كل وحدة جربت سفر زوجها تدخل

ياريت تجاوب بنات مع الموضوع لانى بجد محتاجة اعرف صحيح مش مجوزة بس يهمنى اعرف ونستفيد مشكورة ام شجاع ع الموضوع

انا من اتزوجت زوجي سافر بس مرتين..
مرة راح قطر وماطول بس 4 ايام

والمرة الثانية راح ابوظبي.. :sad:
وهذي كانت ماساة لانه ظل 12 يوم..
وانا كنت بعدي في بداية حملي.. يعني يمكن 3 شهر
وطبعا بقيت بيت اهلي لاني ما اقدر انام وحدي بالبيت
وعاد اتذكر الوقت اللي كان بيطلع من البيت.. تقولي فيلم هندي:bigsmile:
حضنته قدام اهلي وجلست اصيح مثل الاطفال :cry:
والله كلما اتذكر الموقف قلبي يعورني على عمري..

المهم مشت الايام وكنت احاول اطول في الجامعة عشان اشغل وقتي وانسى
وارد البيت متاخر..

واتذكر كان عندي موعد الترا ساوند.. وهو مسكين كان خاطره يشوف ولده..
صحت في التلفون واااااايد هذاك اليوم :sad:


وعاد قبل لايرجع بيومين رحت كشخت واتحنيت..
وعدلت البيت.. وحطيت شرشف جديد بغرفتي ونثرت ورد بالبيت..
يعني حركات :)

المهم... هذي قصتي.. كاني طولت لا :gum:
اتحملوني..

شكرا يا بنات

يا ليت تفاعل اكثر حابين نستفيد ونفيد

لا تذكروني :sad: :sad:

انا سافر زوجي مره وحده وبغت تطلع روحي

قبل لا يسافر بيومين وانا ما اكل ولا لي نفس في شي وانواع الصياح والدموع:cry: :cry: :cry:

واصلا من يوم قالي وانا قعدة اصيح

ويوم طلع للمطار كانت الساعه 7 الصباح مانمت هذاك اليوم :sad:

ويوم طلع كان روحي طلعت
ماقعدت بعده ولا دقيقه
كنت في الاول برتب بيتي بعدين بروح لاهلي بس ماقدرت :sad:
وكان يقول لي قبل بيوم روحي قبل عشان رحلتي الصبح بدري
بس انا رافضه بتاتا عشان انتهز كل لحضه معه

المشكله ان سفرته كلها 5 ايام بس

وعند اهلي النكت صح على اي شي اصيح بسرعه زي البزران :sad: والكل مراعي شعوري
وامي بس قاعده تطلعني وتقولي روحي لصديقاتك ( مع العلم ان امي دايم ترفض اني اروح لاحد من صديقاتي )

يوم مرة الخمس ايام وكانها 5 سنوات

قبل بيومين وانا اجهز نفسي وصبغت شعري لانه هو كان نفسه اني اصبغه
وجيت البيت يوم اللي بيجي من الصبح ونضفته ورتبته ويوم دخلت الغرفه صحت:cry:
وجهزة له كيكه وكتبت عليها نورت بيتك
وسويتله حركات وعبيت البانيو مويه ورغوه وورود حمرا وشموع
في كل مكان من البيت

ويوم وصل صيحت اللين قلت بس

هههههههههههههههههههههههههههههه
مآسي والله .. انا اهون منكم الصراحه

انا صار لي 3 سنوات و8 اشهر تقريبا من تزوجت .. وخلال هالفترة سافر زوجي 3 مرات حق كورسات من شركتهم ، اول مرة كانت 5 ايام ، وثاني مرة كانت 3 ايام ، وثالث مرة كانت يومين وكلهم كانوا في دبي :shy:
طبعا كلهم كانوا صعبين علي لكن بتكلم بالذات عن اول مرة لانها مثل ما قلت اول مرة واطول سفرة :sad:

الشركة كلمت زوجي عن هالكورس لكنها ما اكدت له متى بالضبط بس عطته تاريخ تقريبا وكان هالكلام قبل سفرته باسبوع ..
وما قالي الخبر مباشرة .. مهد لي الصدمه شوي شوي هههههههههههههههههههه
المهم ان انا كنت وقتها حالتي حالة " شكليا " بسبب الجامعه ومقررة ايامها ان اسوي تنظيف كامل لوجهي وجسمي .. ولان ما كنا ندري متى بنسافر بالضبط سويت تنظيف وطلع الحظ ان سويت التنظيف قبل ما يسافر بيومين بس :confused:
السفر تأكد واستلم التذكرة يوم السفر وكان يوم السبت ولان السالفة مستعجلة ما قدر حتى يوديني عند اهلي لاني ساكنة بعيد عنهم وبيت اهلي بعيد وايد عن المطار فقال ان بيطلب من اخوه يوصلني عند اهلي لكن انا قلت ان بخلي ابوي يجيني :sad:
لحظة الوداع كانت صعبه لكنه ما قدر يودعني عدل لان اخوه كان واقف معانا بس اخذ ولدي الكبير اللي كان توه عمره سنة وشهر وقعد يبوس فيه وانا قالي يالله مع السلامة .. تحملي بنفسج وبحسون ، انا لين وصلت ان شا الله بتصل .. سلمي على بيتكم ..<<< للحين اتذكر :sad:
طبعا بعد ما مشى قعدت اصيح على الرغم اني كنت ماسكة نفسي قدامه وكنت اطالع ولدي واصيح واحسه كااااسر خاطري وايد :sad: وما طقت اقعد في الشقة بعد ما مشى وقعدت كل شوي اتصل في ابوي عشان يجيني بسرعه ..
ولما رحت بيت ابوي كانت الساعة 7 ونص المغرب قعدت كل حزينة ولا طقت آكل شي وكان عندي جامعه يوم ثاني وقمت انام بسرعة واخذت ولدي بحضني ونيمته مع ان لما اكون في الشقة ما انومه في حضني بس لانه وقتها كان كاسر خاطري ..
المهم لما رحت الجامعه واقعد مع البنات المتزوجات ووحدة تتكلم عن زوجها اتذكر زوجي واحس ان الدمعه بتطيح بس امسكها غصصصصب واللي زودها بعدين ان ولدي مرض وقام ما ينام الليل وقمت اصييييييييييييح :confused: لاني حسيت روحي وقتها محتاااااااااااااجة لزوجي .. كنت كل قاعده بروحي في بيت اهلي ونادرا ما اسولف وبالي كل مشغول بزوجي ولا كنت اشتهي آكل حتى اني نقصت كيلوين في 5 ايام ..
اما عن المكالمات التلفونية فكانت احلى شي .. حسيت ان احنا تونا مخطوبين وزوجي كان رومانسي واااااااااااااااايد ..
طبعا انا داومت الى يوم الاربعاء وكان زوجي المفروض يوصل يوم الخميس الساعه 12 ونص الليل .. وبسبب الجامعة وولدي ماقدرت اسوي شي في نفسي ، واحنا يوم الخميس متعودين نروح بيت جدي ومقررة ان ارجع الشقة الساعة 9 ونص او 10 واجهز الشقة واشتري عشا وانوم ولدي بسرعة " مع ان زوجي قالي لا تنومينه لانه واحشني وابغي اجي اقعد معاه " ،، الشي الوحيد اللي سويته اني سشورت شعري قبل ما اروح بيت جدي ..
لكن المخطط مالي اخترب بسبب مفاجأة زوجي .. حصل رحلة الساعة 8 ورجع البحرين واتصل لي الساعة 9 من مطار البحرين وقال انه راجع البيت وقالي انا بجي آخذج لا تتعبين احد .. :sad:
كانت مفاجأة حلوة لكن ما قدرت جهز الشقة .. صح انها كانت نظيفة ومرتبة لكن كنت حابة اسوي حركات فيها واجهز نفسي لكن ما مداني ، وجا اخذني من بيت جدي على الساعه 10 تقريبا وصارت لحظة اللقاء في السيارة ..
طبعا الاولوية كانت لولدي اخذه وقعد يحضن ويبوس فيه ويكلمه وولدي يازعم كان مستحي :shy: وانا بعدين تفرغ لي ل وقالي شخبارج حبيبتي .. وحشتيني ، تصدقون كان يسوق ومخلي حسون في حضنه وبعدين ان اخدته من عنده قام يسوق بيد ومساك يدي باليد الثانية وكل شوي يضغط عليها ويطالعني بنظراااااااااااااااااااات :shy:
ولحسن الحظ ان ولدي نام في السيارة .. ولما وصلنا الشقة زوجي حمل ولدي وحطه في سريره .. نسيت اقول ان احنا رجعتنا شرينا عشى وقالي ما كان لي نفس آكل طول ما انا مسافر واكلي كان خفيف والحين احس روحي جوعان وابغي آكل معاج .. بعدين قعدنا الصالة وتعشينا وحنا نطالع التلفزيون وقعد يسولف لي عن سفرته وفرجني على الصور اللي صورها بتلفونه وبعدين فتحنا الشنطة وطلع الاغراض اللي اشتراهم لنا من دبي وبعدين رحنا ننام ع الساعة 1 تقريبا :shy:

