هل ابلغ عنها ..ام اسكت؟؟

السلام عليكم ورحمة الله وبركاته

اخواتي العزيزات..

بغيت استشيركم بشي ..وعلى قولتهم ماخاب من استشار..

الموضوع ومافيه..

ليه صديقة من حوالي خمس سنين معي بالكلية وهي طيبة مرة وعلى نياتها..

وانا وهي مانتقابل في الكلية كثير..بسبب اختلاف الاقسام..

المشكلة ان لها صديقة من الطفولة ..وهي مفصولة من الكلية وتقول لاهلها

انها تدرس وهي كذابة..وللاسف هذي الفتاة منحرفة نسأل الله العفو

والسلامة..وبدأت تجر صديقتي لطريقها ..

بتقولون انصحي صديقتك..بقولكم تعبت والمشكلة انها تقتنع بكلامي

وتعترف بغلطها..لكن بمجرد انها تمشي مع ذيك الشيطانة تتغير ..

انا قررت ابلغ عن الفتاة المفصولة..لادارة الكلية..

لاني واثقة انها خطر على نفسها وعلى جميع البنات لانها تجرهم لطريق الرذيلة..

واليوم بغيت امسك صديقتي واحاورها بل اهاوشها هواش حاد لانها تعبتني

معها ..وكل ماقلتلها تقول تكفين لاتسيبيني واقعدي معي..؟؟

وانا مو فاضيتلها وراي محاضرات..

بعض صديقاتي قالولي خلك منها انتي نصحتيها ومافاد لاتتعبين روحك..

هي كبيرة وعقلها في راسها..لكني واثقة ان عقلها بين يدين صديقة السوء

تقلبه كيف تشاء..

وش رايكم خلاص ابلغ ادارة الكلية..وانا بصراحة عازمة بس خايفة

من شي واحد ..ان اهلها يسون فيها شي ماودي احطم اهلها

واخلق لهم مشكلة..لكني استدرك واقول اهلها يدرون بكذبها ولايعيشون

بغفلة..الين مايوقع الفاس بالراس ويدرون بمصيبة اكبر..

تحياتي