عندي اسئله عن الميك اب بس والله مفتشله منكم

روعه:
السلام عليكم


شخباركم يااحلى عضوااااااات


الصراحه خاطري اسال من زماااان بس متررررررردددده



او بالاصح مستحي منكم سؤاااااااااااااااااااالي هووووووو:sad:


عن الميك اب


انا توني اتعلم الميك اب على اصوله


وفيه اشياء يكتبونها البنات ومو فاهمتها او شنو استخداماتها


ياليتكم بس تعلموني اذا ماعليكم امر فدددددددددددديتكم


والاشياء اللي ابي اعرفها


شنو يعني"اضاءه"وفي شنو استخدمها ؟
والبرايمر؟

والكحل الكريمي شالفرق بينهم وبين الحل العادي؟

وشنو التاتووو؟

والبس شنو؟؟


والفكس؟والبيجمنت؟

اسفه على كثرة الاسئله بس ربي يشهد علي اني مااعرف استخداماتهم شنو

وخاطري اتعلم الميك اب


وربي يوفقكم يااااااارب

سواء رديتوا علي او لا

نعنوعـــــه:
هلا حبوبه البنات مارح يقصرون معاج ان شالله....

شنو يعني"اضاءه"وفي شنو استخدمها ؟
الاضاءه مثل ما قالت الدبدوبه...تعطيج اضاءه للويه لان فيه ذرات صغيره جليتر او لمعه..وتكون بودره سائبه


ومنه السائل او الكريمي (ماك)

ومنه المضغوط (ماك)


والبرايمر؟
هذا في منه انواع للعيون ولشفايف وفيه للويه كامل

هذا لشفايف من ماك

يعطيج ترطيب وينعم الشفايف قبل ما تحطين الروج او الجلوس

وهذا للعيون بعد من ماركة ماك
ينعم لج الخطوط شوي وممكن يكون بيس لشدووو..

وهذا لكامل الويه ويخلي ويهج ناعم جدا وفيه اضاءه بسيط وحلوه ويثبت المكياج


والكحل الكريمي شالفرق بينهم وبين الحل العادي؟

الكريمي سواده حلووو ومايسيح مثل الكحل العادي وتستخدمنه بالفرشاه


وشنو التاتووو؟

مثل ما قالت الاخت وبعد في جل للحواجب يقولون اسمه تاتو وهو ضد الماي تستخدمينه للحواجب لملئ الفرغات بتحصلينه في ميك اب فورايفر


البيجمنت هذا شدوو بودر بس فيه لمعه حلووووه..تلقينه في ماك وفي منه الوان وايد

وهذا هو على اليد
" alt="" loading="lazy">

نجمة الليل:
وعليكم السلام ورحمة الله وبركاته ..

هلا حبيبتي :)

افا تستحين منه علشان تبين تستفيدين وتستفسرين عن المكياج ومسمياته :)

شوفي انا راح اقولج

الاضاءه هي تعطي اشرقه واضاءه للبشره في منها نوعين (كريمي _ والبودره )

البودره وهو بودره سائبه فيها لمعه ناعمه :)

وتعطي اضاءه للبشره
ويستعمل بعد ما تخلصي كل خطوات الميك أب بأصابع اليد يوضع على عظمة الخد وعظمة الأنف والذقن وفوق كسرة الحاجب وهو أكثر من رائع

ومنها اللون الأبيض اللؤلؤي
الوردي الصدفي رووعه :)

والكريمي :

تخلطينا مع الاساس روعه يهبل يخلي وجهج منور مثل القمر مو لمعه لا بس اضائة
وتقدرين تستخدمينه على الاكتاف والجسم بالسهرات خطير ويجي منة الوان :)

وتلقين من ماركة فور ايفر عندهم الاضاءه روعه


والبرايم هو يوضع قبل كريم الاساس ويعتبر بيس للبشره وفائدته يعزل الاساس عن البشره

ويخلي البشره تتنفس وناعمه :)

والكحل الكريمي شالفرق بينهم وبين الحل العادي؟

الفرق انه سواده احلى وغامج ويستخدم بالفرشاة يعني ترسمين فيه على كيفج واهو احسن من العادي :)

والتاتو هو جل يستخدم فوق الحواجب يرسمها بشكل حلو ومرتب وبطريقه الي تحبين وتلقينه عند فور ايفر روعه واختي الي فوق حطتلج صورته :)

والبيس هو قاعدة المكياج ويستخدم لتوحد لون البشره قبل المكياج ويستخدم كمرطب

والفكس هو بخاخ مثبت للمكياج يعطي ترطيب ورونق للبشره :)

والبيجمنت هو مثل الشادو الباودر مع لمعه :)

وهني على هرابط تلقين معلومات اكثر عن البيجمنت

http://www.3roos.com/forums/showthread.php?t=191534&highlight=%D4%E4%E6+%ED%DA%E4%ED+%C7%D6%C7%C1%E5

وانشالله افدتج حبوبه

صمت الاصايل:

و عليكم السلام و رحمة الله و بركاته..

هلا الغاليه.. حياج الله من بينا و بالنسبه لـ اسإلتج عادي الغاليه اسألي كثر ما تبين

مافي داعي تستحين ^_^

المهم بجاوب على استفساراتج قد ما اقدر..

اول شي الاضاءه اهي مثل البودره المضغوطه تعطي الويه نضاره واتيج بهالشكل




و اهي كـ خطوه اخيره في المكياج يعني عقب ما تخلصين تحطينها على غظمة الخد و الخشم

و في منها عدت الوان..


ثانيا" البرايمر.. الغاليه عندج 4نواع من البرايمر في للوجه و الشفايف و للعين و للرموش.. و البرايمر

يستخدم بعد ما تحطين المرطب تنتظرين 5 دقايق عقب حطي البرايمر و هذي الخطوه للوجه و العين..

