ساعدوووووووووووني أرجوكم

u

um_mohmed

عروس مشرقة

31-01-2007 | 10:14 PM

:السلام عليكم..........
أبي أفطم ولدي وأعطيه حليب صناعي مع اني كنت ناويه أرضعه حولين كاملين والسبب اني ضعفت أكثر عن قبل ما أعرس كان وزني يوم ربيت 52والحين 42وطولي 157 وأحس اني نشفت أنا بس أرضع طبيعي ولدي ما يطيع يرضع صناعي حاولت وياه كذا مرة وكذا نوع بس مايطيع عادي عنده يشرب أي شي بالمرضعه الا الحليب عمره الحين سنة وشهرساعدوووووووووووووووني أرجوكم...cry: :cry: :cr

أ

أين حبيبي

عروس مشاركة

01-02-2007 | 03:51 AM

سلام أختي
بالنسبه لك كيف تغذيتك؟
وولدك ضعيف بعد؟
وهل حليبك كافي للطفل؟

ا

الدمشقية

مشرفة سابقة

01-02-2007 | 04:25 AM

شوفي اختي طفلك لسى صغير حرام اتحمللي واصبري انتي امه حاوللي تعوضي نفسك
من الفيتامينات والاكل الصحي والفواكه والخضار والعصائر ووالله لو تبعتي برنامج معين لترد صحتك وترجع احلى من الاول وكمان ابنك بيكون استفاد اكثر مدة ممكنة

وقلبي معك

s

smsm78

مشرفة سابقة

01-02-2007 | 05:33 AM

[COLOR="DarkOrchid"][B]بالنسبة لي ما مريت بها الشئ، لأني حملت على ولدي وهو صغير

u

um_mohmed

عروس مشرقة

01-02-2007 | 02:39 PM

مشكورين ع الرد وجزاكم الله خير ..........زسلام أختي
بالنسبه لك كيف تغذيتك؟
وولدك ضعيف بعد؟
وهل حليبك كافي للطفل؟
أرد ع أسئلةأختي أين حبيبي...... أكلي ما قمت اكل نفس قبل لأني 24 ساعة ويا ولدي .... ولدي هي نعم ضعيف ..ما ياكل يعني اذا اكلته ورى بعض ياكل أما اذا اتأخرت عليه أف وجبة يرقد وما ياكل...حليبي لا غير كافي بالمرة. يعني أنا قمت ماأرضعه بالنهار عشان يكفيه بالليل ولا يتني فترة يقوم الفجر من اليوع وماأرقده من وقت عشان ما يقوملي ......... ومشكورة وأتمنى اتفيديني...

l

lake

عروس نشيطة

04-02-2007 | 01:29 AM

حاولي اتقللين عدد الرضعات باليوم .....

جربي معاه اكثر من نوع للحليب و شوفيه شو ايحب...

بالليل و هو يوعان جربي تعطينه المرضعه ....

هاتي لعبه ..ومثلي عليه انه اللعبه ترضع و طعم الحليب وااايد حلو ...اتحايلي عليه ... قوليله اللعبه عاجبها اش رايك انت اتجرب ...

شوي شوي و اللـــــــــــــه يكون بعونج ....

الرضاعه مسويه فيني شراتج .....بس بنوتي بعدها ما كملت ال 3 أشهر ...

u

um_mohmed

عروس مشرقة

07-02-2007 | 02:57 PM

ولدي عمره سنة وشهرين واذا ماعطيته المرضعة 3 أو4 أيام ينساها طبعا أحطله عصير أو أعشاب عادي عنده بس حليب مستحيل حتى مرة مثلت اني أشرب الحليب عشان يشرب ويقوم الفجر يوعان واسير اسويله اكل اتخيلي الفجر مب حرام الله يعيني والله

u

um.jasim

عروس جديدة

07-02-2007 | 03:02 PM

زيدي عدد وجباتج بس لا تحرمينه من الفايدة....
أنا عندي العكس زدت 10 كيلو مع اني أرضع.... شكلي وايد آكل:)

ر

ريحانتي

عروس ماسية

07-02-2007 | 05:28 PM

اذا اهتميتي باكلج زين
ونوعتي بالأكل راح تستفيدي وتفيدي ولدج
وبيزيد الحليب عندج ..هذا افضل من الحليب الصناعي
بهاالعمر
خليه يكمل سنتين معاج واهتمي بالغذاء تراه احسن
لكم اثنينكم ..الج الحين ولصحتج بعدين
واله بعد للنموه تراه وايد نافع
الله يساعدج .

U

Um_Jumah

عروس نشيطة

07-02-2007 | 05:58 PM

صراحة أنا مثلج ولدي الحين 6 شهور وضعفت وشكلي برد نفس أول ..
لكن الحمدلله الحين أحاول أكثر من حليب صدري و آكل أكثر مع إني ركبت التقويم حق أسناني ووايد تعبانة....أهم شي عشان ترضعين كلي زين و شربي وووايد ماي وعصاير...الرهش يسوي حليب و الينسون بعد وايد زين فوريه ولما يبرد شربيه + الحلبة تفورينها بعد وتخلطينها ويا العسل وتشربين ....قشطة+سمج مشواي يقولون أوكيه ووايد أشياء دوري في النت وبتحصلين....

صدقيني أنا جربت هالشي وووايد أحسن الحمدلله بالذات مع الينسون والحلبة.:ok: ..

وأتمنى إنج تستفيديدن

u

um_mohmed

عروس مشرقة

10-02-2007 | 02:38 PM

مشكوريين خواتي وايد ع الرد اتصدقون كل ما اقرى ردودكم أحس ان عيني بتدمع بس زين اتشجعوني يلا الحين بسير وبشتري رهش وبحاول أشرب حلبة مع اني ما أحبها بس اشوفني متشجعه ومشكورين مرة ثانية.....