فديتكن بنات ممكن تساعدني ؟ بليييز( للمخطوبات )

السلام عليج أختي
أنا كنت مثلج بالضبط وكنت أحس اني انا اللي احسسه بها الملل.. ما أعرف شو أقول...
بس بعدين لا....
الحل: اعرفي هو شو يحب من المواضيع وحاولي تسألينه عن الاشياء اللي يحبها...مثل السيايير أو الكرة والمنتخب.....الخ
اقري الجرايد اليومية و حاولي تناقشين وياه أي موضوع حسيتي انه يهمج أو يهمه و خاصة من أخبار الدار "أعني أشياء خاصة بدولتنا الحبيبة" ..أو عن الحوادث اللي تستوي في الدولة او خارجها.. ترى أهم شي انه يتكلم في شي هو بارع فيه
و عاد من خلالالحوار والنقاش بيحب يتكلم وياج أكثر و بيستمتع بآرائج و أفكارج..
والله يوفقج

تسلمييييييييين يالغلا والله تكلمت ويااه عن المنتخب وشجعت وتكلمنا عن الحوادث
وكل شي


بس والله السالفه تكون رايي بعدين راييه ... وشو سمعناا وقالوا النااس

بعدين نسكت

:( :( بصيييح والله

حبيبتي فى الله كيقي بطرانة الف الف مبروك واسال الله ان يتمم لك على خير
بالنسبة لي خطيبي ام اتعرف عليه الا بعد الخطوبة قبصراحة كنت نتعرف على بعض شنو اهتمامات التاني واشياء كتيرة

حاولو حبيبتي ان تتحدتي معه فى مواضيع مشوقة اكتر حاولو تتكلمو عن حياتكم بعدين ولازم تعرفي وجهة نضره فى اشياء تهمك كالعمل واكمال الدراسة والخروج وهكذا وفي نفس الوقت تشاوروا على الفرح كيف يكون وشنو بتعملو وما تعملو
وفى نفس الوقت تكلما فى طاعة الله بحيت انكم سوف تحفضوا القران معا وتقيمو الليل
ووفقك الله لما يحبه ويرضاه
واسال الله لك التوفيق والسعادة فى الدنيا والاخرة

اذا مليتوا من اسبوعين معناته ان تقريب وقت العرس مب هو االحل

مردكم بتهننون في اول الايام وبتملون..

شوفي الغالية ..

انا مالجه من خمس شهور وباجلي 4 شهور ونص عن الزواج ..

وبالعكس عمري ماحسيت بالملل ويا ريلي كل يوم أحبه واتعلق فيه أكثر وهو بعد

والسبب هو

اني مااعتبره ريلي وبس لا
اعتبره ربيعي وريلي وحبيبي

سوالفنا ساعات عن العرس وساعات عن المستقبل اللي ممكن يواجهنا

وساعات عن الدوام والدراسة وساعات اتحول جني واحد من ربعه الشباب

تنجلب السوالف لسوالف رنات وفيديوهات وافلام واتم اسويله سيديات

تشوفين الياهل يوم تاخذيله لعبه يلعببها فتره ويعافها عقب

الريال شرات الياهل محتاج للتجديد في كل شي

جددي فلبسج فهالشي له تاثير فنفسيته
يوم البسيله بدله ويوم مخوره ويوم كوني طبيعيه ويوم حطي ميكب هادي
وغيري فشعرج يوم سشوريه وافتحيه^^دلع
ويوم لميه بطريقه حلوه
ويوم لفلفيه
جددي فسوالفتج ولاتكونين نكديه ولا هاديه وايد ولا لغايه
يعني وازني ^^
قومي اطبخيله ^^يوم بييج بيت اهلج بيستانس صدقيني
حددي يوم واحد في الاسبوع عسب تشوفينه فيه في بيت اهلج
مب برع اتحملي نصيحه مني تراج بتطيحين من عينه عقب العرس
ومب اكثر عن يوم في الاسبوع عسب يتوله عليج اكثر

يوم بيقولج بظهر ويا ربعي خليه يظهر لاتقوليله لا

خليه يتجول ويستانس هالشي له تاثير ايجابي فنفسيته

لااتمين ترمسينه 24 ساعه وتحملي تتشكين من اهلج عند ريلج والعكس لاتتشكين عند اهلج عن ريلج^^نصيحه

اخذي حسابج من الحينه لانج لو اتضاربتي في يوم من الايام
ويا ريلج ماياخذ عليج نقطه ضعف من اهلج
والعكس ويااهلج^^

من تنشين الصبح قومي وصبحي عليه ^^

نص الليل وهو راقد وعيه من الرقاد وبينيله انج متضايجه ومحتاجه تسمعين صوته ^^
بيستانس^^

