بنات قطر دخيلكم ابا مساعدتكم

[SIZE="4"]حياج الله الشيخه شوفي انا اشتري القهوه من عند محل في سوق العلي اسمه صلاله
SIZE
]جنب تميمه اخذي القهوه رقم 2 وطريقة عملها يالغاليه خذي مقدار الماء قد الدله الي بصبين فيها القهوه وحطيه على النار وضيفي قليل جدا من الزعفران واربع حباتو من المسمار و2 ملعقة اكل قهوه وخليها لين تغلي وتطلع ريحتها تقريبا 4 دقايق وحطي في الدله ملعقة هيل وقليل من الزعفران وبعدين زلي القهوه عليه شوي شوي باستعمال المصفاه ( المشخاله الصغيره ) ،،،،، وبالتوفيق

تسلمينلي اخت موضي والله ما بنسالج ها الجميل

وياربي يوفقج دنيا واخره ويدخلج الفردوس الاعلى انتي واهلج واللي تحبينهم والمسلمين اجمعين

اللهم امين

انشالله بجربها وبخبرج

حبيبتيييييييييي ياريتج جارتنا كان امي كل يوم بتطرش دلة القهوه والشاي وكل الي تبينه يجيج لي مكانج ..
انا سالت لج امي عن القهوه .. ومثل ماقالت الاخت مويضي ..
المحل الي بسوق العلي قهوته حلوة ..
وهذي طريقة امي كتبتها لج بالدقة عشان تطلع مظبوطة عندج
صبي الماي في الغوري او المفواحه وخلي الماي يكون قد الدلة مرة ونص ..
حطيه على النار يسخن شوي وبعدين حطي عليه ملعقتين إلى ملعقتين ونص قهوة مطحونه واربع حبات مسمار حب ..
اول ماتبدى تغلي قصري عالنار خليها هاديه واهم شي انها تطبخ مايقل عن عشر دقايق
حتى يطلع طعمها ..
الحين بالدلة حطي ملعقتين هيل مطحون مع زعفران وحطي المشخال وصبي القهوة
هزيها شوي وبس .. خليها تركد
وتعالي شربي احلى قهوة ^_^

حبييييييـبتي انتي مبروووووووووووووووووووووووووووووووووووووووووك يارب تكونين ذخر له ويكون ذخر لج فديتج ,, :)

بقولج خلطه امي للقهوه الشقرا ,, اللي وراثتها من امها اللي وارثتها من امها اللي وراثتها من امها اللي من السعوديه هههههههههههههههههه يعني ارث متوارث ..

اول حاجه

نحط الماء في الابريق نخليه لحد مايغلى
بعد مايغلي الماء نضيف القهوه له ,, ونخليه يغلي ,, لمدة عشر دقايق ,,
بعد ماتغلي تكون تقريبا وصلت لدرجة النضج نصب القهوه من الابريق الى الدله المبهره بالهيل ( يعني يكون في الدله على حسب الطلب معلقتين هيل ))
ونترك الدله على نار خفيفه لمدة دقيقتين
وبس هني وعافيه خيتوو ومبروك مره ثانيه :)


واي سؤال حاضرين للطييبين فديتج :)
ان شاء الله تعجبج :)


ونسيت القهوه تصير من صانع اللقهوه مش من المكان اللي ينشرى منه ,,

بس نفس ماقالو البنات عندج سوق العلي وسوق واقف ,,

CC0066maria
مشكوره حبيبتي والله ياريتني جارتكم شو ببهدلكم كل يوم بطرشلي قهوه من بيتكم

فديت امج الله يخليها لكم ياربي وقوليلها يزاها الله الف خير والله يباركلها فيكم

وانتي بعد حبيبتي يزاج الله خير انشالله بجرب قهوتكم وبخبركم شو طلعتلي ما ادري بتكون قهوه ولا كبتشينو لاني اعرف عمري ادمر الدنيا في المطبخ

[grade="FF0000 DC143C FFA500 FF4500"]daisy تسلمين عمري على هالقهوه الاصليه اللي جذورها من زمن الاباء والاجداد

ويزاج الله خير والله يخليلج امج يارب وانشالله بجرب طرقكم كلكم

عمري الله يبارك فيج وامين يارب الله يسمع منج ومشكوره على هالدعوه الحلوه والله ينولج اللي في بالج

حياتي تراني متزوجه صارلي كم سنه بس توني باديه اطبخ ادعولي طبخي يضبط وما احترق [/grade]

تختلف طريقه القهوة من بيت عن بيت

احنى مانحط مسمار
لكن انحط قفشه صغيرة كوفي ميت ونفسها زعفران و2 ملعقه تقريبا هيل كل هاي بالدله

وقفشتين قهوة تغلي مع مقدار الماي الي تبينه

بس

مرحبا بنات

هلا نجمه حبيبتي مشكوره ويزاج الله خير

بنوتات باركولي ضبطت القهوه عندي امس يوني ضيوف وخلصو دلتي واااااااااااااااااااو استانست جني سويت غوزي مب قهوه

الحين بتحدى قهوةام سعيد ربيعة ام خماس

طبعا ها بفضل ربي ثم فضلكم الله يخليكم لي وما يحرمني من خبراتكم انتو وامهاتكم

كل الوصفات الي خذيتيها من البنات صحيحة تبعا لاذواق صانعيها

انتي مع التجربة بتلاقين نفسك شلتي شي و ظفتي شي

بالنوفيق يا الغالية