اليوم سويت طبخة سهلة و لذيذة
و اخذت مقاديرها لأخت من منتدى لكي بصراحة ما اتذكر اسمها بس الله يجزاها خير ...
نبدآ بالمقادير :
لحم مفروم - بصلة مفرومة - بطاطس كبيرة مسلوقة عدد 6 او حسب حجم صينية الفرن - علبة و نص قشطة
7 ملاعق مايونيز- جبن موزريلا- ملح و فلفل
الطريقة:
طبعآ نسلق البطاطا و بعد ما تستوي نقشرها و نقطعها دوائر و نرش عليها ملح
و نجيب صينية بايركس و ندهنها بزيت و نصف اول طبقة بطاطس
في هذه الاثناء احنا نكون مجهزين اللحم حامسينه مع البصل بعد ما يستوي نضعة فوق طبقة البطاطس
و بعدين نضع الطبقة الاخيرة من البطاطس.
الصلصة : نضع بوعاء المايونيز و القشطة و نمزجهم مع بعض لين ما يصير شكلهم مثل الكريمة
بعد ما تجهز الصلصة نصبها فوق البطاطس و نرش الوجة بالجبن و ندخلها الفرن 10 دقايق و نخرجها
بس يصير لونها اشقر. و صحتين و عافية و طبعآ تقدمينها مع رز بالشعرية او مع الخبز و السلطة .
هذي صورتها اول ما طلعتها من الفرن
صورة ثانية
عند التقديم
انتظر ردودكم :shy: