خلطة تهبل .. نعومهـ + لمعهـ .. حياكم اللهـ

السَّـــلامـُ عَليكُـــمـ و رَحمَـــة اللّـــهـ و بَرَكاتُـــهُـ
شلونكم ؟؟
و أخباركم ؟؟
حبيت اعرض عليكم تجربتي لشعر ناااااااعم مع لمعه خياليه
و بشرط انه ما يكون لونه باهت ..
انا يتلي فتره ماقمت احط حمامات زيت ولا شي و صار مطفي شوي و كدرني هالشي ..
لكن لما سويت الخلطه العجييييبه الحمدلله رجع لونه + النعومه + اللمعــــــــه ..

بسم الله نبدي مكونات الخلطه ..

1 - نصف موزه

2 - ملعقتين كبار زيت زيتون

3 - رشه بسيطه قرفه (( دارسين ))

4 - ملعقة شاي عسل

*****
الخطوات :
1 - تاخذين الموزه والزيت و تخلطينهم بالخلاط ..
2 - تضيفين العسل وتخلطينهم زين ..
3 - تضيفين القرفه و تخلطينهم و تخلين الخلطه 5 دقايق ..
الحين الخلطه صارت جاهزه وحطوها على الشعر من الجذور الى الاطراف ..
مع تدليك الفروه شوي و بعدها لفو الشعر بنايلون اللي حق تغطية الاكل
و فوقه لفو فوطه عشان مايحوش راسكم البرد..

تغطية الراس هذه خطوه مهمه خاصه في الشتا عشان ما نمرض بختلاف ماهو بالصيف
(( الشعر شوي بتصير فيه ريحة موز خفيفه .. ))
يعني بعد ماتجففون الشعر بخروه او طيبوه ..
انا خذيت زيت الياسمين العطري و حطيت منه شوي على اصابيعي
و خللتهم بين شعري و صارت ريحته خفيييييفه و رووووووووعه ..