متنسيه في ريلي ...ساعدوني بفكره

ابي اعدل الي كتبته ""اكيد فهمتوا قصدي "" اسفه غلط في الطباعه :)

الله يساعدك أختي ترا النساه تعب ولوعه



وانشالله كلها ايام وتعدي وترجعي على طبيعتك


بس هو لازم يفهم وضعك ومبين ماشالله عليه فاهم هالشي


وأول ما النفسيه تعتدل تقدري اتسوي افكار البنات عندنا بالمنتدى



وانشالله يفيدونك يارب

اخذي له هديه بسيطه مثلا قلم ولا بوك في ميرش في اشيا حلوه

واكتبي له بطاقه انت احلى شي بحياتي وطبعي بوسه عليها وعندج في ملف الرومنسيات حركه

تاخذين منظره وتحطين عليها ورقة وتكتبين عليها تبي تشوف احلى رجل فالعالم افتح المنظره

الله يعينج ان شاء الله وبعد عشان يتفهم وضعج اكثر اخذي له كتاب عن هالأشيا

متوفره في جرير والله يهون عليج

الله يعيييينج ،،
والف مبرووك عالحمل

انا من رايي تعزمينه في مطعم حلو ... وتاخذين هدية صغيرة...

و خبريه خلال العشاء انج بعدج تحبينه ,,, وودج اتشوفيينه اسعد انسان و انه هو الكل في الكل ... بس النونو الحلو اشوي ملعوزنج و سوالف الحمل يبيلها صبر و انه هذا أول حمل ...

يعني قوليله هذه بداية الحمل جذيه بس بعد كمن شهر بتصيرين احسن و راح تقدرين تطلعين و اتقضين وياه احلى الاوقاااات ...

راح يتفهم اكيد و صدقيني ما راح يلومج ...

مشكورين على الاقتراحات بس مشكلتي متنسيه فيه مابي اشوفه وان شفته امرض اتعب زود
هو الحمدالله متفهم بس ابي ابين له انه ماني بالعماله وجي...اكيد فهمتوني

حبيبتي كلها لين الشهر الرابع وبترجعين طبيعية ان شاء الله .. وعقبها دلعيه وعوضيه هن هالايام

لا حول ولا قوة الا بالله

اصعب شي على الريال ان زوجته تتنسى عليه

بس تعرفين شتسوين يا الغالية اشتري له هدية واكتبي له رساله تبينين له فيها شقد انت تحبينه والظروف اللي تمرين فيها

هلا والله باللي يتدلعون ويتنسون

بفكرج لج بحركات معتبره وبرد لج

حبيبتي دزي له مسجاااااااااااات حلوه ورومانسيه

صدقيني بيستانس واااااااااااااااااااااااااااااايد

والله يكون في عونه وعووووووونج

وتعدي هالايام على خير

السلام عليكم
نصيحتي لج انج تشترين له كتاب عن الحمل والولاده اذا كان زوجج يحب يقرا علشان تكون عنده فكره وافيه عن مشاكل الحمل والولاده وغلفي الكتاب بشكل حلو وحطي معاه كارد في كلمات حلوه ورقيقه تبيين له مدى حبج له وبرواز صغير فيه صورتكم مع بعض و ورده حمرا .... ولازم دوووم تقولين له كلام حلو مع اني اعرف ان حتى الكلام بهالوقت صعب والاعصاب تكوون مشدوده بسبب النساة والله يلوم اللي يلومك ( انا كنت نفس حالتج والله كنت ما اشتهي اشم ريحة زوجي ) بس عن تجربه ضغطي على نفسج وخلج معاه لو بس تلفون لو كنتي بهالفتره قاعده بيت اهلج لان اهل الزوج لهم تأثير سلبي بهالفتره خصوصا بعض الكلمات للزوج من والدته وخواته اشدعوه تتدلع زوجتك او اهي ما تبيك او من هالحجي

والله يتمم عليكم ان شاءلله ويهون عليج