تواصل نومها؟؟؟؟ - منتديات عروس

ش

شيماء الامارات

عروس مبدعة

31-01-2007 | 11:02 AM

السلام عليكم ورحمة الله وبركاته

شحالكم بنات والله بغيتكم تساعدوني في هذا السالفه لانه عيوني صغرت والله صغرت من قلت النوم :sad: ................عندي بنتي عمرها 9 شهور (الله يحفظها) قولوا امين ماشاء الله عليها نشيطه وصحتها زينه بس مشكلتها ما تنام نوم متواصل في الليل ولا في النهار

في النهار اذا بترقد يمكن 5 او عشر دقايق وبتنش نادرا ما بترقد نص ساعة ويوم فالليل على الساعة 11 خلاص تكون تعبانه وفيها النوم ابدلها البامبرز وانضفها وارضعها وتنام بعد نص ساعه او ساعه تنش اهزها شوي او اربت عليها وترد ترقد........................احيانا تصيح وهي راقده وتتم تهز راسها يمين ويسار اشلها واهزها او ارضعها وبترد ترقد ............................الحين انا تعبت مب عارفه شو اسوي مع اني فالليل اسوي كل شي علشان ترقدبعد ما فيه فايدة

بنات ساعدوني تعبت خاطري انام نومه متواصله من غير ما تزعجني الكتكوته بنتي ؟؟؟؟؟؟؟

ت

تنكربل

عروس مبدعة

31-01-2007 | 12:10 PM

حاولي سبحيها في الليل وطولي في الحمام... خليها تلعب في المي الحار ربع ساعة مثلا و بعدين لبسها ونيميها

انا لما اسوي هالشي مع ولدي ينام بعد نص ساعة و تكون نومته 3 ساعات مثلا

ان شاء الله تتحسن و يتغير نومها مع الايام

س

سحايب دبي

عروس فضية

31-01-2007 | 02:02 PM

حبوه بعطيج شوية نصايح و ان شاء الله بتريحج

1- من ايي وقت نومها دخلي معاها الغرفه و خليها في هدوء لمدة ربع ساعه مثل تمسحينها و لا تهزيمنها و لا تدلكين لها جسمها بزيت
2- جهزي ملابسها و حليبها و كريماتها
3- جهزي سريها و حطيلها وساده مريحه و لحاف ثقيل لانه الطفل في هالسن يبدا يتحرك و اذا ما يحس بثقل على جسمه ما يرقد عدل
4- سبحيها على خفيف نشفي جسمها و شعرها عدل
5- فركي جسمها بشوية كريم و شعرها على خفيف
6- لبسيها لبس مريح خفيف
7- لحفيها و طيحها تشرب الحليب و انتي تكلمينها و من تخلص خذيها في حضنج و رقديها لمدة عشر دقايق
8- لا تنسين تقرين عليها القرآن و هيه تشرب علشان تهدا
9- حطيها في سريرها و سمي عليها بسم الله
10- و لحفي سريرها عن النور
11- و ان شاء الله يا رب بترقد عدل

و تعودي الغاليه عقب عشاها بنص ساعه تشربيها سنوت لانه لو في بطنها غازات مأذتنها السنوت بيريحها و بيخليها ترقد مرتاحه ان شاء الله

اي مساعده راسليني انا حاضره

لو نشت بعد فتره اكيد بتكون عطشانه عقب الحليب اسقيها شوية ماي و رقديها و ان شاء الله ما بتنش

ا

الدمشقية

مشرفة سابقة

31-01-2007 | 04:58 PM

ماشاء الله الاخوات كفو ووفو وربي يعينك

l

lake

عروس نشيطة

31-01-2007 | 05:09 PM

أنا بعد رايي من راي سحايب دبي ....

حاولي ع الساعة 8 تقريبا تعطينها ينسون عشان يبين مفعوله بعد كمن ساعة ... يهدي و ايريح ,,,و أهم شي ايرقد ...

اللــــــــــه يخليها لج انشالله..

Q

Qtr Girl

عروس ماسية

31-01-2007 | 09:51 PM

بقول لج انا شاسوي حق ولدي والله انه ينام نومة طويله اخاف اقول لكم كم ساعه ينام
وتصكوووونه بعين خخخخخخخخخخ اتغشمر

المهم اول شي سبحيها وتعبيها في السبحه
وبعدين عطيها أعشاب شاي ميلوبا ولاتخافين ماله أي اضرار لانه عباره عن زعتر ونعناع
وينسون كلها اشياء مفيده وطبيعية
ورضعيها خليها شبعانه ترا الشبعه اتنوم واذا حسيتي ان بطنها يعورها والا فيها غازات
عطيها ملعقتين صغار ماي غريب وحطيه في الحليب
هذي الوصفه عطيتها صدقتي والله ان بنتها ماتناااااااااااااااااااااام ابد متعبتها حيل والحين تبارك الرحمن صديقتي ارتاحت
واهم شي اقري عليها المعوذات 3 مرات وآية الكرسي

وانشالله بتدعين لي (f)

[line]

[glow=FF6600] نموووووووووووووري [/glow]

أ

أم نونية

عروس رائعة

31-01-2007 | 11:22 PM

يا امهات"""""""""""""""""
تره اليهال مب كلهم نفس الشي!!!
انا بنتي الاولى كله نايمة<<<<<
والثانية ما تنام ابدا وكنت اروح الدوام مواصلة؟؟؟
وطلعت عيوني ..
وقالوا لي بيتعدل نومها بعد الاربعين..؟؟؟
بس ما تعدل النوم الا بعد 3 شهور؟؟
وانا ما ابغي احبطك!!!
بس الصبر ....وحاولي انج اتخلينها بعد ما تبدلينها وترضعينها
عند حد ثقة امج...أمه ...أي حد...
وخذي قسط من الراحة ...
لاني دايما أقول الله يعين الوحدة اللي عندها بيبي
وما عنها حد يساندها.....ويريحها....

ي

ياسمينsss

عروس متألقة

01-02-2007 | 02:14 AM

حبيبتي هذي زي بنتي كل شويه تتحرك وهي نايمه يعني تتقلب وتبكي وتحرك رجلها كثير المشكله انها تكون نايمه وهي تسوي الحركات هذي والله اني تعبت معاها ماني عارفه اش اسوي......

s

smsm78

مشرفة سابقة

01-02-2007 | 05:53 AM

كلنا نفس الحاااااااااااااااااااااااااااااااال

الله يصبرنا

m

mahhaweee

عروس رائعة

01-02-2007 | 08:48 AM

الله يعينج يا اختي

حاولي ما تخلينها تنام بالنهار

أ

أم الغلاااا

عروس مشاركة

01-02-2007 | 09:18 PM

هذي نفس مشكلتي ويا ولدي الله يحميه ما يرقد رقاد متواصل
والمشكله انه ما يحب يرقد الا وياي عالسرير .. والغازات مشكلتنا الدائمه كل شوي الغازات توعيه ويصيييح صياااااااح يقطع القلب ويصارخ مب بس صياح ..

ياهل عمره 25 يوم ابتلش وياه كل يووووووم ورقادي ما يتسمى رقاد

الله يصبر كل ام

بس سالفة السبوح مفيده لاني من بديت اسبحه في الليل على الاقل يرقد ساعه ونص ومرات ساعتين متواصل

اللهم لك الحمد ... مع اني كنت اقول ما اريده يصيح وايد حرااام ... بس اكتشفت انه السبوح يصيحه ويتعبه ويرقد على طول

بس الله ياخذ الغااااااازات عنه وبيفتك فديته

الله يصبرنااااااااااااااااااااااا