كيف انظم وقتي بين البيت والدوام والدراسـة

ادري انكم اخوات وراح توقفوا معــاي وتســاعدوني في ذي المشكـلـة ..

بأرائكم .. بدعواتكم الطيبــة ... بقلوبكم الحنونــة ...

صــار لي فتــرة ضايق خلقي من ذا الموضوع .. وقبل شوي متصل ابوي ..

وجـالس يكلمني بخصوص ذا الموضوع

لانه عرف اني متضـايقــة ومحتــارة ..

أكيد تبون تعرفون الموضوع .. لاني طولت في الكلام كثير ...


انا موظفــة صــار لي فتــرة .. في شركـة |||| قسم تقنيـة المعلومات IT |||||

وتزوجت من فترة .. والحمدلله .. زوجي ما عنده مانع في الشغل ..

دوامي من السـاعـة 8 - 5 :sad: :sad: :sad:

خلال فترة شهر العسل .. طلعت لي منحــة من الدوام .. ما اعرف اذا يسموها كذا ..

المهــم على اساس اني أكمل دراستي واخذ البكالوريوس .. لاني حـاليـا عندي بس دبلوم ..

انا كنت مقدمــة طلب قبل ما اتزوج بفترة .. بس الحيـن وافقوا عليها .. :angry: :angry:

المهــم .. انا فرحت وزوجي بعد فرح واهلي والكل فرحان بهذه المنحــة .. لان كان املي من زمان اني اكمل دراستي ..


الحمدلله اهلي قادريـن على انهم يدفعـوا مصـاريف الدراسـة .. بس انا ذيك الفترة كنت متكسلـة وما خـاطري اكمل ..


والحيـن شكرت الله .. بس بعض الاحيـان احسها صعبـة عليي ... لان بعد الدوام بروح الكليــة إلى السـاعـة 7 او 7.30


وارجــع البيت . واكون عااااااااد تعبـانـة ومهدود حيلي .. زوجي قال لي ... شوفي ذا الاسبوع اذا تقدري تكملي واذا ما تقدري خلي .. وان شالله بتكملي بعديـن ..

في الدوام .. موافقيــن على اني أكمل نص دوام يعني إلى السـاعـة 2 وبعدها اروح الكليـة .. بس بيقطعوا اكثر من نص الراتب ...
:angry: :angry: :angry:


ما اعرف للعلم عمل زوجي ما مستقر في مسقط .. زوجي يشتغل في مسندم أخر الدنيــا على الحدود بسبب عمله .. يعني اذا كان في مسندم (مكان عملـه) اسبوعيــن يرجـع مسقط(مكان الاقـامـة) ويجلس اسبوع .. واذا جلس في مسندم اسبوع بيرجـع هنـا مسقط 4 ايـام ...


ولما هو يكون في مسندم انا بكون بيت اهلي .. .. المشكلــة اني ما اعرف كيف انظــم وقتي ؟؟ او كيف افكــر ؟؟ استمر في الدراســة او لا ؟؟؟

اعطوني الحل ارجوكم ...