اللي عنده فكرة لتقديم مبلغ من المال هديه عروس

هلا الغالية ممكن تسوين فكة اي مبلغ انتي تبغين تقدمينة وتودينة باتشي ويصفلج بطريقة حلوة مع الشوكولاتة وتقدمينها اياها لانة انا سويتها حق صديقتي مربية وحطيت دبدوب باتشي وان شاء الله افاديتج

مشكوره حبيبتى عالرد .......... احس هالفكره طفوليه ..... ابي فكره تناسب عروس

أكو محلات تشترين منها بطاقات هدية ( يعني أنتي تدفعين مبلغ البطاقة وتعطينها رفيجتج وهي تروح تشتري إللي تبيه من هذا المحل إللي شريتي منه البطاقة ) أنتي تشوفين المبلغ إلي بتقدمينه لها وتشترين فيه بطاقة هدية ممكن بطاقتين من محلين مختلفين ويبيعون أشياء مختلفة وتقدمين لها البطاقات في علبة للهدايا ومعها رسالة منج تعبرين لها عن مشاعرج

هذه فكرة أنا ودي أسويها عشان بنت خالي زواجها قريب وبإذن بشتري لها البطاقات

يارب تعجبج

ممكـــن تاخذيلــها باقــة وتحـــطين المبلغ فظــرف
وتحطينه فنص الباقـــة وبمــا انها عــروس حطيــلها ربع توله دهــن عــود^^

مشكوري عالرد ..... بس اللي اعرف ان فى محل اطفال هو اللي يسوى بطاقات .... عندكم فكره عن محلات للكبار ؟؟؟

تهاني الخليج عنده علب جد حلوه .. مخصصه للمبالغ ..
انا افضل تعطينها ايها مع عطر وبيجامه من لاسنزا ..

ييبلج استاند من البوه " الفلين " وغلفيه بطريقه حلوه

وييبي معاه عصايات طوال يعني 10سانتي نفس الي يستخدمونها في تزيين الاكل

او في المشاوي بس يكونن من الخشب

وخلي المبلغ مفكك يعني مثلا اميات وعشرات وخمسات ولفيهن مثل السندويتش

وحطيهن على طرف كل عصا واغرسي العصا في الفلينه وتقدرين اتزينين لستاند بالحلويات

وتقدرين بعد اتخلين عصي فيهمن لفلوس ونصهن فيهن اوراق فيهم كلام حلو نفس اشعار

او تبريكات وهالسوالف او اتلصقين عليه اشكال نفس شكل القلب او قلبين متلاصقين

وبسسسسس ان شاء الله فهمتي الطريقه ... والسموحه

نجود قطر:
مشكوري عالرد ..... بس اللي اعرف ان فى محل اطفال هو اللي يسوى بطاقات .... عندكم فكره عن محلات للكبار ؟؟؟

باريس غاليري وفور يو اعتقد يسوون هالحركهـ

أنا عندي فكره إذا انتي من ابوظبي سيري محل " بيتي " في المارينا مول فوق و عنده ظرف بس مثل الرساله الي تنلف وتستوي اصطوانه ( الرسائل القديمه) و الظرف اييج مطول اتحطين داخله البيزات و اتلفينه بقطعه تيج مثل الجلد ( اصلا هو مخصص حق الفلوس ) بتحصلينه عند الكاونتر

و انا افضل احلى طريقه لتقديم الهديه الماليه وهي
اتسيرين سلمج الله بنك الإتحاد و تطلبين بطاقه اسمها هديه ( من غير دفع اي رسوم ماليه و من غير فتح حساب ) هاي البطاقه اتكون مثل الفيزا كارد اتحطين فيها اي مبلغ مالي بإسم صديقتج و هي تصرفه في اي محل يعجبها او تسحب بيزاتها ( يعني كأنج تفتحين حساب مؤقت في الفيزا كارد من غير رسوم ) و الأحلى انهم يخلونج تطبعين اسمها على البطاقه او تكتبين تهنئه وتختارين اي رسمه على البطاقه
(اتصلي بنك الإتحاد و استفسري عن بطاقه هديتي )
و أتمنى اني افيدج

Am sorry I thought that u r from UAE , coze Al Etihad Bank is in UAE I don't know if in Qatar they have the same.

والله افكار البنات حلوة بس ممكن تجيبي صندوق صغيرون الي يجي على شكل الصناديق القديمة وغطاة محدب وتشتري

بحجم هذا للصندوق تقريبا

القلايد الي تجي على شكل الؤلؤ واساور فضه وذهب وتحطيها على شكل عشوائي وتجيبي




وممكن ايظا تجيبي ورقة تجي على شكل قديم وتكتبي عليها اهدائك
والمبلغ تقدرين تحطينه بكيس النقود الي يستخدم بالقديم

وحطي المبلغ الي ناويته لها داخل هذا الكيس والي ينشد بخيط بتطلع العلبة حلوووووة وان شاء الله تعجبج
على فكرة هالصناديق انا احب دايما فكرتها .
لا تنسينا بالدعاء

مشكورين كلكم وماقصرتوا يالغاليات

مشكورين كلكم وماقصرتوا يالغاليات

أفكاركم حلوة

سيري Godiva
وهم بيسوون لج شي حلو ...

حبيبتي عندي فكرة حلوة ، سويتها لوحدة من صديقاتي ووايد عجبتها .

شريت مدخن راقي من الشايع ، وكانت عندي علبة عود معطر فاضية ، وديتهم جيربيرا ، قتله يحط المدخن على ستاند فلين وجلده بلون يناسب المدخن ، وبعد غلف علبة العود بنفس الجلاد وحطيت العلبة داخل المدخن وطبعا كان فيها الفلوس ، وحطيت حوالين المدخن ورد صناعي الي فيه لمعه ( عندهم الوان روعة ) وغلفته بالسليفون ............... طلعت روووووووووووووووعة ، حتى صديقتي توقعت انه عود ................ان شاءالله تعجبج