بنات ابوظبي من منكم تدرس بجامعه الحصن؟؟؟

a7laa 3roos 29-01-2007 9 رد 8,359 مشاهدة
a
مرحبا بنات
اشحالكم
عساكم ابخير؟؟
والله يا بنات انا محتاره ومالي غيركم اشكيله
انا قبل كنت ادرس بكليه التقنيه
ولظروف حملي الاول والولاده وقفت كورسين
ولما بغيت اكمل قالولي انتظري للكورس اللي بعده
وانتظرت والحين يقولون احتمال قبولي ظعيف
لان مثل ماتعرفون الاولويه للمستجدات
عاااااااد انا عصببببببببت:angry:
وقلت مابتم تحت رحمتهم
وققرت ادرس في كليه خاصه
بنات عماتي يدرسون في كليه الامارات للتكنولوجيا ومدحوها لي
بس ريلي مارظا لان شهادتهم دبلوم وقالي مايسوا عليج
شهادتهم ماتسوا:sad:
وعقب لما سال
ربعه في الدوام مدحوله جامعه الحصن
وانها مريحه واهم من هاذا كله ان شهادتهم بكالريوس
بس غاليه شوي
عالماده الوحده 2500
شو رايكم فديتكم تنصحوني بجامعه الحصن؟؟
واللي تدرس هناك ياليت اتكلمني عن الجامعه اشوي
وعن نظامهم...............
واكون شاكره لكم وممنووووونه(f)
تحياتي..
سوري ثرثرت وايد:shy:
i
مرحبا الغاليه والله انا اسفه ماقدر اساعدج
لو على كليه الامارات كان ممكن اخبرج
بس ماعندي فكره عن جامعه الحصن
يمكن الخوات الثانييات يساعدونج
a
مشكوره ورد جوري
والله يعطيج 10000000000000000000 عافيه:shy:
m
هلا اختي ... ليش ما تشوفين جامعة أبوظبي الحين فاتحين الفرع اليديد في مدينة خليفة ... والمادة تكلف تقريبا 1900 والحمد لله احسها أوووكيه ..
a
هلا اختي MISSHAPPY
مشكوره عالاقتراح
بس انا سمعت ان اسلوبهم في المعامله مب اوكييييه
واعرف بنيه هناك ماتمدحها
وانهم يستغلون البنات ويرسبونهم في الامتحانات عشان ياخذون بيزات زياده
انا هاذا اللي سمعته
بس ان شاءالله بسال بعد
مشكوره فديتج
a
للــــــــــــــــــــــــــــــــــــــرفع:shy:
ض
والله اختي اناا اقول اتوكلي وسيري جامعة الحصن اذا معترف فيها .....
وبعدين كونج معرسه لازم تفكرين اي جامعة اقرب لج للسكن والفلوس برايها لانه التعليم استثمار للمسقبل .... جامعة ابوظبي الي سمعته انهم داشين على مستوى ويركزون على الانجليزي .. وبعيده في خليفة. وعنده تأسيس بس نصيحه مني اذا معترف فيها جامعة الحصت سيري وشوفي مستوى الدراسه سهل ولا لأ لان عندج عيال اختاري السهل واتوكلي دشي جامعة الحصن ..
او اسألي في جامعة زايد انا في جامعة زايد ... صدق صعبه بس وسط بوظبي وساعاتهم موب وايد طويله .
a
تسلمين حبيبتي ظوى القلب
والله شجعتيني بس انا بيتي برع بوظبي
بس ماعليه المواصلات تتدبر
انا ان شاءالله باجر او اللي عقبه بالكثير بسير الحصن وبسالهم عن كل اللي بخاطري
كل كبيره وصغيره
والله يعدي هالسنين بسرعه واجوف شهادتي بيدي وارتاح:sad:
a
للرفع
ا
مرحباا حبيبتي

انا ع شهر 2 بسجل في جامعه الجصن ابى اكمل بكالريوس لان وايد يمدحونها,, ع فكره ترومين تاخذين المودا اللي درستيها في كليه التقنيه عسب يعادلون المواد

خبريني شو سويتي والله يوفقج
X