لاتتغدين ولاتتعشين قبل لا تتاكدين انه كل وحسسيه بهالشي^^

يوم بتطلعين من البيت لاتظهرين بدون ماتشاورينه وحسسيه بوجوده كريال ^^

واهديه بدون اي مناسبه يعني يوم بيي البيت اخذي سويج موتره
وحطيله باقه ورد وعطر ولا دهن عود ولا اي شي في سيارته
وحطيله بطاقه وكتبيله انج تحبينه وماتسوين شي بدونه..
هالحركه اللي بتسوينها بتخليه مستانس ^^

ولاتنسين اهم نقطه لااتمين ترمسينه في كل اوقاتج
وازني
خلي وقت لاهلج ووقت له
عسب يشتاقلج اكثر

واذا محتاجه لاي مساعده انا جاهزه ^^

ماشاء الله البنات ماقصروا

وشوفي يالغالية اذا ماتعرفين شتقولين له او لما تكلمينه تنسين

حطي لج نوت قبل ماتتكلمين بالمواضيع الي بتناقشينه معاه

ولاتنسين الدلع مهم عشان يشتاق لج ريلج ويتخبل عليج بس دلع طبيعي لاتتصنعين

تكلمي عن الزواج وشلون تبين تعيشون وحطوا النقط على الحروف في جميع المواضيع (هذي نصيحة من د.فل) :) وهذا الموضوع بروحه يبيله وقت طويل تتناقشون فيه

وربي يوفقكم

#رومانسية#

اول شي مبروك الخطوبه

عزيزتي بطرانه ترى اللي تمرين فيه شي عادي
لانكم توكم تعرفون بعض ماتدري هو شنو يحب
شنو يكره
شنو الأشياء اللي تجدبه
ولا حتى شنو طبيعته

شوي شوي وكل شي يكون اوكي

انتو حاولو تتعرفوا على بعض اكثر

تقربوا من بعض اكثر


تهادوا تحابوا


بس انتي لا تكدرين خاطرش اذا مره مره مافي سوالف قولي نكته

ترى احيانا السوالف تخلص

واتمنى تطمنينا عليش

كيفي بطرانه الف مبرووك على الملجه وترا انا مثلج شوي يعني من يوم ما سافر ريلي صرنا ما نرمس واايد واكثر شي اظل ساكته ما ارمس واايد شراات اول ما ملجتنا

لكن صدج كلاااام اختي as I think وااايد عجبني واكيييد بحااااول اطبقه بس بعد ما يرجع من السفر لانه شغله واايد خذه مني

بس ودي اسئل اختي as I think يعني كم مره باليوم ترمسين ريلج 3 مرات كفايه ولا لأ ويوم اكوون معصبه منه اقاااطعه ولا اخبره انه معصبه منه ولا اسوي نفسي مب زعلانه يعني باختصار لما انزعج من شي فيه كيف اتصرف معااه ؟؟

كيفي بطرانه الف مبرووك على الملجه :shy: وترا انا مثلج شوي يعني من يوم ما سافر ريلي صرنا ما نرمس واايد واكثر شي اظل ساكته ما ارمس واايد شراات اول ما ملجتنا :sad:

لكن صدج كلاااام اختي as I think وااايد عجبني واكيييد بحااااول اطبقه بس بعد ما يرجع من السفر لانه شغله واايد خذه مني :angry: :angry:

بس ودي اسئل اختي as I think يعني كم مره باليوم ترمسين ريلج 3 مرات كفايه ولا لأ :shy: ويوم اكوون معصبه منه اقاااطعه :angry: :angry: ولا اخبره انه معصبه منه ولا اسوي نفسي مب زعلانه يعني باختصار لما انزعج من شي فيه كيف اتصرف معااه (f) (f) ؟؟

فديييييييييييتكن والله مشكورات

والله يالغلا ان امس قالي نحن بعدناااا ماا نعرف بعض زييين ..


انا ما اقدر اظهر له ... بس عيد ميلاده عقب كم يووم بشتري له هديه ..

وهمممم هوو يحاااول يكون قريب بس ماا يعرف .. ويقولي ان الدوام يااثر على اسلوووبه

استحي وايد منه من يقوولي شورايج بالشي الفلاني للعرس اقوله ع رااحتك ...

وهو مرات ماا يتصل يقووولي قعدي ويااا اهلج .. اخاااف يتضاايقون مني وايد اتصل

مدري والله كيف اتصرف .. اخااااف بعدين نصيير مثل جيه حتى بعد العرس ...

ويوم اقووله ليش متضااايق .. يقوولي اباا اعرس بسرعه .. كل ربعي يطلعون وياا حريمهم واناا قااعد ..:( :( :(

ويوم اسوالف

ما اعرف شوو اقووول حتى النكت ماا عندي يديييييد

حليله حتى مرات هو يقعد يقولي نكت .. وحكايات ... احسه هو يبااا يغير ..واناا اباا بس ماا نعرف

اترياااااااااااااااااااااااااكن

المزيونه ريمان

شوفي الغاليه وايد اكلمه انش الصبح اصبح ع صوته واوعيه ويايه وغصبن عليه ينش^^

وطول اليوم اكلمه بس على اوقات متفرقه وماافضله على اهلي ^^هاي اهم نقطه
وقت له ووقت لاهلج ووقت لراحتج وطلعاتج عسب ماتملون^^

بس كل ساعه دقيله واسمعي صوته وادلعي عليه وسكري ^^

يعني دلع^^

ويوم اتكونين معصبه صيحي وادلعي عليه وكوني بيبي

وبينيله انه مايهون عليه فنفس الوقت اتغلي ^^

يعني استغلي الزعل بس بطريقه ايجابيه

دلع وتغلي وبيي بيراضيج ^^

حبيبتي البطرانة^^

شوفي الغاليه اللي يصير من بينكم شي طبيعي لان بعدكم ماخذتوا ع بعض

يوم بتحسين ان ماعندج شي تقوليله قوليله حبيبي بسكر
وبندي التلفون وسيري اييلسي ويا اهلج ولا سوي اي شي

عسب ماتملون لان حاله الهدو في المكالمات تسبب ملل

كل ساعه دقيله دقيقتين واسمعي صوته وادلعي عليه وقوليله بس بغيت اسمع صوتك حبيبي وبندي بيستانس صدقيني ^^

ويوم بتحيدينه طالع كل شوي اتصليبه واطمني عليه ^^

واتمنى ان الله يوفقج فكل لحظه ^^ويجمعج بريلج ^^

ماا قصرتي اختيه

مشكلتي استحي اتصل ... وخص اذا اتصلت وما رد عليه اسميني صدق احط فخاطريه واستحي

اغلب الوقت اطمن عليه بالمسجااات ... اطرشله هاا وين وصلت

بس عيبتني سالفه .. اذا حسيت بهدؤ اسكر عنه

وانا مره اتصلت له الصبح في الدوام وقلت له بس بغيت اقولك صباح الخير

حسيته صدق استانس ...

والله يسمع منج الشيخه ... ويوفقنا ويااه ووويووفقج بعد

بس طلببببتج عطيني شوووي من نصااايحج

اول شي مبروك اختي و الله يهنيكم ان شاء الله ..

بقولج مب لازم انتي تسألين و اهو يجاوب
اني ابدئي و اتكلمي عن نفسج
عن مغامراتج و انتي صغيره
عن اهلج خوانج خواتج و شنو كنتوا تسوون
وين كنتوا تروحون لما صغار مثلا
ايام المدرسه و الشقاوه
اكلج المفضل لما انتي صغيره ، ، همممممم ذكرياتج
اي شي يعني

لازم حزتها بيدخل بالكلام و بيتكلم عن نفسه
شوي شوي و بتنحل المشكله
و بتملون من السوالف :)

يعني مب شرط عن المنتخب و الرياضه و هالسوالف


و هذي مشكله عابره بس اول الفتره بعدين بتعدي ان شاء الله
الله يوفقكم

الله يبااارك فييييييج

وامييييييييييين الله يسمع منج الغلا ...

واناا بطبق هاليومين فكره وبقوووولها ان شااء الله تضبط بس

ادعووووووووووووووولي

شوفي حبيبتي

اليوم سيري وخذيله ربع توله دهن عود سيوفي ترا يتخبلون عليه الشباب
وسيري محل مال الورود الطبيعيه وغلفيه الهديه وحطيها فنص الباقه
باقه صغيره ^^
ومن اييج سيري وشلي سويج موتره وحطيله الباقه في الموتر بدون مايحس
من يركب الموتر بيستانس ^^

