الفزعه من بنات العين

بالنسبه للمكياج

عندج فاطمه ال علي و عندج صالون ظبية الدار...



اما الفساتين ( ما عرفت قصدج فستان العرس الرئيسي و لا فساتين السهره العاديه )



موفقه

الغاليه انا من العين...ابصراحه انا ما يعجبني مكياج ضبية الدار جفته على ربيعتي وهي عروس ومو شي احسه قديم وايد.....حتى حنان شقير مب ذاك الزود.......يمدحون صالون اسمه كرستال ويقولون مكياجه جناااان....بس التسريحات عاديه.....الغاليه اذا مصره تبين العين طلبي الصالون اللي يعجبج للبيت....مثل الصالون اللبناني انا يوني البيت وللحين ومن عرسي لليوم و كل مناسبه عندي اتعامل معاهم...هم فبوظبي....الفساتين عندج العين مول في كذا محل اختاري اللي يعجبج....


ومبروك

فديتج مشكورة يالغاليه ولاقصرتي
انا اقصد فستان العرس اللي مدوخنا سبع دوخات
تسلمين الغاليه

فديتج مشكورة يالغاليه ولاقصرتي
انا اقصد فستان العرس اللي مدوخنا سبع دوخات
تسلمين الغاليه

الغاليه انا انصحج انج ماتفصلين في العين لفستان عرس
ما احس ان في اماكن حلوه
سيري بوظبي في الخالديه
مكان اسمه دار تقاسيم للازياء

يجنن واسعاره معقوله

فديتج انا مااعرف الاماكن في ابوظبي ممكن العنوان الغاليه كامل
وصدقيني اني راح ادعيلج بكل الخير لاني فعلا محتارة
وهذا المحل انتي شفتي احد لابس من عندهم وعجبوج او انتي تتعاملين معاهم؟
والف شكر فديتج

فديتج انا مااعرف الاماكن في ابوظبي ممكن العنوان الغاليه كامل
وصدقيني اني راح ادعيلج بكل الخير لاني فعلا محتارة
وهذا المحل انتي شفتي احد لابس من عندهم وعجبوج او انتي تتعاملين معاهم؟
والف شكر فديتج

افااااااااااااااااااااااااااا وينكم بنات العين

افااااااااااااااااااااااااااا وينكم بنات العين

مرحبا ختيه


بصراحه ما انصحج لا مكياج ولا فساتين عرس من العين لانه مب لين هناك


عندج فساتين العرس في دبي في شارع الرقه على ما اعتقد مب الا محل محلات وكلهن عدال بعض عشان ما تتعبين حوطيهن وشوفي اللي يناسبج ,,, وبعد عندج في شارع جميرا كذا مصمم تقدرين تصممين عندهم


وفيه بعد حريم مواطنات سمعت اكثر عن مره هنيه في المنتدى يمدحونهن يأجرن فساتين ,,, بس يبالج تدورين في المنتدى عشان تعرفين عند منو تأجرين إذا في نيتج التأجير


وبالنسبة للمكياج الحين ما شاء الله جميع الصوالين اييونج لين البيت لو كانوا من دبي او بوظبي


وعندج مجلات العرايس ومعارض العرايس ما يقصرون يحطولج مكياج انواع واشكال بس انتي عليج تختارين الستايل اللي يعجبج ,, لانه في حد يحب الناعم وحد الدفش

فانتي وذوقج ,,, وفيه موضوع عرايس الامارات الجزء العاشر تقدرين تدخلين وتتخبرين البنات وان شاء الله ما بيقصرن واغلبيتهن شراتج عرايس ويدورون وحد حصل وحد بعده ^_^


اتمنى اني فدتج والسموحه منج

اذا حابه اتشوفين فستان عرس اعرف كم وحده حابين ياجرون فساتينهم

وكل فستان ايجاره اعتقد 5000 انصحج اتشوفين الفساتين و ان شاء الله يعجبونج

انا شفتهم و بصراحه كل فستان احلى من الثاني و وسعر اقل فستان 30 الف

شوفي و احكمي