مشاكلي اللي ما بتنتهي

أهلين أختي..

أبدا مو من مسأوليتك إنك تصرفي على زوجك مو بعد بنت زوجك.. بس المفروض كنتي تتوقعي من البدايه لما خطبك زوجك.. وهو عنده بنت وراتبه قليل.. إن أكيد بيصير هذا الشيء..

فكان الشيء إللي المفروض إللي تسويه.. إنك ما تمدي إيدك وتعطيه راتبك.. تخبي لك مبلغ شهري كل شهر.. ما تعطيه تفاصيل راتبك.. والله كم نزل لك راتب..

المفروض إذا ينزل لك راتب 8000 ريال تقولي له ينزل لي 3000 ريال..

سوي لك حساب ثاني على طول أول ما ينزل الراتب تحولي للحساب الثاني.. أمني مستقبلش ترى الرجال إللي كان متزوج قبل وبعد عنده عيال من زوجته الأولى وزوجته الأولى مو متزوجه ما منه أمان أبدا..

أنا ما أخوفك بس إحتمال إنه يحن لأيامها..

هو إللي ما كان متزوج وهو ما فيه أمان.. ما حد يدري إيش الشيء إللي يدور في باله..

المشكله إن إحنا إللي نجيب المشاكل لنفسنا.. يعني نخليهم يتعودوا على شيء وتالي نرفض إن إحنا نسوي هالشيء..

فيه مثل يقول ولدش على ما تربيه وزوجش على ما تعوديه..

بالنسبه لسرير البنت.. إنتي مو من مسؤوليتش أبدا إنش تصرفي على بنته ولا من مسؤوليتش إنش تشتري لها سرير..

وحتى لو طلب منش هالشيء إرفضي.. لأن إذا ترضي راحت عليك.. خلاص راتبك بيروح حق بنته وأمها بعد..

ولما تولدي بالسلامه.. واجب عليه النفقه لولده مثل ما هو الحين يصرف على بنته..

آسفه على صراحتي معاش بس أنا أنصحش نصائح تستفيدي منها إذا نفذتيها.. وراح تخسري أكثر وأكثر إذا تماديتي في إنك تعطيه وجه..

هلا و غلا حبيبتي
أعرف انه حقي عليه يصرف بس هو مرررة راتبه ضعيف و لو ما أسوي جذيه كنا في الشارع ميتين يوع
تسلمين لي و ما قصرتي صحيح زوجك على ما تعوديه و انا اقنعته يدور له شغل ثاني
بس اللي مضايقني تغيير ابو زوجي على ما ادري شلون اتصرف

معقولة بنات كل هالعدد دخل موضوعي و ما ردت مشكووووورة الا بنت قمر؟؟؟؟؟؟؟؟؟؟؟؟؟

انا من رأيي انك تدوري شغل افضل وتعطي زوجك بس ربع الراتب هاي الافضل وبالنسبه لبنت زوجك لو كانت حالتك ميسره اكيد ما بتقصرين عليها بس في هالحاله صعب تصرفين عليها عاملي البنت معامله طيبه ودلعيها وحاولو انتي وزوجك تيجبولها سرير من اي مكان لا تخافين ان شا الله المشكله بنتحل واضن في ناس كثير تتعاطف مع بنت زوجك عشانها عايشه مع مره ابوها والناس دايما ياخذون فكره سيئه عن زوجه الاب ويشوفون الموضوع فحساسيه لا تقولي حف ابو زوجك شي لكن لو شاف انك تعاملين البنت معامله ممتازه وتدلعينها هو حيغير فكرته يمكن هو دايما يوصي ولده لانه شايف هالبنت ما عتدها حد بالذات انها عايشه معاكم ويمكن عنده انتي بتنشغلين مع عيالج ان شا الله وخايف انها تنظلم انا ما شوف انه غلط لما وصى انتي لا تهتمين فالموضوع وحاولي تحسني للبنت ولا تنسين بيكون لك اجر ان شا الله .