبلونه للروضة..والحمدلله كانوا هاديين ويتقبلون التعامل عندهم رغم انهم كانوا اشطن اثنين هناك واذا ماقدروا يضربون الاولاد هناك يضاربون مع بعضهم..
بس للاسف طلعتهم هالشهر لان المشوار بعيد وانا مع حملي صرت اتعب اوصلهم هناك ولازم ارجع دوامي..خليتهم في البيت والحين رجعت حالتهم مرة ثانية مع اني احاول اعوضهم لما ارجع من الدوام والعب معاهم ولكن مازال اسلوبهم ما تغير..واتامل انهم لما يدخلون المدرسة يعقلون ان شاءالله..
بس فعلا اكتشفت انه الضرب ما ينفع معاهم بالعكس حاولي تادبينهم عن طريق حرمانهم من الاشياءاللي يحبونها لو اساؤوا التصرف بيحسون بالندم ويحاولون ما يكررونها..والله يهديهم ان شاءالله

m

mahhaweee

عروس رائعة

13-02-2007 | 09:46 AM

عندنا ووعندج خير

بس يا اختي الضرب ما ينفع ابدا مع هانوعيه من الاطفال بل يزيد عناد وصراخ وشيطانه

حاولي تدخلينه روضه

انا انتظر يصير عمر ولدي 3 وادخله روضه يمكن افتك من حركته الزائده والضرب والترفس لليهال اللي في سنه