مكاتب استشاريين ..بنات العين وأبوظبي .. ساعدوني

s

sayhala

عروس مشاركة

31-01-2007 | 04:41 PM

السلام عليكم خواتي ..

انا ناوية ابني ان شاء الله .. وابا اسوي الخريطة في هالفترة .. بس المشكلة مب عارفة من وين أبدأ.. يعني شو أحسن مكاتب استشارية في العين وبوظبي ... يعني تكون عندهم أفكار حلوة في البناء سواء التصميم الداخلي او الخارجي يعني افكار حديثة وتصاميم يديدة ..وفي نفس الوقت تعاملهم يكون زين ..وما يلعوزون الواحد .. لاني الصراحة تعقدت .. رحت عند استشاري في بوظبي وعنده فرع بالعين وظليت انا وزوجي نروح ونرد عليهم شهرين وكل مرة يقول انه مسوي لنا خريطة حلوة واخر شي طلع انه ما بدا بالشغل اصلا ..

أدري انكم ما بتقصرون وياي ..

في مان الله

s

sayhala

عروس مشاركة

31-01-2007 | 09:33 PM

بنااااااااااااااات وينكم ... محد رد علي ؟؟؟

s

sayhala

عروس مشاركة

03-02-2007 | 05:57 PM

الله يسامحكم .. 19 بنية دخلت الموضوع ولا وحدة ردت ..

انزين ردوا علي طيبوااا خاااطري ..

ما طلبت شيء اناااا .. بس ما عليه ..

في مان الله

a

aboura

عروس رائعة

04-02-2007 | 04:28 PM

حبيبتي أنا ممكن أساعدك بهالموضوع ،
يعني اذا حبيبتي تصاميم أو ديكورات ، أو أي شيء أنا من أبوظبي وبنصحك نصيحة تروحي لشخص معين ، اذا حبيبتي هو موجود في فيلا في أبوظبي منطقة الروضة واسمهم عندي ومعلومات عندي ، راسليني على الخاص

أ

أم سعيد

عروس نشيطة

06-02-2007 | 11:19 AM

الغالية انا تعاملت مع مكتب البراق للاستشارات الهندسية في العين هو اللي صمم لنا البيت ومعاملتهم اوكي..بس تلزمينهم بالالتزام بالمواعيد من اولها عشان يمشون معاج اوكي وهذا حال كل المكاتب ترا...لكن تصاميمهم حلوة وحسب ميزانيتج..ما اعرف رقمهم ممكن تطلبينه من البدالة.

ا

الغاويه1

عروس جديدة

12-02-2007 | 12:19 AM

تبين نصيحه سير شركة نانسي في بوظبي راعيها يمني واضمن لج ان الفلا تتبني في 8 اشهر واحلا التصاميم الي تبينها راعي الشركه انسان هو يوقف على المشروع ما يطرش احد غيره يشرف على مشاريعه وباني لنا 3 فلل ومن بعدها ناس كثيرين تعاملومعه في نفس المنطقه مالتنا وماشاء الله عليه انسان خلوص ومجتهد في شغله

s

sayhala

عروس مشاركة

12-02-2007 | 12:32 AM

أم سعيد:
الغالية انا تعاملت مع مكتب البراق للاستشارات الهندسية في العين هو اللي صمم لنا البيت ومعاملتهم اوكي..بس تلزمينهم بالالتزام بالمواعيد من اولها عشان يمشون معاج اوكي وهذا حال كل المكاتب ترا...لكن تصاميمهم حلوة وحسب ميزانيتج..ما اعرف رقمهم ممكن تطلبينه من البدالة.

صدقتي حبيبتي ام سعيد .. هذي مشكلة مكاتب الاستشارات ما يلتزمون بالمواعيد .. هذا غير الغش في المواصفات وما خفي كان اعظم ... عشان جيه انا ابا ادور على مكتب زين ..

مشكورة اختي بتصل فيهم ان شاء الله وبشوف .. بس حبيت اسألج سمعتي عن مكتب غرناطة .. كيف تعاملهم ؟؟ وتصاميمهم؟

s

sayhala

عروس مشاركة

12-02-2007 | 12:35 AM

الغاويه1:
تبين نصيحه سير شركة نانسي في بوظبي راعيها يمني واضمن لج ان الفلا تتبني في 8 اشهر واحلا التصاميم الي تبينها راعي الشركه انسان هو يوقف على المشروع ما يطرش احد غيره يشرف على مشاريعه وباني لنا 3 فلل ومن بعدها ناس كثيرين تعاملومعه في نفس المنطقه مالتنا وماشاء الله عليه انسان خلوص ومجتهد في شغله

مشكورة اختي .. صدق صعب هالايام تحصلين استشاري زين ... بس ما شاء الله عليه .. الله يهنيكم ببيتكم ان شاء الله ... وعقبالي ان شاء الله ..

بحاول اتصل فيهم .. وناخذ عندهم موعد عشان نسير نطالع تصاميمهم ..

في مان الله