انا واخواتي البلهات هل تساعدونا

أختي ترى كلنا لما كنا صغاااار ما كنا نعرف نحط مكياج ولا نعرف نشتري لأن خبرتنا قليلة :) ،

وكلما نكبر مرحلة تزيد خبرتنا شوي حتى صرنا نوعاً ماااا قادرين نحط ميك أب وصرنا نعرف اللي يفيدنا

ويناسبنا ،

وانا عندي طلب صغيروووون وهو انا ابغى اعرف اسم علبة مكياج متكامله وصغيره ومع السعر

بالنسبة للعلب المكياج المتكاملة تلاقينها في ماركة بوبا أو تلاقين مثل هالعلب عند الهنود

وأنا لاحظت إن إقامتج في تركيا وتركيا معروفة إنها تصنع أدوات تجميل وعندها ماركات محلية

بتلاقينها رخيصة وتقدرين تتدربين عليها ومرة عن مرة بتصيرين محترفة وفنانة :) ،،

ثانياً :

لا تقولين عن نفسج بلها أو هبله ، لأنج مو جذيه إن شاء الله :) ، بس يمكن لأنج ما تحطين مكياج

عشان جذيه قلتي عن نفسج هالتسمية ،،

ثالثاً :

نصيحتي لج ، حددي طلباتج بالضبط ، وحددي ألوانج المناسبة ،، حددي نوع بشرتج ، حددي المنتجات

اللي تحتاجينها وحطيها في ورقة صغيرة واحتفظي فيها بالجنطة عشان لما تروحين للسوق

تعرفين شنو تحتاجين بالضبط من ألوان ومنتجات وماركات ،

رابعاًَ :

حاولي تروحين للسق كذا مرة وتسإلين البياعات عن بعض المنتجات اللي تلفت إنتباهج

حتى تكون عندج فكرة عنها ومرة عن مرة بتكونين عارفة وفاهمة هالمنتجات حق شنو وتستخدم لشنو بالضبط ،

أتمنى تكون هالنصايح البسيطة تفيدج ، وأي سؤال أنا حضارة حبيبتي :) ،

ترى كلنا نعين ونعاون :) ،،

موفقة :) ،