و تساعد على حماية البشره من الميك اب و تعطيها نضاره و تسهل توزيع كريم الاساس عليج..


هذا للوجــه



برايمر لمنطقة العين..



للرموش



للشفايف


ثالثا".. الكحل الكريمي اهو عباره عن كحل ملمسه كريمي و ينحط برا العين و تقدرين تمدينه بشكل

خفيف على كامل الجفن كـ لون اساسي و بعدين تحطين الايشدو من فوق و ادرجين الالوان على

ذوقج و اهو يستخدم بواسطة فرشاه خاصه.."انا شخصيا" ما احب استخدامه ابد افضل الكحل

العادي"..




رابعا"..اما التاتو فـ اهو عباره عن كريم مع الفارشي الخاصه فيه.. و هو منتج خاص لرسم الحواجب.

و هو بديل للنمص و راح تلاقينه في منتجات شركة ميك اب فورايفر



خامسا"..البيس.. و اهو عباره عن كريم ينحط قبل وضع كريم الاساس كطبقه عازله علشان المكياج

ما يظر البشره وبالنفس الوقت في كذا نوع توفر لج خطوه اضافيه بجانب الحمايه .. مثلا" في انواع

من البيس تعطيج نضاره للبشره الصفرا او في منها تزيل احمرار الوجه و غيرها من الانواع راح

تلاقينها في ميك اب فورايفر و..

سادسا".. الفكس و اهو مثبت للمكياج و اهو عباره عن رش ينحط بعد الكريم المرطب و ينحط ايضا"

كـ اخر لمسه في المكياج..



سابعا"..البجمنت اهو شدو بس على شكل بودره حره .. راح تحسين بصعوبه بإستخدامه بالبدايه..

بس بعدين بتتعودين و افضل انج تاخذين سامبلز واحد و تجربين و بعدها تقررين اذا يناسبج او لا..



و ان شاء الله اكون افتج حبوب..

عاشقه الدوحه:
[grade="00008B FF6347 008000 4B0082"]هلا اختي

مرحبا فيج[/grade]

او بالاصح مستحي منكم سؤاااااااااااااااااااالي هووووووو:sad:


[grade="00008B FF6347 008000 4B0082"]لا تستحين ولا شي اسألي الي تبينه واحنا حاضرين لج [/grade]


شنو يعني"اضاءه"وفي شنو استخدمها ؟
والبرايمر؟

[grade="00008B FF6347 008000 4B0082"]الاضاءه نوعين منها الكريمي ومنها البودره
وهذي تعطي اضاءه واشراق للمكياج بالاضافه انها تعطي لمعه خفيه حلوه للمكياج
الكريميه : ممكن تستخدمينها قبل كريم الاساس او تقدرين تحين منها نقطه مع كريم الاساس وتخلطينهم بعدين توزعينهم على ويهج .

اما البودره : فتستخدم مثل البلاشر تقدرين تحطين منها بالفرشاه بشكل خفيف على كامل الوجه اذا حبيتي وتزيدين عند الخدود مكان البلاشر.

وهذي صوره الاضاءه البودره [/grade]




[grade="00008B FF6347 008000 4B0082"]والبرايمر : عباره عن بخاخ مرطب ويعطي اشراق للوجه ويسهل وضع كريم الاساس لانه ينعم البشره ويستخدم قبل وضع المكياج على بشره نظيفه .
وهذي صوره البرايمر [/grade]



والكحل الكريمي شالفرق بينهم وبين الحل العادي؟

[grade="00008B FF6347 008000 4B0082"]الكحل الكريمي يكون ملمسه كريمي وتحطينه بالفرشاه بانج تحددين به العين من الخارج
وهذا شكل الكحل الكريمي وفيه منه عنده الوان متنوعه[/grade]



وشنو التاتووو؟

[grade="00008B FF6347 008000 4B0082"]عباره عن مصحح حواجب او راسم للحواجب تستخدمينه لرسم الحواجب ويكون على شكل تيوب
وتستخدمينه بالفرشاه [/grade].

[grade="00008B FF6347 008000 4B0082"]وهذي صوره التاتو للحواجب [/grade]




والبس شنو؟؟

[grade="00008B FF6347 008000 4B0082"]البيس عباره عن كريم يوضع قبل كريم الاساس وله عده فوائد
يهيئ البشره للمكياج , يعطيها حيويه , يرطب , وفيه انواع ممكن انها تثبت المكياج , يعالج بعض مشاكل البشره .
وفيه منه الوان كل لون يختص بشي معين ويعالج مشكله معينه في الوجه قبل وضع المكياج مثلا البنفسجي انه يعالج بهتان البشره ويعطيها حيويه الاخضر يخفي الاحمرار .[/grade]

[grade="00008B FF6347 008000 4B0082"]هذي صوره البيس [/grade]





والفكس؟والبيجمنت؟

[grade="00008B FF6347 008000 4B0082"]الفكس عباره عن بخاخ مثبت للمكياج ومرطب في نفس الوقت .[/grade]




[grade="00008B FF6347 008000 4B0082"]البيجمت : عباره عن اي شدو بس يكون مثل البورده وفيه لمعه حلوه وواضحه .[/grade]




[grade="00008B FF6347 008000 4B0082"]اتمنى اكون افدتج

واي اسئله غيرها انا حاضره

عاشقه الدوحه [/grade]:gum:

عنود الغيد:

ما شا الله البنات ماقصروووا :clap:

وإن شا الله تكونين استفدتي أختي روعه

qshark:
ما شاء الله البنات ما قصروا

حتى انا استفدت منهم في بعض الأشياء

خخخخخخخخخخخخخخ