اول فتره انا و ريلي جي كنا خص لاني أستحي وايد .. بس تميت أضغط على عمري عشان ابدى اتكلم معاه و حاولت اني ابدا افتح مواضيع لاني حسيت انه هو ما كان عارف عن شو ممكن يتكلم معايه مثل اللي يبا يتكلم و عنده اشيا يتكلم عنها بس يخاف انتي ما تحبين تتكلمين عن هالاشياء.. شي طبيعي يوم توج تتعرفين على انسان
فيبت مواضيع تخص الدراسه .. تخبرته عن كيف هو كان ايام الدراسه .. تخبرته عن اللسته السوده مالت الدراسه ههههه تعرفون عاد الشباب ما شاء الل عليهم في هالسوالف يبدعون .. عن الشردات عن سرقه اوراق الامتحانات و انا بس فتحت الموضوع و تم يسولف و يسولف علي و يخبرني .. في اشياء تضحك و ضحكنا مع بعض و في اشياء جد يعني مثل سوى شي غلط و تعلم منه .. يعني جي .. و عقب بدا هو يتخبرني عن اشياء بعد تخص الدراسه بس طبعا غير عن اللي انا تخبرت عنه ..
تخبريه شو طموحاته و كيف مفكر انه يوصل للاهداف اللي حاطنها
نكلمو عن العرس .. وين بتقضون شهر العسل .. بتسافرون و الا في البلاد و جي
انا و ريلي ما شاء الله علينا سمينا عيالنا من الحين ههههههههههههههههههههه
تخبريه عن الدوام .. و قوليله الله يعطيك العافيه سمعيه هالكلام اللي يحسسه انج مهتمه فيه..تخبريه كل و الا ما كل جي يعني..
تخبريه دوم عن اهله .. شوحالهم و صحتهم و وصيه يسلم عليهم .. بيستانس اكيد
و اذا بديتي تزدهبين ممكن تخبرينه شو خذتي مش كل الاشياء طبعا .. و عرفي الالون الي يحبها عشان تعرفين شو تشترين و في شي مرات البنات ينسونه انج يوم بتزدهبين خذيله هديه لبعد العرس و خذيله اشياء معاج مثل لما بتاخذين طقم فوط خذي طقم لج و له .. جذي
هيه صح اذا كان بيروح مكان مع الشباب .. خليه لا تمنعينه او تبينيله انج ما تحبين هالشي .. العكس هذي حياته الاجتماعيه .. انا ريلي يوم بيروح ويا الشباب لمدينه ثانيه مثلا .. ما اتصل له لا اتطمن عليه بالمسجات .. او اكلمه قبل لا يطلعون اقوله دير بالك على نفسج و ادري ما يحتاي اوصيك بس عن السرعه ( تراها تفرق وايد عن يوم تقولين عن السرعه!) و توصلون بالسلامه ان شاء الله .. حبيبي طمني عليك بمسج يوم توصلون
من ناحية الزيارات حلو انج تخلينه يشوفج و اذا تقدرين تتلبسين و تغيرين في اللبس بيكون زاايد اوكي انا عن نفسي ما اقدر لانه ابوي ما يحب .. و لا يداني حتى المكياج و لكن تغاظى عن مسأله المكياج .. و يوم ايي عندنا لازم امي تم قاعده معانا يعني لا اقدر اسولف معاه و لا شي.. و من ناحيه الهدايا بعد ما اقدر امي بتاكلني ان سويت هالحركه .. يلا ما عليه الا هيه فتره و تعدي بس انتي في الاشياء اللي تقدرين تسوينها حاولي انج ما تقصرين معاه ..
ادري هذربت عليج وايد ..بس اتمنى يكون كلامي فادج
و الله يوفقكم ان شاء الله و يسعدكم ياااااااااااااارب

از اي ثنك ..

ان شااء الله الغلا ... حلووه فكره دهن العود وهو يحبه بعد ...

بنوته اماراتيه ماا قصرتي في ذمتيه

انا عادي الهدايااا بس بدون علم ابويه ههههههه بس اخواني وامي يدرون لانه هو ولد خالتيه مب غريب

بس مصيبه اخواني كلهم معاارضين اني اطلع له يقولون يكفي يوم الملكه والعرس بعد خمس شهور

ماله داعي يشوووفج ..

وهو في خااااطره امس يقووولي اذا تبين تهديني شي لعيد ميلادي بتكون شووفتج اكبر هديه

احس حط في خااطره بس الكل معترض ..

كسر خااطريه شووو اسووووي ..

انا عزمته يتعشى وياا اخواني طبعا ما بطلع له محكومه شو اسووي بس قلت لواحد من اخواني

اييب مفتاح سيارته وبحط له دبدووب وباقه ورد .. وبشتري دهن عوود وبحط مخده في الكرسي اللي يقعد هو عليه
واشتريت علاقه سلسله في سيارته قران ... وبس

وبحط بطااقه في صورته يوم صغير ... وكلام بحطه انا له ..

وافكر عشانه ماا بطلع له احط له صورتي يوم كنت رايحه البر ..

شوو رايكن ؟

كيفي بطرانه
والله فكرت واااااااايد حلوه

اتمنى انج تنفذينا وإن شاءالله هو بيستانس عالهديه وبيزيد حبه لج اكثر واكثر

الله يوفقج إن شاءالله عطيتيني فكره حلوه يمكن اسويها حق ريلي عقب مايرد من السفر