قصتي مع حماتي...............الله يخليكم ردو علي

انا صارلي 3 سنين متزوجه والصرااااحه زوجي ما عليه كلالالام انسان رائع بمعنى الكلمه...في بداية الخطوبه لحد ما تزوجنا وكله مشاكل من طرف امه ..كانت تحب امور الزواج تمشي بمزاجها لكن زوجي ما وافق ولا انا حتى كنت موافقه..(للعلم امه مصريه)وطبعا كلكم عارفين اختلاف الاذواق...المهم صار الزواج لكن من بعدها هي مب عايبنها اي شي انا اسويه بس هي ما تتكلم جدامي كله تمسك زوجي ..واحيانا كثيره تقول جدامي وجدام الكل انه زوجي متغير وانه مب مثل قبل ..حاولنا انا وزوجي نرضيها دايما لكن ما فيه فايده..هي قبل كانت تاخذ من ريلي 1000 درهم شهريا بس هو من عرس قطعها عنها ...راتب ريلي ما اقولكم قليل لا بس نحن قاعدين بشقه ونبي نجمع عشان نشتري بيت..اكن هي مب راضيه تفهم مفكره اني انا اللي قطعت عنها المصروف..بالرغم انها مب محتاجه كله تجمع فلوسها عشان تشتري شقه فمصر...المهم هي منجلبه على ريلي بسبة الفلوس ..ودايما مضايقه مني وتقول اني مفلسه ولدها لاني اشتري من المراكز..انزين انا ما تعودت اشتري من السوق القديم ولا سوق نايف شو اسوي يعني.؟؟!!
المهم وصلت المشاكل لدرجة انه زوجي مد ايده علي بالشارع بس عشان يرضيها...:sad: ..وعلى فكره هو تضايق واااااااايد والله انه فكر بالانتحااار لولا انه حراااام...وقالي(( انا خلاص بقطعها ما اباها اول مره اشوف ام تكره السعاده لولدها))..لكن الله العالم اني الحين احاول اني اصلحه معاها..وما ادري يا بنات هو واجب على زوجي انه يعطي لامه فلوس (مع انها ما تقبل باقل من 1000 درهم)انا قبل اقترحت عليه يعطيها 500 و500 يعطيها لخواته لانهم صدق محتاجات اكثر منها بس قالي هي ما بترضة لازم 1000 درهم لها بروحها.............ادري اني طولت عليكم حاولت اختصر قد ما اقدر..واسمحووووووووووولي