خطيبى عاوز منى ايه بالظبط !!!

السلام عليكم
بجد خلاص تعبت :sad:
مش عارفه هو عاوز ايه بالظبط؟
يعنى لو بغير عليه جامد ولو حصلت حاجة كده ولا كده ازعل منه واعملها مشكله مش نافع:sad:
ولو كبرت دماغى وطنشت علشان منكدش عليه وعلى نفسى برضو مش نافع:sad:
طيب اعمل ايه:confused:
احنا مكتوب كتابنا وبنحب بعض جدا
هو مدرس بس سنه صغير عنده 26سنه وده مخلى بعض البنات اللى فى المرحلة الثانوية اللى بياخدوا درس عنده بيقعدوا يستهبلوا فيها وانتوا عارفين طبعا البنات المراهقة وحركاتها
انا اساسا كنت باخد عنده درس وكنت بشوف كل اللى بيحصل بس انا من النوع التقيل معرفش اعمل زيهم كنت فى حالى مليش دعوه بحد
اعجب بيا وخطبنى بصعوبة لان بابا كان رافض لان بابا دكتور وزى كتير من الناس كان عاوزنى ارتبط بدكتور زيه بس انا وهو تمسكنا ببعض لانى فعلا حسيت انه انسان طيب وهيريحنى ومش مهم اى حاجة تانيه وبابا مرضيش يزعلنى والحمد لله تمت خطوبتنا وبعدها كتبنا الكتاب
كل البنات بقى قعدوا يقولوله اشمعنى خطبت فلانه بالذات وقعدوا يقولوا عليا كلام كدب كتير عشان يشوهوا صورتى عنده واللى تجيبله صورة اختها وتقولله ايه رايك؟ لما كان هيتجنن منهم بس هو زعق فيهم وقاللهم الانسانه دى دلوقتى تخصنى ومحدش يجيب سيرتها خالص واوقفهم عند حدهم
بعد كده انا بطلت اخد معاهم حصص وبقى يذاكرلى فى البيت عندنا
لكن تقولوا ايه فى البنات ان كيدهن عظيم:cry:
يرنوا عليه ويتعمدوا يغيظونى ويبعتوا رسايل عليه انا فى الاول كنت بتضايق من جوايا بس ارجع واقول كبرى دماغك دول تافهين خليكى انتى الكبيرة العاقله وهو كان بيحتقرهم ويشتم عليهم
بعد كده سافرنا مع بابا دوله عربيه اعاره وهو كمان سافر معانا يشتغل هناك
تخيلوا البنا ت ورانا ورانا:sad:
جابوا رقمه من قرايبه فى مصر ويرنوا عليه ورسايل مش محترمه كلها كلام حب وحشتنى وحبيب قلبى وكلام من ده:sad:
زعلت معاه وقاللى والله مش بعبرهم ولا برن عليهم وهما هيزهقوا لوحدهم ويبطلوا ومسح كل ارقامهم من عنده
وهما برضوا مش بيبطلوا لا بيزودوا لحد مانا تعبت وقلت لنفسى بلاش احرق فى دمى بقى كفايه طالما انا واثقه فيه وعمره مابيزعلنى ومش بيعبرهم خليهم يتفلقوا :gum:
طنشت فتره جامده
لحد ماهو لاحظ واستغرب:think:
بعد ماكان بيخبى منى رسايلهم ويمسحها علشان ماتضايقش
بقى يتعمد يوريهانى ويغلس عليا عشان اشوفها وانا مطنشة:mad2: وبضغط على اعصابى عشان معملش مشكله
وانا اجرى منه وهو يحط الموبيل قدام عنيا وانا اغمض منه وطنشت خالص(r)
لحد مامشى وهو حاسس انى مبقاش يهمنى وعمل زعلان :dd:
وكل مايجى يحكيلى عن البنات وحركاتها معاه وانا اسمع من الودن دى واطلع من الناحيه التانيه:yes:
مع انى بتضايق من جوايا بس مبقتش اظهرله كده علشان ممنوش فايده حرق دم على الفاضى:gum:
بقى يقوللى انتى مش بتغيرى ؟
اقولله اغير ليه ؟
انا دماغى اكبر من كده :cool2:
بقيت اغيظة بدل مااغيظ نفسى :dd:
بس والله ببقى متغاظة من جوايا :sad:
بس انا دلوقتى يابنات نفسى اعرف اللى انا عملته ده صح ولا غلط؟
وكمان تقولولى اتصرف ازاى مع البنات اللى مش محترمين دول؟
خصوصا انى حاسة ان الموضوع ده اثر على علاقتنا ببعض مبقتش مبسوطة زى الاول وكمان بقيت بعامل خطيبى مش زى الاول وحاسه انه زعلان من المعامله دى

ملحوظة
طلبت منه كتير يغير الخط بس قاللى ان كل الناس اللى بيتعامل معاهم عارفين رقمه وبيتصلوا عليه وصعب يغيره هيتلخبط شغله
طلبت منه يقول للبنت اللى مش محترمه متبعتش رسايل تانى ومترنش عليه مش قادر يعمل كده لانه بيعاملهم على انهم اطفال ومتعودش يحرج حد وبيقوللى يقولوا عليا ايه لما اكسف بنت كده كل الطلبه بتوعى يكرهونى وملكيش دعوه بيهم دول بيحقدوا عليكى وعاوزين ينكدوا علينا طنشيهم وانا بحبك انتى و مش شايف غيرك

احترت:no:

هوفعلا عمره مازعلنى وانا وهو زى الفل مع بعض

بس المشكله البنات دى اعمل معاهم اييييييييييييييييه؟:cry: