هل قدرتها ؟؟ - منتديات عروس

ا

الياه

عروس متألقة

06-02-2007 | 10:25 PM

بسمـ الله الرحمن الرحيم

في يومٍ ما وبعد ما كثرت مشاكلي في الحياه ..

جلست وحدي ..

تأملت فيلم حياتي .. من زواجي الى الان...

حياة بدايتها مشاكل .. اوسطها راحة وتنطلق من بعدها معاناة ..

لماذا ..

لقد وجدت الجواب ..

نعم انا لم اقدرها حق قدرها ..

نعم لم اقدر نفسي ..

اذا انتي اعزيتها .. اعزها كل من حولك .. ابتداء من زوجك .. الى كل من يعرفك ..

وان انتي اهنتها اهانها كل من حولك ..

وانا دللتها .. تمتع بتدلليك كل من حولك ..

وان حرمتيها ,, حرمك منها الجميع ..

نعم انتي توجهين لها السعادة .. والتعاسة ايضا ..

اتعرفون مالذي ساعدني على ذلك ؟؟

انه اعلان جالكسي...نعم لا تستغربن من ذلك ..

في بداية الاعلان تقول .. وجدت لاجد نفسي يجب ان اكون مع نفسي

كنت معها .. حاورتها .. يألهي ..

وجدت اني انا من اوصل حالي الى هذا الطريق ..

لما على انا الاعتذار من كل شي .. مع اني في معظم الاحيان لا اكون انا المذنبة ..

لماذا اتغاضى عن الاسأة الي .. بدافع الحب .. وتقدير هذا الشخص ..

لماذا اتجاهل تقصيرة .. المتزايد .. بدافع اني لا اريد ان اثير المشاكل ..

وان انا قصرت في شي ما .. القي الانتقادات .. وانا راضية .. واقنع نفسي اني اخطأت ؟؟

اهو معصوم عن الخطأ ؟؟ وانا دائما المذنبه ؟؟

لحظه ...

كنت اقول في قرارة نفسي .. بعد انتهاء المسألة ويتم الصلح .. سوف اعاتبه

وافهمه اين هو غلطه .. ولكن لو تم العتب .. لافائده منه لانه يعرف تمام المعرفه انه لان

ولان .. يعترف بغلطه في المرة القادمة ..

يالله ....

اهملتها............

فأهملها ...

ولكن ... ليس بعد الان ..

لقد قررت ... وانتظر قراركن مع ..

فهيا يا اخوات ..

دعونا نتناقش في الموضوع ..

هل المرأة باعتذارها المستمر لزوجها تقلل من شأنها عند زوجها او العكس ؟؟وما الحل في رأيكن

وهل تنازلها ورضوخها له .. يجعلة يتمدى في زلاته ؟؟ وما الحل في رايكن؟؟

وهل تجاهلها عن اخطأه و تقصيره في البيت يؤدي الي تهربه من السؤليه .. علما انها تريد

انا تبعد المشاكل عنها وزوجها ؟؟ وما الحل في رايكن؟؟

ملاحظة .. الموضوع للنقاش.. وليست مشكله لدي..

وانا حبيت اعرض هالموضوع لشيوع هذا النوع من الحالات..

w

wispy girl

مشرفة سابقة

06-02-2007 | 10:40 PM

حبيبتي حست نفسي ضايعه في موضوعك والله مافهمت شئ

ا

الياه

عروس متألقة

06-02-2007 | 10:59 PM

مراحب اختي انسة فله ..

مألومج .. بس اول شي كان ت مجرد احاسيس ..

وانا اعترف انها مب مرتبه .. لاني لو رتبتها كنت بمسحها ..

بس في نهاية الموضوع حددت نقاط اتحب اتحاور وياكم فيها

ر

روح الوفا

عروس مشرقة

06-02-2007 | 11:12 PM

موضوع رائع ومفيد
وبعتقد اننا بنستفيد منه
للعلم انا غير متزوجة
بس مخطوبة
المهم الواحدة لازم تكون عندها شخصية
مش بالضرورة شخصية قوية جدا ومتكبرة ومعرفشي ايش
الزواج اشتراك بين اتنين فكل شئ
وحياة وتفاهم
بس اغلب النساء بيحبو يدوبو ا فشخصية الزوج
وهدا ليس عيب لكن بحدود
لازم كل واحد يعرف اللي ليه واللي عليه
ادا اخطا يعتذر
وادا اخطات انا اعتذر كمان
وكل واحد فينا يقدر ظروف التاني
واكيد لازم يكون كل واحد فينا يحس بالتاني
ويفهمه
عشان التفاهم والتواصل يكون سهل
وهنا الزوجة لازم تفهم طبع جوزها
وتوصله احساسه
وعلى فكرة الرجل بيحب الست الدكية اللي عندها شخصية
وفرضاها بالبيت
حتى لو انكر هاالشئ قدامك
لكن مثل ما انتي تحبي الرجل برجولته وشخصيته الفذة
هوا كمان يحب تكون ليكي بصمة حلوة مش تابع ليه

ويارب يسعد كل زوجين

ويرزق البنات الازواج الصالحين ياربومرس على موضوع الجيد

ع

عنود الغيد

مشرفة سابقة

06-02-2007 | 11:23 PM

أختي الياه

راح اقيس موضوعج من منظوري في معاملاتي الانسانيه
وماراح احصرها في علاقة الزوج وزوجته
لأني للحين ماخضت هالتجربه :)
وبارجع ارد على تساؤلاتج في نهاية ردي (f)

الإعتذار شي جميل!!
شخصيا!!
ماتعلمته إلا من شهور قلائل!!
صج انها خصله مب حلوااا فيني واعترف بهالشي!!
لأني كنت احس كلمة " آسفه" اثقل من ان ينطقها لساني!!
حتى لو اني غلطااانه!!
كنت اعوضهاا!! بحركااات ثانيه!!
يا أما امسح على راس اللي زعلته أو امسك يده!!
أو اكتفي بنظرات فيها معاني اعتذار!!
وكان توصل اني اشتري أي حاجه للي زعلته لو بعد فتررره!!
بس عشان ارتاح نفسيا!!
لكن انطقهاااا!!
والله ماكنت اقدر!!

بس الدنيا علمتني!!
ان في ناس تفرحين لو قلتيلهم آسفه!!
واتحسين براضهم عليج!!
"الأم و الأب"
وهالشي عندي بالدنيا كلها!!
وبعد شي حلو انج تعتذرين للي يستاهل!!
لأن هالشي بيكبرج في عينه!!

كلامج عن تقدير النفس!!
عين العقل!!
وياما سمعته من جدتي "الله يطول بعمرها"!!
دايم تقول لنا إن قدرتي عمرج كل اللي حواليج قدرج!!
والناس بتعاملج بالطريقه اللي انتي اتحبين اتعاملين بها نفس!!
يعني معاملة كل اللي حواليج تعتبر مرايه تشوفين فيها معاملتج لنفسج!!
وعلشان كذا دايم يقولووون لنا امهاتنا عزي نفسسسج!!
بالذات للبنات المتزوجااات!!
عشان زوجها يعزها بالمقابل!!
ولا عزها زوجها راح يعزونها أهله بالمقابل!!! .... الخ

...

هل المرأة باعتذارها المستمر لزوجها تقلل من شأنها عند زوجها او العكس ؟؟
وما الحل في رأيكن...

لا طبعا ماتقلل من شآنها!!
بس دامها اعتذرت مره وثنتين!! اتوقع انه كفايه!!!
ولازم عليها تقعد مع نفسها!!
وتدرس شخصية زوجها!!
واتعرف وش اللي يبيه واللي "مايبيه"!!>> "وبالتالي راح يأدي بها انها تعتذر له"
واتكيف معاه!!
اتحاول اتجنب التصرفات اللي بتكون آخرتها زعل واعتذار!!
اهنيه عاااد بتكبر بعينه!! و بتملكه بالتالي!!
اذا قلت اخطائهاااا وتقصيرها!!
وراح تكون خطوتها تحسب لها قوه مش ضعف :)

وهل تنازلها ورضوخها له .. يجعلة يتمدى في زلاته ؟؟ وما الحل في رايكن؟؟

قبل أي شي!!
أي اثنين بتزوجون لازم ايحطون في بالهم انهم بقدمون تنازلات وااايد!!
عشان يمشوون ويا بعض!!
لكن مب على حساب كرامة أي احد منهم!!
"وهالشي لازم يتفاهمون عليه قبل أي حاجه!! بالذات اذا الرجال مايعرفه!!"
اذا هي بتنازل عن اشيا ممكن الإستعاضه عنها باشيا ثانيه!! that's OK
أما اذا على حساب كرامتها ,, وهو ماراح يقدّر لها هالشي وراح يتمادى!!
طبعا لازم اتعلمه ان فيه حدودلها ولازم اتوقف تنازلاتها عند هالحد!!

وهل تجاهلها عن اخطأه و تقصيره في البيت يؤدي الي تهربه من السؤليه ..
علما انها تريد انا تبعد المشاكل عنها وزوجها ؟؟ وما الحل في رايكن؟؟

شلون تبينها تبعد عن المشاكل!!
وهي اتواجه مشكلة انه يخطي ويقصر في البيت!!
بالعكس اذا تجاهلت هالشي راح يتمادى الزوج!
ولو جات وتكلمت عقب مايتمادى راح يقول لها كنتي ساكته وش نطقج!!

الحل انها اتصارحه من اول خطا تشوفه ولا يعجبها!!
زي مايسوى هو!!
بس لازم تتخذ الأسلوب اللي هي تدري انه راح يفيد وياه!!
"طبعا كل وحده اكيد بتعرف من العشره الاسلوب اللي بيأثر في زوجها"
والتفاهم شي مطلوب بين كل اثنين وفي كل مجال!!
وشلوون لو كان الوضع بين زوجين!!
ومع التفاهم راح يعترف بخطاءه!!
حتى لو مب بطريقة مباشره!!
بس عالاقل راح يدري ان زوجته اتعرف وش قاعد يصير!!

ولا تنسوون يا بنات!!
إن زوجج على ماتعوديييينه!!

هاذي وجهة نظري!!
وبالتوفيق لكل المتزوجات (f)

ا

الياه

عروس متألقة

07-02-2007 | 10:14 PM

اختي روح الوفا ..

اول شي اشكرج على مرورج .. وبصمتج في الموضوع .. :clap:

وكلامج حلوو بصراحه ..

وواللي عيبني.. انه الواحد لازم يعرف اللي له واللي عليه ..

وانشاء الله تتوفقين في حياتج يارب

ا

الياه

عروس متألقة

07-02-2007 | 10:22 PM

اختي.. عنود الغيد

اول شي اشكر لج مرورج ...

والاعتذار عن خطأ بدر مني احلى ما في الكون

لانه الشخص الاخر بيحس بتواضع اللي فيني..

وحلو بعد الواحد يتعلم من تجربة ..

وانا تعلمت من تجربة مرت بي ..

انه الانسان ما يعتذر الا غلط .. واذا اعتذر لا يكرر اعتذاره اكثر من مرة

ممكن اني اتغضى بعض اخطأ شخص غالي علي.. بس مب دووم

وانا مثلج كنت غافله عن نفسي.. بس الله يجزاها خير .. الحرمة اللي قالتها لي

انه محد بيعزج الا اذا انتي عزيتي نفسج ..

وانا قلت يمكن في بنات غافلات عن هالموضع ..

ونزلت الموضوع عسب نتناقش في الموضوع

S

SHREEFA

أخصائية اجتماعية

09-02-2007 | 11:05 AM

موضوع رائع وقيم
وفكره دعاية جالكسي ممتازه
انها اثرت وجعلتك تختارين هذا الموضوع
اختي العزيزة
الحياة قصيرة ... وكبيره في تعاملاتها
مع اصغر من فيها الى اكبر انسان فيها

وهنا نتكلم عن الزوج
الرجل ، الحبيب ، الاب ، الصديق

اختي التعامل مع هذا الانسان بالخصوص يجعلك سعيدة في حياتك او تعيسه
فالاستقرار العاطفي يؤدي الى الاستقرار النفسي والاستقرار الاجتماعي

فيجب ان اهيئ الجو المناسب لهذه الحياة حتى تكون مناسبة لي ولزوجي

والحياة تضحيات وتنازلات حتى يمشي بنا مركب الحياة الى شاطئ السلام
ولكن بحدود
اتأسف اذا اخطأت ولاينزل من قيمتي اي شي فانا اخطأت ويجب ان اعتذر
واعاتب اذا اخطأ فلابد من ان يعرف خطأه وان لا يعيدة
واترك بعض الزلات البسيطة التي لاتؤثر الا بالقليل جدا والبسيط في حياتي
ولا اتحدث عنها ولا اناقشها
وامشي حياتي بالهدوء
والرومانسيه والاتفاق والانسجام

مثل مايقولون مواعين البيت تتراقع
يعني تسمعين لها صوت قرقعة
فالحياة جميعها لابد ان يحدث النقاش والخلاف والزعل
ولكن ان يتم الرضا في النهاية والاتفاق

والله لايجب الزعل ان شاء الله
ومشكوره مرة اخرى على موضوعك

دمتم سالمين
اختكم شريفة