مذكراتي مع محاربة السمنة

مرحبا حبيبات قلبي شخباركم ..

من العنوان يبين اني ابي اكتب مذكراتي مع الحرب اللي انا فيها اللي هي السمنه ..

بنات تعبت مافي شي ماجربته و اخر تجاربي بديت فيه اليوم و اللي هو رجيم فور ايفر ..

شريته من المنتدى و اتمنى ان يجيب مفعول معاي لاني يأست ابي البس ابي اتكشخ ابي اصير ضعيفه اااااااااااااااااااااااااه تعبت من هالمتن ابي اشيله كله دايما احلم اني ضعيفه و حلوة و لما اقوم من النوم القى نفسي في كابوس مرعب :sad:

اكره الميزان يسويلي رعب :sad:



احب اكل الحلويات و التشبس و الشوكليت و الحين بنحرم منهم :sad:


هو صج تعب بس بقولكم تجاربي من اول يوم مع فورايفر ...


المهم ما اطول عليكم السالفه انا بديت من اليوم مع الرجيم و هاذي مذكراتي لليوم ..

( 1 )

قولي لنفسك : أنا دائما سمينة ولكني من اليوم لن أكون سمينة ولن أعود سمينة مرة أخرى


هاذي النصيحه الاولى اللي ببتدي فيها يومياتي اليوم بس تعالوا اقولكم شكلت ..

الصراحه مالعبت رياضه كلش لان ماكان عندي وقت بس اتبعت نظام الاكل الموجود في الورقه اللي عطتني اياه الاخت الجنون و كلت الفطور و السناك و الغدا و ماشتهيت اتعشا ..

بس بصراحه بقولكم شصار لي ..

1 - رحت السينما و اللي معاي طالبين كورن و كولا و انا اشم ريحه الكورن و اشوف الكولا و نفسيتي ارض وودي اكل حبه بس حارمه نفسي و هو لانه اول يومين في الرجيم مافي اكل فــ .. " كل ممنوع مرغوب " ..

بس تغلبت على الريحه و ماكلت ..

2 - قمت من النوم متأخره عشان جذيه ماقدرت اكل العشا هههههههه

3 - رحت بيت جيرانا و قدموا لنا الحلويات و الفطاير و السندويشات " بيني و بينكم جاتني الصيحه بس شسوي قلت على الاقل يكون عندي شويه اراده و ما ااكل .

ماكلت و قلت لهم اني اكلت في البيت و شبعانه و انا تعبانه نفسيا و جوعاااااااااااااااانه لكن يالله شنسوي هذا هو النصيب و اللي يبي الدح ما يقول اح :sad:

طول وقتي و انا اشرب ماي و للحين اشرب و ادعولي استمر في الرجيم ..

اسمحولي كتبت لكم يومياتي متلخبطه بس شسوي كل ما اتذكر شي اكتبه ..

سي يو توموروا

بااااااااااااااااااي


اي صج نسيت ...

هاي رابط موضوع اختي الجنون ..

http://www.3roos.com/forums/showthread.php?p=3129640#post3129640