لين متى بعيش ف هالكابوس ....

السلام عليكم ورحمة الله وبركاته ..

تذكروني ؟:sad:


بنات ...


والله آخر موضوع كتبته كنت ابشركم فيه بأني خلاص .. نويت التفت لحياتي ..


والله هاللي سويته ..

جابلت دراستي واهلي .. وتناسيته .. ومشيت ف حياتي ..

لكن يا بنات جمعنا القدر .. شفته وانا طالعه ..

ثواني بس .... و كل اللي بنيته انكسر .. وشتات نفسي اللي كنت المه .. رجع وتبعثر ..وبعثر كل جهودي الفترة اللي طافت ..

والله يا بنات تلاقت عيوننا ثواني .. والله والله بدون قصد واصلا انا اتغطى ..واكيدعرفني من السيارة..

بنات ..

حسيت فيني بركان ... وانفجر ..

حسيت فيني غصب عظيييييييييييييييييم وفجرته هاي الثواني ..

بنات من كم اسبوع وانا اصارع حزني وغصبي والمي وشعوري بالظلم .. انا ظلمت نفسي وهو بعد ظلمني .. ورجعت ..ضعيفه .. مهزوزه ..


بنات والله ما عدت احبه ..

اكرهه والله اكرهه وفي نفس الوقت اخاف منه واخاف على نفسي منه .. لأنه اكبر معصيه ارتبكتها ف حياتي .. لأنه ذلي ف هالدنيا .. هيه يا بنات ذلي وانكساري .. وضعفي ..

ولأنه خزي .. وعار .. هيه يا بنات اكبر خزي وعار ..

بنات ليش جذب علي ..

ليش وعدني ..

ليش غصبني على نفسه ولمى حبيته ............ خدعني ..

ليش يا بنات ..

والله يا بنات حطمني حطمني .. اتمنى ربي يعاقبه لأنه كسر قلبي .. كسر فيني المشاعر اللي كنت اكنها له .. اكتبلكم وانا ابكي على نفسي .. على مشاعري ..

بنات حبيته .. و وفيتله .. مع انه حقير .. وجذاب .. كل ما اتذكر كلامه .. اشوف التناقضات والجذب .. والتأليف .. وابكي على غباءي ..

بنات والله والله اني ندمانه على ذنبي .. ندمانه وتبت لربي .. لا تشككون فيني وفي مصداقيتي ..

حسو فيني دخيلكم ..


حبيته .. وكنت اشتاقله لمى ينشغل عني .. واقوله كلمني بس دقايق بس ثواني ..واصيح من شوقي له .. وانا اللي طول عمري طول عمري وانا شامخه .. طحت وبكل غباء فريسة لهالنذل الحقير . وعصيت ربي .. ربي .. يالله .. ربيييييييييييييي اللي كان كان يقدر ينزع مني الروح لحظتها ويحشرني بعاري وفضيحتي وجرمي وذنبي ..


ويرد علب ويقولي لا تصيحين .. احبج واحبج اكثر عن اهلي وامي وابوي .. احبج وانتي زوجتي .. وانتي ام عيالي وانتي الانسانه اللي اعيش عشانها .. ويصيح يا بنات ويقولي ظروفي تمنعني اكلمج هالفترة .. واصيح من شوقي له .. وكنت احن عليه واخاف عليه .. وهو نذل حقير يلعب فيني ويتسلى ..



ادري البعض بيحتقرني وبيعصب علي وبيهزبني والله ما عندي مانع ..



بس ساعدوني لأني احس بغضب كبييييييييييييييييييييير .. ولأول مره ف حياتي اكره ..



بنات خدعني .. خدعني واحس الجرح اللي التئم .. رد وانفتح واعمق من قبل ...



والله بنات ....



حزينه ... ومحطمة .....



لو بكتب وبكتب ما بعبر عن اللي فداخلي .. ورغبتي ف البكاء ع نفسي شاغلتني وجبرتني اختم الموضوع ..
الموضوع .. لأني ابي انزوي روحي .

احتاج اصيح... وابكي .. وانوح ...


افهموني رجاءاً ..



لا تنسوني من دعاءكم ..


غرور .....