دلوني على ملابس اطفال حلوة ورخيصة

جربي موناليزا و ماكس يمكن حصلين طلبج

حق البيت خذيلهم من ماكس احسن.

ماأدري إذا موجود عندكم ستي ماكس
صراحة روووووووووعة وأسعاره حلوة وااااااااايد

سناء رووووووعه

سناء كله اخذ لعيالي منه الثياب اليومية والبيت :)

الغاليه حق المناسبات والاعياد والطلعات السبشل اخذ من بيبي شوب وماذر كير

ونكست والمحلات الراقيه يعني

اما للبيت ولعزايم الاهل والبهدله اخذ من ماكس روووووووووووعه ورخيص وعندهم اشياء حلوووة

وسناء وموناليزا بعد

والفوانيل والبجايم اليليه من بيبي شوب وسناء

تعبت وهم يوسخوون وماتخووز البقع >>معاناااه

يا حريم سناء صار اشيائها مو حلوه لكن انتي تبي في حدود كم

تصدقين كل المحلات صارت نفس الشي موديلات موذاك الزود واسعارهم طلعت مو مثل قبل

وفعلا تتعبي من كثر ما تشتري الملابس بالغلا وتتوسخ واليهال وبهدلتهم ملابسهم مرات ما يروح منها الوسخ وياخسارة عاد
دخلت بالسوق القديم عدة محلات يبيعون ملابس اطفال مركز التقوى اظن اسمه ومحلات ثانية كثير تبيع مال الاطفال واسعارها حلوة واصلا تقدري تجادلي وتنزلي السعر اخذ منها للبيت واللعب والزيارة وعندهم بصراحة اشياء حلوة

ملابس الاطفال الحين صارت اغلى عن ملابسنا بنفتقر لو ظلينا نشتري من هالمحلات

عن نفسي كنت ما احب اشتري غير من بيبي شوب ومذركير واخذ من ميغامول المحلات الي فيها وانوع ببعض المحلات الي ماركات

وخواتي لما يروحوا يشتروا لهم اغراض ياخذوا لبنتي بعض الملابس ودايما الاقيهم شاريين اشياء حلوة ولما اسالهم يخبروني فشفت ان بصراحه هالنوعية حلوة جدا واسعارها مناسبة وحتى خامتهم بصراحة حلوة على حسب الي منزل بيكون انتي وحظج بس كل مرة اروح اشوف اشياء حلوة فصرت عادي انوع بين مشتريات الملابس لبنتي بين الغالي والرمتوسط طبعا ما بقول وبين الرخيص لان اصلا ما صار شي معنا رخيص للاسف

بس حاولي تروحي مكان ما قلت لج وجربي وشوفي

اما سناء فعلا حسيت انهم غاليين اسعارهم اغلبيتها مقاربة لاسعار بيبي شوب

ماكس توه فاتح عندنا.. بروح اشوفه اذا على قولكم اشياءه حلوة.. لأن سناء وللاسف حده الى عمر سنتين وبعدين خلاص يوقف...

وصدقج قلووووب اصلا ما عاد فيه شيء رخيص...

اي والله صح كلامكم الحين ما في شي رخيص ولبس البيبي اغلى من لباسنا بس شنسوي حلوين ما نقدر نغمض عيونه ،،،،،

المهم لباس الطلعات بتكون من الماركات دايما بالنسبه لي ،،،،

ولباس البيت من البيجامات احاول اشتري منوع من ماركات علشان اذا نمت بيت هلي ولا شي واذا كان بيت زوجي متجمعين للليل يكون عندي بيجامه عدله البسه ولدي وللايام العاديه بيجامات عاديه وتكون قطن 100 % وقطنها من النوع الزين حتى لو كان رخيص علشان اتضل عندي فتره طويله وتفيدني مو بس رخيص وخلاص حرااااام

واموووووووت على شي اسمه ملابس اطفال هذي الولد شلون لو كانت بنت بامووووووووت ÷÷÷÷


ههههههههههههههه

انا اشوف اسعار بيبي شوب في متناول اليد ..

والخامة مالهم وايد زينة..

وتبون الصدق اشتري ايام التنزيلات البجامات ومعظم اللبسات واخذ مقاسات اكبر من عمر ولدي مستقبلا ..

لانه من تخلص التنزيلات في اماره .. صارت في امارة ثانية ..

وبعد اسعار ادمز وماكس حلوة وااايد بس ايام التنزيلات ...

جربوا تسيرون هناك

لو سمحتوا بنات وين ألاقي محلات ماكس في دبي؟؟
ومتى تبدأ التنزيلات في محلات الماركات؟؟

لووو تبين من عيمان ....

المصانـــــــــــــــــــع

محل فـــــــــــــاين فــــــــــــــير للأطفال....

ملااااااااااااااااااااااااااابس روعة و حلوة و اسعار زينة

أين حبيبي:
لو سمحتوا بنات وين ألاقي محلات ماكس في دبي؟؟
ومتى تبدأ التنزيلات في محلات الماركات؟؟

اختي ماكس

موجود في ديرة مقابل القيادة العامة لشرطة دبي .. وعدال بيبي شوب في منطقة بوهيل ..

ويايبين تشكيلة حلوة وايد


اختي انا اعرف ان في تنزيلات من الجريدة ..

سناء
ماكس
موناليزا


ملابس البيت ما تتعدى هالاماكن بصراحه

اختي بتحصلين لبس للبيت في موناليزا وسنا ومحلات السفير..
ومثل ماقالت لج الاخت مصانع عيمان عندهم اشيا حلوه ورخيصة ...وعندهم ملابس حلوه للطلعه ...
وانا اي مكان اسيره واحصل لبس اولاد وعجبني اشتريه لولدي حتى لو كبير واحطه في الكبت ...