الخبيرات في اللب توب ..عندي كم سؤال لو سمحتو

حراااااااااااااااااام عليكم ردوا علي ..

اختي انا انصحك بجهاز Acer موديل Aspire فسعره مقارب للسهراللي ذكرتيه وبنفس الوقت جهاز حلو وقوي ويتحمل لوقت طويل ومواصفاته حلوه جداً وكاملة ولو تبغي خيار ثاني فكريي في HP

ولو بغيتي تزيدي المبلغ لـ 5000 تقريبا فأنصحك وبقوة بجهاز Toshiba ونوع Tecra تحديداً لأنه هو الجهاز العملي والقوي وغيره انا احذرك ماتشتريه غير هذ النوع من توشيبا ....

طبعا الحجم يرجع للشخص نفسه ونفسيته وهل الحجم الصفير للشاشة مناسب له اولا ؟

وبالنسبة للكاميرا غير ضرورية ابدا وبما ان عندك كاميرا فما يحتاج الكاميرا في اللاب توب وتقدري تشبكي الكاميرا اللي عندك بالجهاز وتستعرضي الصور بكل حريه ...

والبلوتوث مهم نسبياً لنقل الملفات من الجهاز لجهاز اخر والعكس ولربطه بجهاز الموبايل لتصفح الانترنت وغيره من المهام ... ..

اختي انتي فكري زين بهذي الامور وبعدها تقدري تقرري ايش اللي ينفع لك ويناسبك ..

وأي خدمة احنا حاضرين :)

اخوك الهــــاوي ...........

فمان الله .................

اخوي الهاوي ما شاء الله عليك شكلك خبرة في مجال اللاب توبات


ياريت تفيدنا اذا عندك فكرة عن اجهزة Vaio من سوني

هل هي جيده؟ واي نوع تنصح فيه؟

يعطيك العافيه اخوي

ومشكوره اختي أرينا على طرح الموضوع

أيشري أختي ( بدون تعليق ) راح اعطيك الموديلات الكويسه من شركة سوني وعلشان يستفيدون باقي الاخوات والاخوان ..

في الحقيقة انا اعشق اجهزة SONY بكل انواعها .. وإذا جينا نتكلم عن اجهزة الـ Notebook من نفس الشركة فأنا ارشح لك انواع VAIO والموديل SZ330P تحديداً لأنه لايوصف ابداً من ناحية المواصفات وراح اقولك مواصفاته :

نوع المعالج : Intel Core 2 Duo بسرعة 2GHz يعني 2000 MHz مع ذاكرة cache نوع L2 بحجم 4 MB ... ومثل ماتعرفي لحد اللحظه هذي مانزل جهاز محمول بذاكرة كاش بحجم 4 MB مثل هذا الجهاز .. ومثل مانعرف ان ذاكرة الكاش مهمه جداً في عملية سرعة فتح التطبيقات واغلاقها وسرعة تحميل ملفات Windows الاساسية مثل ملفات الـ library وملفات الربط الحيوي نوع Dll و Ocx وملفات الـ Com و Sys .....

بصراحه انا انبهرت لما اشتغلت على هذا الجهاز لاكن كان عيبه الوحيد هو صغر حجم الشاشة مع ان البعض يفضلها صغيرة وهي بحجم 14.1 بوصة تقريبا ...

ومزود بذاكرة اساسية يعني Harddisk بحجم 120 Gb ومزود بذاكرة عشوائية مؤقته بحجم
2024 Mb نوع DDR2 ...
وهو مزود بكرت شاشة مستقل الذاكره يعني Non sharer بذاكرة بحجم 250 Mb طبعاً علشان يخدم هواة الالعاب القوية من نوع 3D و 4D .. ويخدم مستخدمي برامج التصاميم القوية مثل CoralDrow و Pric For و FreeHand .. وبرامج التصاميم الثلاثية الابعاد مثل 3D MAX و Cinema 4D .. ولا ننسى برامج الاخراج السينمائي مثل Adobe Premier و Ulead VideoStudio .. وغيرها من البرامج القوية اللي تحتاج كرت للعرض قوي وبذاكرة كبيرة .. ولا ننسى أن نوع كرت الشاشة هو G-Force وهي من اقوى الشركات المصنعه لكروت العرض ...
والجهاز مزود بكرت Wireless بتقنية 108.11G بسرعة 54 MB ومعه انتل Antenna مدمج وهذي ميزة حلوة بحيث يكون استقبال البث اللاسلكي قوي جداً ومو محدد بجهه معينه يعني نقدر نقول ان الاستقبال راح يكون Round يعني دائري من اي مكان .. لأن جميع اجهزة المحمول يكون كرت الاستقبال اللاسلكي مزود بمخرج Radio واحد ويكون في الجهه اليمنى أو اليسرى للشاشة وهذا يجعل استقبال الاشارة في الجهه اليمنى اقوى من اليسرى والعكس صحيح ....

والجهاز مزود بكرت ارسال واستقبال من اشعة الـ Bluetooth وأيضاً مزود بكرت لقراْة الشرائح من نوع SD و MMC مثل ذاكرة التخزين للموبايل والكاميرا الرقمية ..

وهو مزود بقارئ لأقراص الـ CD بكل انواعها وناسخ لها ايضاً ...

وشكل الجهاز انيق ورشيق ومميز وهو خفيف الوزن ....

في النهاية شركة SONY لم تترك لنا مجال للتفكير في اي تقنية إلى ووضعتها في اجهزتها ...

هذا الجهاز اخواتي مميز جداً وحلو لاكن عيبه ارتفاع سعره نسبياً .. ويصل سعره تقريباً 7690 ريال ...

اسف للاطاله وإي سؤال انا حاضر ... :)

اخوكم الهـــاوي ...........

فمان الله ......................

شكرا اخوي الهاوي فعلا فعلا ما قصرت :clap:

ادري تعبناك معانا بكثرة الاسئله


بس ياريت اذا تقدر تفيدنا وتعطينا رايك بجهاز VGN-TX47GP Platinum باكون شـــــــاكره لك

اليوم شفته وعجبني لانه واااايد صغير وشكله حلو ولونه بلاتين بس ما اعرف اذا مواصفاته اوكي او

لا!!

الموظف اللي في المحل قال لي انه في منه كذا لون اسود واحمر وهذا البلاتينيوم

ويقول ان مواصفات الاسود احسن شوي بالنسبه للهارد وير للي حابين ينزلون برامج كثيره فسعره اغلى تقريبا 8200


اما البلاتينيوم اللي عجبني فسعره 6500 ياريت اذا عندك معلومات عن موصفاته ومميزاته وعيوبه تفيدنا


واذا ما عندك فكره احب اشكرك مره ثانيه على الجهد والمعلومات اللي افدتنا فيها

يعطيك العافيه

أختي بكون صريح معاك .. الموديل اللي ذكرتيه مو بطال لاكن مواصفاته اقل بكثير من الموديل اللي ذكرته مع ان فارق السعر مو كبير ...

اللي ذكرتيه فيه بعض العيوب راح اذكرها لك والخيار لك إذا يناسبك أو لا . ..

الجهاز في الحقيقة شكله حلو وصغييير كثير وخفيف ..

سرعته 1200 Mhz معالج نوع : Intel Core لاكن من نوع Solo وهذا النوع ذاكرة الكاش ( Cach ) له صغيره وهي بحجم : 2 MB ... لاكن إذا كان عملك عليه بسيط فهي كافيه جداً ....

لاحظي حجم الذاكرة العشوائية المؤقته وهي بحجم : 1GB .. طبعاً برضوا إذا كان عملك عليه عادي فهي كافيه جداً ...

ولاحظي كرت العرض ( كرت الشاشة ) فهو من النوع Shared ... يعني مشترك مع الذاكرة الاساسية Main Memory ... بمعنى إنك إذا كان جهازك مزود بذاكرة رام RAM بحجم 1GB فكرت العرض راح ياخذ جزء منها وإذا شغلتي تطبيقات تحتاج لحجم ذاكرة كبير فكرت العرض راح ياخذها من ذاكرة الرام وبكذا تنقص عندك ذاكرة الرام اكثر واكثر ... يعني إذا كنتي تبغي الجهاز فحاولي انك تزيدي ذاكرة الرام من 1GB إلى 2GB علشان مهما اخذ منها كرت العرض ماتأثر على عمل الجهاز ...

والذاكرة الاساسية للجهاز HardDisk معقولة جداً وهي بحجم 80GB وكافيه لعملك ...

ويمكن اللي يميزه عن غيره هو حجم شاشة العرض لأنها بمقاس 11.1 inch ... وهو حجم صغير جداً ويفضله ناس كثير وهو السبب في ارتفاع سعر الجهاز .... ولا ننسى انه مزود بتقنية الـ Fingerprint يعني حساس بصمة الاصبع .. وهي تقنية حلوه كثير ....

وباقي مواصفاته حلوه بصراحه وبطاريته جداً حلوه لأنها تستمر لمدة 7 ساعات تقريباً من العمل ..

في النهاية الجهاز معقول جداً لاكن حبيت ابين لك الفرق بينه وبين الموديل اللي ذكرته لك في ردي السابق ... وإذا كان سعره مناسب لك فلا تترددي وأشتريه على طول لاكن لاتنسي تزيدي حجم ذاكرة الـ RAM من 1GB إلى 2GB إذا كنتي من هواة التصاميم وبرامج الجرافيكس بشكل عام ...

اتمى اكون افدتك أختي وأقدر اقول مبروك من الآن :)


اخوك الهــــاوي .......

فمان الله .............

شكــــــــــــــرا لكــــــــــ اخـــــــــوي الهـــــــــاوي علــــــى افـــادتنـــــا بهالمعلومــــــات الدقيقـــــــه والمفيــــــــــده..


:clap:

السلام عليكم الاخت ما قصرت

بس حبيت اقولك انا شريت hp

الجديد مره روعه وفيه بلوتوث وكاميرا وحجمه صغير

كلفني كل شي مع البرامج حول 6800 ريال تقريبا

بس من جد روعه ماشاء الله

حلو جدا بس اخي الهاوي حبيت اتاكد من اجهزة ايسر سمعت انها غير طيبه وتخترب بسرعه صراحه الكثير حذرني منها
ورايتك تمدحها لا اشكك في كلامك العفو ولكن حبيت توضح لي اكثر عن االايسر

تشكر

أختي سمراء السودان اي شركة منتجه لاازم يكون عندها مستويات أو درجات للتصنيع ..

فالناس اللي ذمو اجهزة Acer إحنا ماندري عن خبرتهم الفنية ولا نعرف حتى الجهاز اللي قاموا بتجربته يمكن يكون اسواء انواع اجهزة Acer .... يعني محتاج توضيح اكثر لعيوب الجهاز لأن كلام الناس كثير .. عموما اجهزة Acer هي من اكثر الاجهزة مبيعات على مستوى العالم وخاصة بالشرق الاوسط لأنها رخيصه الثمن وقوية ومشاكلها قليلة جداً ومواصفاتها عالية ولو فيها عيب فما أعتقد انها راح تنتشر بهذ االشكل بين المستخدمين ... لاكن فعلاً يوجد من نفس الشركة اجهزة محمولة سيئة التصنيع والمواصفات وهذي الفئة هي اللي تشوه السمعه لجميع الموديلات من نفس الشركة ..

حتى شركة Dell و Hp و Toshiba عندهم اجهزة جداً سيئة في المواصفات والتصنيع وكل هذا مقابل البيع بسعر منافس ورخيص ...

اسف على الاطالة ... واي سؤال احنا حاضرين ..

فمان الله ............

unprofessional:
اختي انا انصحك بجهاز Acer موديل Aspire فسعره مقارب للسهراللي ذكرتيه وبنفس الوقت جهاز حلو وقوي ويتحمل لوقت طويل ومواصفاته حلوه جداً وكاملة ولو تبغي خيار ثاني فكريي في HP

طبعا الحجم يرجع للشخص نفسه ونفسيته وهل الحجم الصفير للشاشة مناسب له اولا ؟

وبالنسبة للكاميرا غير ضرورية ابدا وبما ان عندك كاميرا فما يحتاج الكاميرا في اللاب توب وتقدري تشبكي الكاميرا اللي عندك بالجهاز وتستعرضي الصور بكل حريه ...

والبلوتوث مهم نسبياً لنقل الملفات من الجهاز لجهاز اخر والعكس ولربطه بجهاز الموبايل لتصفح الانترنت وغيره من المهام ... ..

اخوك الهــــاوي ...........

فمان الله .................

انا رايي من راي الاخ الهاوي بس اقترح عليج الacer >> لابتوبها acer
ولا تنسين بعد السعة و graphics
اذا كنتي من عشاق العاب الكمبيوتر لانه الvideo card مهمة