باركولي تملكت ؟ وابي نصايحكم

السلام عليكم

شخباركم خوااااتي؟؟

انا الحمد لله عقدت قراني ( تملكت ) تقريبن من شهر في بدايه امتحانتي والحمد لله طلع الشاب دين واخلاق ومحترم وفيه كل الصفات الي كنت اتمناها في زوج المستقبل الحمد لله بس المشكله يابنات ابي نصايحكم لي شلون اتعامل معاها في فترة الخطوبة وانا عندي الاهل وايد ماثرين في الوالدة كانوا يقولون لها لاتخلينها تتكلم معه في التلفون ولايجي يزورها عشان لايمل منها بس الشاب وانا كنا نبي نكلم بعض في التلفون وفي الاخير الوالدة رضت بس لاتقولي لاتكمينه وايد المشكله الشاب يتصل اربع خمس مرات في اليوم وغير المكالميات باليل تستمر على الاقل ثلاث ساعات وانا ماقدر ما ارد عليه لانه مرة سويتها ومارديت عليه قعدت يحاتني وتضايق مني وكان راح يزعل وانا مابي مشاكل وزعل واحنا تونا خاطبين جديد وباقي عن زواجنا تقريبن سنه وكم شهر يعني فترة الخطوبة طويله لين انتهي من دراستي وينتهي هو من تجهيز البيت
المشكله يابنات انا تعبت من تدخل الناس في خطوبتي كل شي يسالون عنه ويبون يعرفون كل شي حته الوالده الحين فارين راسها والشاب يبي يجي يزورني والوالدة مو راضيه تقوله خله ينتظر لين اخوانج يخلصون امتحانات :sad: :sad:

وغير جذيه الشاب يبينا نظهر مع بعض طلعات ويكون معانا حد من اخواني وهو اخته لانه يقول راح نتملل طول السنه ونبي شي جديد نغير انه نروح نتغدا ولا نتعشا هو طلب مني اكلم الوالد والوالده مع انه انا متوقعه الرفض لانها ولا مرة صارت عندنا في العايله وهي يبغي هاي الشي وانا بعد بس المشكله مدري شلون افاتح اهلي بالموضوع ؟؟
والمشكله الاخيرة لانه ادري طولت عليكم

انا يابنات قبل المكه متعودة اطلع مع قريباتي السوق او اي مكان وفي اوقات اقول لاهلي واوقات اطلع بدون لااقولهم وهم عاديومعودين على هذا الشي اني ماقولهم بس الحين طبعن بعد الخطبه زوجي دايمن يطلب مني قبل لااروح اطلب الاذن منه وطبعن هاي الشي عادي مافيه شي بس حته لما اروح لبيت جدي اعطيه خبر قبل لااروح بس يقولي لا انا ابي تكلميني قبل لاتطلعين او تطرشين مسج انا حسيت هاي الشي ماله معني مدام اني عطيته خبر هو يقولي انتي تعطيني خبر ماتطلبي الاذن مني يعني تقولين للعلم فقط بس انا لت له انا م متعودة على هاي الشي قالي خلا انتي متزوجة الحين لازم تتعودين وحسيت انه خذ مني موقف :sad:
يابنات انا حاول اختصر الكلام قد ماقدر لانه في اشياء وايد ابي اقولها بس حبيت اعطيكم الزبدة :shy: عشان ماتمللون وانتو تقرون

وابي نصايحكم لي في تعاملي معه في فترة الخطوبة ؟؟
ناس يقولون لي لاتقولين له اي على طول لازم تقولين لا في اوقات وناس ثانين يقولون لاترفضين له طلب حته لو كان انتي مو عاجبج هاي الشي وكل هاي الكلام طبعن والنصايح جاتني من اموي وعماتي وخالاتي وصديقاتي لدرجت اني ضعت خلااااااااااص ومو عارفه شلون اتعامل معه :sad: :sad: لانه خطيبي انسان طيب بكل معنى الكلمه ومابي اخسره

انتظر ردودكم بفارغ الصبر واسمحولي اني طولت عليكم :clap: