بنات متوهقه كلهم يقولولي ويهج امغبر

انشاء الله الخبيرات مابيقصرون
ماحبيت امر بدون ما اعلق

شوفي الغاليه مب لازم الي ناسب البنات يناسبج ... أنا اشتريت اساس ميكب فور ايفر واشتريت البيس الأبيض والبنفسجي ... يوم احطه ويهي يتشقق ابد ماناسبني رغم اني اشتريت الأساس على بشرتي مختلطه ... بس يوم احطه يلوع بالجبد ... جربت كريولان وجربت بن ناي وجربت كانيبو ... وفي النهايه احلى شي وناسبني وايد .. مابتتوقعين .. دريم من ماركة ميبليين احطه باسفنجه فيها ماي ويطلع اللوك مخملي روووعه ... وبعد احط كريم قبل المكياج من ماركة شسيدو يمكن بعد ساعد على ثبات اساس ...
أتمنى ان شاء الله تلقين شي يناسبج ...
اسمحيلي طولت عليج ...

مشكوره ام راشد ... ما قصرتي

ان شا الله تعرسين ..... هيه صح أنا سمعت هالرمسه .. ان ما يناسب كل حد
بس بسألج ماركة ميبليين وين بحصله ؟؟

هلا الغاليه ..

بالعكس انا استخدم كريم الاساس من فور ايفر بس مب النوعيه الي انتي حاطتنها

استخدم الـ MAT VELVET Oil Free Fondation SPF 20

لانه مناسب للبشره المختلطه و يصير مثل البودره بعدما يجف ..

و احتمال انتي اخذتي درجه افتح من لون بشرتج المفروض تاخذين كريم

اساس نفس لون بشرتج بالضبط او افتح بدرجه وحده فقط علشان ما يصير في

فرق باللون.. و بعدها حطي بودره بطريقة الطبطبه علشان تثبت الاساس..

و عندج كريم اساس مايبلين "دريم موس" بعد حلو تلقينه في لايف ستايل او كارفور ..

و بالنسبه للكونسيلر مو شرط تحطينه الا اذا كان عندج عيوب في بشرتج او هالات

سودا الافضل انج تستخدمينه علشان توحدين لون البشره وما يكون في فرق باللون

ان شاء الله اكون افتدتج حبوبه ..

و السموحه..

أم راااااااشد:
انشاء الله الخبيرات مابيقصرون
ماحبيت امر بدون ما اعلق

هـــــلا حبيبتي

انا اعتقد المشكلة مش مية بالمية من مستحضرات التجميل اللي عرضتيها!!

اعتقد من بشرتج نفسها واكيد فيه مشكلة عندج..

لازم تشوفين شو نوعية بشرتج وتنظفينها تشترين مستحضرات التنظيف ومن افضل الماركات (انضحج بماركة كلارنس والله روووعة)

سوي لج اقنعة طبيعية من مطبخج

قشري البشرة

وفي النهاية اكيد تسدين المسامات بقابض المسام الخاص لبشرتج ونوعها ، عقب ترطبينها بالكريم اللي والنهار

ترى هالتنظيف رووعة لبشرة الوجه(التنظيف ضروري جدااااااااااااااا علشان يطلع الوجه مور ومنور والمكياج يزيده حلاوة

وعندي اضافة بعد ان مو كل مستحضرات التجميل تناسب الجمييع

هذا من تجاربي

صمت الأصايل كلامها 100% صح..

شكله لون أساسج أفتح من لون بشرتج.. حطي شوية من الأساس عند منطقة الذقن أو قريب من الفم.. إذا اندمج مع بشرتج.. اخذيه.. لازم تكونين تحت الضوء الطبيعي أو سبوت لايت...

موفقة يا عسل :)

مثل ما قالوا الخوات قشري ويهج بالسكراب و أهتمي فيه ...

و البيس البنفسجي كان عندي مثله و كان حلو .... بس القشور الصغيرة تضهر حتى لو حطيته و لا حطيت لي بيس من ماك " لأني أستخدم الروكوتان و هي ينشف الويه "

أستخدمت الفكس مال ماك و مالج علي يمين يجنن ... يتم الميكاب مثل ما هو و هالغبرة تختفي ....

أنصحج حطي البيس و الكريم و البودر و كل شي تحطينه .... سيري ماك و رشي الفكس و عقب حوطي و قضي حوايجج في المول و شوفي اذا عيبج .... أخاف ما يعطيج نفس النتيجة و تتوهقين فيه ...

و إن شاء الله أكون أفدتج :) ....