السلام عليكم ورحمة الله وبركاته
شحالكن خواتي؟؟ عساكن بخير؟؟
طبعاً الكل يعاني من شركات الشحن
حد يتشكى من أنهم ما يردون المبالغ بسرعة
وحد يتشكى من أنهم ما يوصلون الطلبية في الوقت المحدد
وحد يتشكى من أنهم يقصون على المستلم وياخذون مبلغ أكثر عن اللي يستحقونه
وحد يتشكى أنهم ما يوصلون لمناطق معينة في الإمارات
المهم خواتي
ما بطول عليكن
أنا حالياً كل تعاملاتي ويا شركة الإيلايت
لكن الصراحة
في البداية كنت مرتاحة في التعامل وياهم أكثر
والسبب أنه المندوب كان يستلم الطلبيات ويرجع المبالغ أسرع من المندوبين الحاليين
لكنه سافر .. وقبل لا يسافر عطاني رقم مندوب ثاني
وقال لي أنا برد عقب شهور
أكيد بعض البنات في العين يعرفنه .. اسمه زبير
لكن البارحة تفاجأت
ياني لين البيت ومعاه بطاقة شركة الشحن اليديدة اللي يشتغل بها
اسم الشركة Professional
وتخبرته عن الأسعار
قال نفس أسعار الإيلايت
ويوصلون لكل مكان في الإمارات
حبيت أخبركن .. واللي تبا رقم المندوب في العين فالها طيب
والخوات من باقي الإمارات
ممكن أعطيكن رقم مندوب العين
رمسنه وتخبرنه عن رقم المندوبين على حسب إماراتكن
رومــــ RoOoOoMANoOoOoVE ــــــــــــــــانوف