العجينه اللي استخدمتها هي نفسها عجينة العشر دقائق وطبعا معروفه لدى الجميع :shy: او اي عجينه انتي معتمدتها
الحشوه :
3 علب صغيره لبنه مخلوطه معاها علبه قشطه واذا حابه طعم الحموضه زياده شوي بدال القشطه حطي علبه زبادي
2 كيس جبن موزريلا
وعسل عند التقديم
الطريقه:
اول شي تجهزي العجينه عادي
افرديها بصينيه تيفال ومدهونه زيت طبعا بعد ماتفرديها اعملي فتحتات فيها بواسطه الشوكه لانه مانبيها تنفش كثير معانا
بعدها ادهني وجهها باللبنه وحاولي قد ماتقدري تبعدي عن الاطراف حتى ماتحترق
وبعدها رشي فوقها بطبقه وفيره من الموزريلا
دخليها الفرن اللي محميتيه قبل بفتره 200 درجه مئويه او 350 فهرنهيت
حوالي عشر دقائق للربع ساعه وحمري وجهها بعد ماتستوي
بعدين قطعيها بالشكل اللي يعجبك وعند التقديم صبي عليها عسل وانا عن نفسي بحبها مغمسه بالعسل كثير:gum: لانها اطيب بالعسل الكثير
وسلامتكم اتمنى تعجبكم ........... واي سؤال انا حاضره
تحياتي للجميع(f)