السفرة الثانية كانت صعبة علي لان الكورس اللي راحه زوجي كان عملي وفيه خطر كبيييير على زوجي ووكنت كل خايفة واحاتي واصيح وعلىطول ادعي له واطول في صلاتي واقرأ قرآن اكثر واقعد ادعي له انه يرجعلي بالسلامة ..

السفرة الثالثة كانت بعد ما رجعنا من السفر باسبوعين .. في الصيف الماضي .. وكان هو مريض لكن ما قدر يعتذر عن هالكورس .. وقعدت احاتيه بعد ، وهو قعد يحاتيني لاني كنت حامل في الشهر السادس ..

وطبعا احلى " اول لقاء " كان في السفرة الاولى :shy:


مسامحة لاني طولت عليكم .. قلبتوا علينا المواجع :clap:

يا حليلكم يا بنات

هذا وانتوا اكثر شي اسبوع

عيل شتقولون في حالتي اللي زوجي سافر عني قبل كم شهر 33 يوووووووووووووم؟؟؟؟؟؟؟؟؟

والمرة اللي بلها شهر

واللي قبلها 55 يووووووووووووم؟؟؟؟؟

صراحة كنت احس روحي تطلع

وما احب سفراته يا ليت اموت وبعدين يسافر على كيفه لاني ما اقدر على الفراق

مع اني متعودة قبل ما اتزوج ان ابوي يسافر عنا شهرين ثلاثة

وامي تسافر مرتين بالسنة كل سفرة طولها شهر

بس ما اعرف ما كان يعورني قلبي ساعتها

بس الحين ما اقدر يخليني زوجي ويسافر احس نفسي اموووووووووووووت

كيفكم بنات
والله انا من يوم تزوجت زوجي سافره مره يتمشى مع اصحابه واكره ماعلي راح اندونيسيا لمدة12
يوم بس قبل السفر كنت عند اهلي عشان زواج اختي وكنت انا وياه متهاوشين
كل يوم يحاول يقنعني بسفرتهوانا رافضه
الين طقيت خلاص قلت له روح وانا من جواتي ميته قهر
عاد راح وانا ماصدقت يوم وصل وقال لي انا وصلت مطار جاكرتا
حمدت له باالسلامه وقال لي اوصل الفندق اكلمك
وماقدرت اكلمه طول السفره لين رد
وتعبت والله ولاتهنيت بذاك الصيف (الله لايعيدها)
وكان على اساس يرجع ونتمشى انا وياه بقيته اجازته
بس انا ماقدرت حسيت اني لسه مضايقه من سفرته
والحين مخطط هو واصحابه يسافرون هالصيف
فاتحته بالموضوع وقلت له خلاص مايكفي سافرنا انا وياك الصيف اللي فات
قال خلاص خلهم يسافرون من عندي وانا اقعد
والله مادري وش اسوي اخليه يروح ولا

اختي روحي انت وياه

خصوصا انه بيسافر للسياحة مو للشغل

انا زوجي كان يدرس باستراليا سنتين رحت عنده لمده خمس اشهر ورجعت تخيلوا اني ولدت وهو مش موجود .خلصوا السنتين رجع بالسلامه قعد تقريبا سنه ونص وراح يكمل دراسته في لندن وهو حاليا هناك وتخيلوا انها لمده سنتين بعد
وزوجي من النوع اللي يحب يسافر مع ربعه طبعا برضاي لانه مايحب يسافر وانا مب راضيه

اما عن نفسيتي..صراحه واايد تعبانه يومياُ لازم اصيح اذا أكلمه..ماقدر اني اسمع صوته وماأصيح
صج الفراق صعب ..الله يرده لي بالسلامه
صج عذاب الوحده ماينطاق

اما وقتي في غيابه: أغلبه في بيت ابوي وارجع وقت النوم البيت..والله حتى الطلعه كرهتها

اما عن الاستقبال:معظم الحركات والافكار اللي في المنتدى سويتها..الله يخلي عرايس عروس وافكارهم..

انا يوم يخبرني انه مسافر استانس و اشجعه ،،،، يعني سفره ما يطول وايد بالكثير اسبوع او عشره ايام،، اقول في خاطري فرصه نتوله على بعض،، اجهز له كل شي،، واوصله لين المطار ،، بس يوم ينزل من السياره و اتحرك بعدين يعورني قلبي و احزن ،، المهم بعد يومين ابدأ اتوله عليه ،، لآني اكون بيت اهلي و طلعات و عزايم و غيره ما في مشكله اسلي نفسي ،،و بينا تيلفونات ،،، والله اشوفها فرصه لكسر الروتين و اريح شويه في بيت اهلي اغير من جو الزوجيه ارجع لأيام العزوبيه،ههههههههه،
المهم متى يعتصر قلبي و اموت يوم بيرد،، ما اقدر اصبر دقيقه ،، اكون في المطار قبل الموعد بساعه اترياه على احر من الجمر ،، ههههه
بس الشي الوحيد الي يزعلني ،، ولدي يوم يسألني وين بابا ،، و كل ما يسمع هرن سياره يقول بابا،، هني اموت ،،
و على فكره طبعا ما ابين لزوجي اني استانست يوم هو مسافر عشان ما يمصخها ههههههههههههههههههههه،،
يمكن تضحكون بس انا اعتبر سفره عباره عن اجازه من الزوجيه ،، في نظري شي صحي مرتين عل الاقل في السنه ،،و لا بتلوع جبودنا من بعض ،،، اف مجابلين بعض ليل نهار ،،،

غدران الله يعطيج العافية على هالصبر والله يتمملج بعقلج

اختي umnasser يا عيني على الروقان، لا واجازة زوجية بعد.. بس انت مثل زوجي اذا هو راجع من السفر يحس انه راح يجن حتى يوصل

شكرا يا اخوات

umnasser:
انا يوم يخبرني انه مسافر استانس و اشجعه ،،،، يعني سفره ما يطول وايد بالكثير اسبوع او عشره ايام،، اقول في خاطري فرصه نتوله على بعض،، اجهز له كل شي،، واوصله لين المطار ،، بس يوم ينزل من السياره و اتحرك بعدين يعورني قلبي و احزن ،، المهم بعد يومين ابدأ اتوله عليه ،، لآني اكون بيت اهلي و طلعات و عزايم و غيره ما في مشكله اسلي نفسي ،،و بينا تيلفونات ،،، والله اشوفها فرصه لكسر الروتين و اريح شويه في بيت اهلي اغير من جو الزوجيه ارجع لأيام العزوبيه،ههههههههه،
المهم متى يعتصر قلبي و اموت يوم بيرد،، ما اقدر اصبر دقيقه ،، اكون في المطار قبل الموعد بساعه اترياه على احر من الجمر ،، ههههه
بس الشي الوحيد الي يزعلني ،، ولدي يوم يسألني وين بابا ،، و كل ما يسمع هرن سياره يقول بابا،، هني اموت ،،
و على فكره طبعا ما ابين لزوجي اني استانست يوم هو مسافر عشان ما يمصخها ههههههههههههههههههههه،،
يمكن تضحكون بس انا اعتبر سفره عباره عن اجازه من الزوجيه ،، في نظري شي صحي مرتين عل الاقل في السنه ،،و لا بتلوع جبودنا من بعض ،،، اف مجابلين بعض ليل نهار ،،،

فعلا اختي .. انا وجهة نظري مثلج لكن حزة السفر ما ادري وش يصيدني ، لكن اتفق معاج انه تغيير عشان نتوله على بعض وتجديد الرومانسية ومنها ان انا بعد اكسر الروتين واقعد عند اهلي شوي ..

ومثل ما قلت انا لما زوجي يكون مسافر يصير رومانسي معاي في مكالماته التلفونية ويذكرني بايام الخطوبة خخخخخخخ وبعد ما يرجع من السفر بعد يتم له يومين على رومانسيته :shy:

شكرا ماما حسون بس انا زوجي على طول رومانسي هل يحتاج بعد يسافر حتى احس برومانسيته؟؟؟

شنو هذا بس احنا اللي ازواجنا يسافرون؟؟؟

وين البقية؟؟؟

قصصكم حلوة يالمتزوجات ....

و بعضكم يعورون القلب ....

الله يعينكم على فراق حبايبكم ...

اسمي المستعار : عروس مغتربة عن زوجها...

اكيد عرفتوا اني بعيدة عن زوجي...

انا ملجت بتاريخ 19-8-2005

طول فترة ملجة زوجي كان دورة في الامارات .. دخل دورة اربعين يوم بعد اسبوع من الملجة ماشفته ولا حتى اتصال...

وعقب كان يروح الدورة وماكان يرجع الا بالخميس ويرجع بالجمعة...الله يعلم بحالي..تعبت اش قد عانيت...

تزوجت بتاريخ 11-8-2006 , بعد العرس سافرت لمدة اسبوع... وبعد العرس باسبوع دخل زوجي

دورة لبريطانيا .. تخيلوا انا بعدي عروس ما كملت اسبوع زوجي هدني وراح... والله الفرقا صعيبة...

ما جا لين عيد الاضحى تم بس اسبوعين وعقب رجع لبريطانيا... وهو للحين في بريطانيا وما بيرجع

تاريخ 1-4-2007

والله اني احسب الايام شرات المينونة...

تخيلوا بتم على هالحالة لمدة سنتين... يعني بيسافر اربع اشهر لبريطانيا وعقب اربع اشهر بيرجع

الامارات بيقعد اسبوعين.. وعقب بيروح وما بيرجع لين بعد اربع اشهر...

ملاحظة: ممنوع زوجي يوديني معاه لبريطانيا لان كلمهم ببريطانيا قالوله انت ياي اتكمل دراستك

ومش لتجيب زوجتك..


شو رايك فيني يا ام شجاع... يمكن موقفي اصعب موقف... لان انا من دون زوجي تايه... والله يعلم بالم اللي فيني...

أم شجاع وينج؟؟؟

انا وصلت حبيبتي

الله يعينج صراحة شي فوق احتمال العقل مو بس القلب

الله يعين قلبج

على العموم انت اختنا هني واذا احتجتي اي شي احنا تحت امرج