بليز بنات إلي عندها خبره تساعدني (لا تطنشوني)

ل

لوله الحلوه

عروس نشيطة

07-02-2007 | 06:11 AM

أنا في نهايه الشهر الثاني الحمد لله بس يجني آلام زي آلام الدوره وألم في الظهر وفي بدايه الشهر نزل مني دم بسيط جدا ولما رحت للدكتوره سوتلي تصوير وقالت ما في شئ الحمد لله وقلتلها تعطيني حبوب تثبت الحمل فرفضت وقالت زي ماله فايده له ضرر وإنه ما يثبت الحمل وينزل مني إفرازات كثيره وسمعت إن الإفرازات معناها خطر في الحمل والله أنا خايفه حتى كل ماأفكر اشتري شئ للبيبي أقول يمكن مايثبت الحمل وفشله وقتها أكون شاريه ومو حامل ودايم زوجي يقولي شيلي هذي الأفكار السلبيه من راسك . بليز بنات إلي أحس في شئ طبيعي ولأ وإيش الحل حتى فكرت إني أجل دراستي في الجامعه بس خايفه أسقط وأصير مأجله على الفاضي .إدعولي إن حمل يثبت وأرتاح من التفكير.:sad:

ا

ام نيلا

مشرفة سابقة

07-02-2007 | 06:27 AM

مبروووك الحمل اختي

وربي يثبته لج ..

انا انصحج بمراجعة الدكتورة وقوليها كل شي صار معاك بالتفصيل ولا تهملين شي ..

وان شاء الله هي اللي تقدر تفيدج اكثر مناااا ..

وربي يسهل حملج ..

ع

عيون ريمي

عروس برونزية

07-02-2007 | 07:22 AM

الله يثبته أختي
بس مو تخافين واجد أني في بداية الشهر الثالث نزل عليي دم ورحت الدكتورة وقالت لي كل شي طبيعي
لكن بعد عطتني حبوب دوفيستون
واستمر ويايي قرابة الثلاثة اسابيع بعدين وقف وأني الحين كملت الخامس ودخلت السادس
انتي راجعي دكتورة ثانية أفضل وشوفي تعطيش الحبوب ولا لا
وإدا على المشترى واجد واجد توه الناس أني دخلت السادس ولا اشتريت شي
لأن قبل لا تدخلين الرابع ما زال خطر الإجهاض وارد
حتى لو ما نزل عندش دم
ونصيحتي ليش لا تشترين شي ألحين ليش العجلة خليها للسادس والسابع افضل

h

hamdooty

عروس فضية

07-02-2007 | 07:24 AM

مبارك عليج الحمل وان شاء الله يثبت

راجعي دكتورة ثانية ومتخصصة افضل

ع

عروس الدوحه

عروس ماسية

07-02-2007 | 07:32 AM

اختي لاتخافين وشيلي وساويس من رااسج مب زين تكون حالة نفسيه تعبانه ومتوترة

نزل على دم بشهر ثالث وخذت حبوب تثبيت دافستون مع انه وقف نزيف خلال 3ايام لكن دكتور نصحني اني اخذها لمدة شهر كامل لين ادخل رابع وبعدين اقلها وخذت حبتين يوميا

ومارست حياتي بشكل طبيعي اطلع وادخل واروح كل مكان والحمدالله

اهم شي انج ترتاحين وتريحين ظهرج فقط واخذي حبوب دافستون

ق

قصايد دبي

عروس مبدعة

07-02-2007 | 08:58 AM

اختي لا تحاتين ...

و لا تتوترين و ان شاء الله كل خير ...

و بعدين الدكتورة ادرى منج باللي تحتاجينه و باللي ما تبينه ..

و لا تاخذين اي دوا من غير استشاره الدكتورة ..

و اذا انتي خايفه اكثر سيري عند دكتورة ثانيه عسب تتطمنين ..

و صدق كلام زوجج .. ابتعدي عن هاي الافكار السلبيه .. و اتوكلي على الله ..

و ان شاء الله كل خير .. و عن المشتريات .. تو الناس يا عمري على المشترى ..

ان شاء الله لا كبر بطنج شوي و كبر النونو سيري جهزي ..

و ما تشوفين شر .. و سلامتج ألف سلامه ..

ا

الامل77

عروس مبدعة

07-02-2007 | 09:49 AM

ان شاء الله حملك يثبت بس انتي ريحي نفسك

أ

أميرة المنارة

عروس مشرقة

07-02-2007 | 10:26 AM

مبروك الغاليه

حبوب تثبيت الحمل ما يعطونج إياها لين مايتأكدون ان الجنين سليم وبعدين يثبتونه

وآلام الظهر ومثل العاده طبيعيه جدا وخاصه في الفتره اللي كانت تجيج فيها العاده

والله يثبتلج إياه ويرزقج بالذريه الصالحه حسنة الخلق والخُلق

*

**ام عبادي القمر**

عروس ماسية

07-02-2007 | 05:05 PM

لا تحاتين ترى المحاتاة تاثر على الحمل
انا الحين في النص الخامس وينزل مني افرازات بنية لكن كل مااروح المستشفى يقولون كلشي بخير بس يبي لة راحة.
وعلى فكرة ليش ماتخذين حبوب دوفاستون انا آخذها والحمد الله كلشي بخير ولو فيها تاثير على الجنين جان مااستخدموها الدكاترة توكل على الله واتسخدمي الحبوب وانشاء الله بتفيدك.
وطمنينا عليج
بنت النواعم

ل

ليتك معي

مشرفة سابقة

07-02-2007 | 05:29 PM

الف مبروك عالحمل والله يثبته ان شاء الله وتفرحين فيه

وتفاؤلوا بالخير تجدوه

واستشيري دكتوره ثانيه احسن

واسعي صدرج لانها فتره حلوه