تكرار الأشعة الصوتية وخطورته

يا اختي عادي مافي منها ضرر ان شاء الله
انا في السادس مو بعيد عنك وصورت ذا الاسبوع مرتين
وكنت سائله الدكتوره عن كثرة التصوير وقالت مامنه ضرر

وبالنسبه للمشيمه انا مع الاخت Daisy Ash ارتاحي وان شاء الله كل شي زين

وباقي البنات ان شاء الله يفيدونك اكثر

لا عادي ما فيها ضرر ابدااااااااااا
والمفروض اتعرفين نوع الجنين

اختي مافيها ضرر بس انتظري اسبوعيين والافضل ماتكثرين منهاا

وعن مشيمه اذا نازله ارتاحي ولاتحركين كلش موزين يمكن تسببلج ولادة مبكرة

اول حمل لي سويت اشعه يمكن اكثر من6 او 7 مرات لان حملي كان فتوام وفيه اختلاف باحجام الاجنه واحد كبير واحد صغير وكانت دكتورتي على طول تتابعلي الاجنه بالسونار لحد مااختفا الجنين الصغير

والحمد لله ماثرت على حملي ولا على البيبي

اما المشيمه لا تجهدي نفسك وان شاء الله ماتكون عندك ولادة مبكره وشي طبيعي نزول دم طول فترة الحمل لمن تكون المشيمه نازله

ربي يكملك حملك على خير ويقومك بالسلامة

انا دخلت الشهر السابع ولله الحمد واعمل اشعة تقريبا كل شهر
والدكتورة تقوووووووول ان باذن الله مافيه ضرر

ان شاء الله انه مافي ضرر لا تحاتين

مافي ضرر حبيبتي
انا الحين في الثامن ومسوية تقريبا 6 او 7 مرات

ردي مثل باقي الاخوات ...

و خواتي بعد يقولون ما فيه ابدا اي خطورة ..

و سلامتج الف سلامه..

و الله يتمم لج حملج و تولدين بخير و سلامه..

مرحبا..
ما اظن فيه ضرر في حملي يمكن سويت الأشعة 10 مرات ..
بالنسبة للمشيمة لابد انش ترتاحين وتحاولين ترفعين رجليك وانتي مستلقية على ظهرك لمدة 10 دقائق على الاقل حتى ترتفع المشيمة ..والله يتمم الك على خير