كيف اتصرف ... ؟؟؟

انا لما اخرج بحاول يكون اللبس اللي بلبسه مفتوح من قدام بزراير بخلي اي احد من اللي معايا يمسكو بطنية ابني ويغطوني ويغطوه بيها لحد ما يمسك صدري بعد كدا اغطيه هو بس بالبطانيه لحد ما يخلص


مع ان بيكون معايا الحليب الصناعي اللي بيشربه بس بفضل ارضعه


وبما انك ما بتديهوش صناعي فاحسن اتحملي يوم السفر دا باي طريقه بدل ما يتعود على الصناعي في اولاد بيفضلوه عن لبن الام

بنت مصر اشكرج على الرد والنصيحه ... بس احس انه صعب ... انا لما اروح المستشفى إلي هي ساعه بس اتغربل او السوق ؟؟؟

أختى مو شرط لما يرضع الطفل صناعي يترك الطبيعي،، أنا ولدي من 3 شهور عطيته صناعي لأني رجعت الدوام وعلى هالشي ماقطعت الطبيعي لحد السنة ونصف...
لحالتك الحين بإمكانك قبل السفر بكم يوم تجربي الصناعي وتشوفى مدى تقبلها.. جربي نان 1 مريح ومايسبب غازات. يعني لو ماقدرت ترضعيها طبيعي يكون الصناعي موجود وتتقبله.

اختي من وجهة نظري خليج على الطبيعي عشان البنت ومصلحتها واذا كان على السفر البسي لبس مفتوح من الامام انا لما اطلع البس تنورة وقميص يكون القميص بازرار او مرات البديهات افضل لي لانها بدون ازرار ومطاطة وطبعا بتكوني لابسة عباية ولو في المطار تقدري تجلسي في ركن نسائي وترضعي الطفلة بدون ما حد يلاحظ لانك لابسة عباية والقميص بيساعد انج ترضعيه وغير لفتها تغطي نفسج فيها وما بتحتاجي اصلا تتغطي باللفة لان مجرد ما تمسك البنت بصدرك وترضع بتتحكمي بتغطيت صدرك بالشيلة والعباية

احسن شي انج اتجربين الحين في البيت البسي عباتج وشيلة وقميص وجربي بس حطي في بالج انج تقدري تسوي هالشي لا تحطي في بالج ان هالشي صعب وفي الطيارة الموضوع اسهل لانج بتكوني انتي وزوجك مع بعض وانتي بتجلسي بالطرف البعيد عن الناس وهو يكون بطرف الممر وتقدري ترضعي بنفس الطريقة بس بيكون اسهل لانج بتكوني مدرارية بس اهم شي مثل ما قلت لج حطي في بالج ان انتي تقدري اتسوي هالشي وشوفي مصلحة وصحة بنتج في الاعتبار لان صدقيني مجرد ما تعطيها الحليب الصناعي خلاص انتي الي بتتعودي على هالشي مو بس هي بتستسهلي هالشي

جربي الحين في البيت مرة واثنين وعشر لين تعرفي الطريقة الصحيحة


وعلى العموم لو مصممة على الصناعي شوفي مواضيع هنا عن افضل حليب لعمر بنتج وعطيها انا ما عطيت بنتي حليب صناعي قبل السنة فما اقدر افيدج بشي لان بنتي كانت ترفض المررضعة مع اني حاولت اعطيها لمجرد فترة الظهر لما اكون بالدوام فما تقبلت اي نوع بسببب انها ما تقبلت المرضعة اساسا

مشكوره اختي قلووووب على النصيحه والله اني اقتنعت بنصيحتج ... رغم اهني في المطار ما عندهم قسم للحريم بس بتصرف .. جزاج الله خير

وانا ويا الاخت قلووب ،، شوفي انتي حاولي قبل ما تطلعين من البيت ترضعينها وتشبعينها وحتى لو رقدت خير وبركه واذا تمت واعيه ابدا مب مشكله،، اذا كنتي تعطينها شاي الاعشاب سوي لها وخليه بالمرضعه او حتى ماء عادي ويوم بتصيح هناك عطيها اياه تصبيره لين ما تركبين الطياره اما اذا حسيتي انها مصره على انها ترضع يلسي اي مكان وجابلي اليدار ورضعيها ولا تصعبين الموضوع على عمرج وفي الطياره ترا محد بيدري بج ^_^

أختي اذا صعب عليج ترضعينها في المطار ..

ممكن تاخذين معاج ترمس صغير وتحطين فيه ماي طبعا بعد ما تغلينه وعلى طول اذا جاعت جهزي لها الكميه المطلوبه من الحليب الصناعي واعطيها ..

لكن جربي في البدايه تعطينها قبل السفر بعدة ايام علشان تشوفين مدى تقبلها لان احيانا الاطفال ما يتقبل الصناعي بسرعه ..

وفي حل ثاني انج تشفطين لها الحليب وتحطينه في الرضاعه وتاخذينه معاج

ولا تنسين المصاصه ممكن تساعدج اذا صاحت بنتج او كانت منزعجه من الاقلاع او الهبوط ... الخ

والله يعينج ان شالله ...

مشكوره

صح كلام الأخت فجر العيد اشفطي لها حليب وخليه في المرضعه قبل ما تطلعين ...وعطيها اياه في المطار اما في الطياره فسهل ترضعينها