اخذوا العظه من قصتي ... :(

السلام عليكم ورحمه الله وبركاته

انا مشكلتي جريمه
خدامتي الله ينتقم منها من مده شكيت ان في المكتوب اللي طرشه لها زوجها شي لاني وجدت قطع نحاس على شكل ابره معكوفه من جهه واحده وطبعا شلت المكتوب والشريط والقطع وما عطيتها اياه شرت على امي قالت ان سايق خالتي اسلم ومن نفس الجنسية نوديه ونقوله يترجم الشريط علما بان خادمتي هندية من حيدراباد ومسيحيه
طبعا لما ترجمه انصدمت ان الكلام اللي بالشريط اهو اجراءات لعمل السحر بقطع النحاس والليمون وان توضعه تحت فراشي لمده 4 ايام لعمل غسيل مخ لي ولزوجي
على طول فتشت تحت فراشي بس الحمدلله ما لقيت شي ورحت نفس اليوم طلبت ادنونيسيه لان مالقيت مسترجعه وانا طالبه بالجامعه وعندي ولد عمره 10 شهور ولو تقرون قصتي بقسم الحوامل راح تعرفون معاناتي مع ولادتي وشلون ولدي عانى من اول يوم ولاده صبرت ومادري شلي خلاني ما اوديها المكتب ولما وصلت الاندونيسيه قلت لا شكلها الهديه تعدلت وابيها وام زوجي قالتلي انا ابي الاندونيسيه خلاص
المهم اليوم بدت الجريمه لما طلبت من الخادمه الهنديه اللي مافقلبها رحمه تبدل ثياب ولدي لانها توصخت عقب الغدا وانا كنت قاعده بداري مادري شلي خلاني اقوم وراها وشفت المشهد اللي ما اتمنى وحده يحصلها هالشي شفتها واهيا تبدله ترضه بالارض وتطقه على راسه مرتين وتتكلم بلغتها واهيا تزفه تخيلوا ريلي انشلت طبعا انا شفت هذا كله لان اهيا راده الباب مو مسكرته كله الف الحمدلله والشكر اني كشفتها وعلى طول اتصلت على زوجي ودشيت عليها ولا كن حاصل شي بدت تلعب وياه الممثله طبعا انا حسستها اني ما شفت شي وخذيت ولدي ويبته عندي بالدار وسمعت ريلي دش الشقه وانا كنت قاعده اكلم امه اقولها السالفه وانا ابجي ومسكينه قالتلي اخذي الاندونيسيه بس لا تقعدين هذي عندج طبعا طلعتها وديتها المكتب مابيها ولا يوم عندي عقب ما طلعت حرتي وكفختها كف على ويها والود اني اذبحها خلوا عيونكم على خدمكم لو كانوا عسل مع اليهال جدامكم ولما رجعت البيت افتش بغرفتها لقيت بلاوي بايقه اكسسواراتي وماخذه قطعه من ملابسي وملابس زوجي الداخلية حسبي الله ونعم الوكيل ديروا بالكم والله اليهال مساكين خاصه اللي بعمر ولدي اللي ما يتكلمون ويعبرون
اتمنى انها تكون عبره لــــــــــــــــــــــــــــــــــــــــــــــي ولغيري
ادعولي الله يصلح الخادمه الجديده يا رب