قصة ولادتي معاناة (الجزء الاول)

:السلام عليكم

بكتبلكم عن ولادتي كانت بتاريخ 23/11/2006




في البداية انا ماحملت على طول بعد سنة ونص من الزواج واجهضت قبلها مرتين والله كتب في المرة الثالة يثبت الحمل عندي

المهم في الشهر الثاني من الحمل صارتجمع دموي حول البيبي وقالولي بينزل بس الحمدالله مع المثبتتات الله تمم على خير

المهم الحمل كان طبيعي لين وصلت الشهر الثامن كنت رايحة اسوي تلفزيون عادي اتطمن على البيبي

هاي السالفه قبل عيد الفطر بيومين


قالت لي الدكتورة كلشي طبيعي ولما وصلت صوب القلب تمت فترة وهي تكشف وقالت لي اني محد قالج شي قبل عن قلب البيبي؟؟

قلتها لا كلشي طبيعي قالت لي في ثقبين وتضخم في القلب عاد انا انهرت كلشي كان طبيعي وفجاة يستوي جذي المهم رحت بعدها حق دكتورين في عيدات خاصة قالولي نفس الكلام

وعطوني تحويل لوحدة طب الام والجنين في المستشفى الولادة


رحت الموعد وكنت اول يوم في التاسع وهني كانت الصدمة لما سوالي تلفزيون قالت لي الدكتورة ان القلب مافيه ثقب ولاتضخم قالت لي ان جهه اليمين كانها مب متكونه في البيبي

وان قلب البيبي واايد ضعيف والشرايين والصمامات مب متكونه وبتحتاج حق سلسله عمليات

والي ذبحني انها قالت لي ان البيبي احتمال يكون منغووولي؟؟؟

انا لما قالت هالكلام مت ماقدرت استحمل اول بيبي ويصيدني جذي قالت يمكن تنولد مافيها مخ او ماتشوف او معاقة جسديا


قلت لها انا مسوية مرتين تحليل الطفل المنغولي قالت لي هاي مايعطي نتيجة اكيدة

المهم طلعت من عندها وانا منهارة تمنيت لو اني ماحملت ولا اسمع هالكلام

امي كانت معاي وطول اليوم كنت طايحة في البيت اصيح ماكلت شي كلمو الدكتور الي كنت اتابع عنده وقالي تعالي الطوار بشوفج

ورحت طوار الولادة وفهمني وحاول يهديني لاني كنت في حالة مايعلمها غير الله

قالي ان الكلام الي قالته كله احتمالات علمية وان اول تشوهه يصيد الطفل المنغولي يكون في القلب وقالي دام سويتي التحليل خلاص تطمني المهم ارتحت شوي

وقالي بولدج اول ماتدخلين الاسبوع ال 38 لان الحالة النفسية عندي زفت

المهم تميت طول هالترة ادعي ربي ان بنتي تطلع سليمة وكنت امشي واحاول انسى كل الكلام الي قالوة لي لين يى موعد الولادة دخلت المستشفى تاريخ22/11

وياني الدكتور وعطاني طلق صناعي الساعه 9 الصبح وبدى الالم بعد ساعه وياني بعدها كتور قلب وقالي ان البيبي اول ماينولد ماقدر اخذة عندي وبياخذونه عندهم يسون تحاليل وقالي كلام يعور القلب تخيليو وضعي انا اطلق واسمع هالكلام
:confused: :confused: :confused:

المهم كنت اتالم وكل شوي يفحصوني ومافتح عندي الرحم وكنت احاتي البيبي وادعي طول الوقت حق بنتي انها تطلعه بخير وصحة وسليمة

وتميت هالفترة اشرب دارسين وماي ورد وزعفران

المهم كان الطلق خفيف كلمت النيرس قلتلها بطلع ع الساعه 10 فليل وبيهم الصبح لان ماكنت احس بالم قوي

فجاة زاد علي الالم حسيت بمغص قوي والم في ظهري وبطني وكل جسمي

رحت الحمام اله يعزكم ماوعيت الا انفجر كيس الماي انا ماعرفت شاسوي طلعت انادي امي واصيح نادوا النيرس قالت لي انتظري لين تجي الدكتورة تفحصج زين ماطلعت مارحت البيت كنت صج بتوهق


>>>>>>>>> بنتي قامت بكمل الباقي في اقرب فرصة:sad: