اللهايه (المصاصه) تأثر على الطفل الرضيع؟؟؟

أ

أم الغلاااا

عروس مشاركة

28-01-2007 | 04:08 PM

السلام عليكم ورحمة الله وبركاته

خواتي انا عندي ولد عمره ثلاث اسابيع تقريبا

ومن الاسبوع الاول عودته على اللهايه او المصاصه .. لانه بهدلني كله يبا يمص كل دقيقه حتى لو شبعان لين يزوع بسم الله عليه

فعمتي ام زوجي عطته اللهايه يوم حطيته عندها .. والحين تعود عليها حتى قبل لا ينام مع اني مرضعتنه بس لازم احطها لها وهو بروحه يخليها اذا نام وتطيح من فمه

الحين ابغي اسألكن هل هاي اللهايه تضر اسنانه مستقبلا او تضر اللثه؟

لاني ااتي الصراحه

مع انه ولد اخو زوجي عودته امه عليها من اول ايامه لين عمره 3 اشهور والحين ماشاءالله عليه تركها ولثته زينه

بس بليس يوسوسلي ...

اللي عودت ولدها عليها ياليت تخبرني نتايجها

والسموحه منكن خواتي

s

smsm78

مشرفة سابقة

28-01-2007 | 04:59 PM

بالنسبة للهاية، انا ما عطيتها ولا لواحد من عيالي، مع اني ابيها لهم باوقات البكي تنفعني بس غير ذلك لا

حاولت انهم ياخذونها والله ما فيه فايدة ما اعرف ليش..بس مضرتها اكثر من نفعها، لأن الطفل يتعود عليها ويحبها واااااااااااايد وما يتركها الا بالعافية..بالنسبة لسالفة الاسنان انا ما اصدق انها تسبب شئ لشكل الاسنان، ما يخصه..هذا اعتقادي ما اعرف علميا هل هي مضرة والا لأ!!!
فانتي كل ما يكبر شوي حاولي تبعدينها عنه لأنها بالليل مو زينة اعتقد

والله هذا جوابي وسامحيني لو ما كفيته لج

ش

شيخة البيت

عروس مبدعة

28-01-2007 | 08:18 PM

حاليا عادي انا سألت الدكتوره .. يوم بيسنن حاولي اتخفيفين عنه

Q

Qtr Girl

عروس ماسية

28-01-2007 | 09:06 PM

سبحااااااااااااااان الله مثل ولدي حتى لو شبعان يبي يمص
وانا توني ماعطته المصاصه من اسبوع اول ماكملت الاربعين اذا قاعد يبي يمص مايعرف ينام الا بالمص

واختي معروووف انا المصاصه تأثر لى اللثه في المستقبل بتلاقين اسنانه برا والا معتفسه

الله يعينج ويعيني معاج

ا

القيوانيه

عروس رائعة

28-01-2007 | 10:38 PM

مرحبا الغاليه...

في اعتقادي انه مالها خص بشكل الاسنان في المستقبل ... انا في ولدي الاول عطيته لين كمل 7 شهور والحمد الله لثته زينه واسنانه بعد... والحين بنتي عمرها شهرين واعطيها اياها بعد وان شاء الله ما اتضرهم...

ج

جمـــانة

مشرفة سابقة

29-01-2007 | 02:32 AM

ما منها مضرة ان شاء الله ..

بس تحملي تطول معاه لاكثر من 6 شهور..

وما عليج من كلام اللي يقول انها تأثر على الاسنان

اكبر مثال انا.. خذيت المصاصة لعمر ال 4 سنوات !! والحمدلله اسنانس صف لولي :bigsmile:

بس للامانه ما خذيتهم لعيالي.. مع اني بنتي تحب التمصص بسالفة وبدون.. بس احاتي بعدين شلون بقطعها عنهم.. فبلاها ...

ط

طيووف

عروس رائعة

29-01-2007 | 04:32 AM

مرحبا أختي الغالية ..

أنصحج نصيحة لا تعلمين ولدج عليهااا

أنا ماقدرت أمنعها من عيالي خلاص صاروا مدمنين مصاصة

لو تعرفين كم عمارهم بتنصدمين واحد عمره خمس سنين والثاني ثلاث سنين

سويت كل الطرق بس مانفعت وياااهم وبعدين هيه فعلا تخرب

الأسنااان الحين عيالي ولا واحد اسنانه عدله كلهن طالعات على برا

وصايرة فتحة كبيرة بين أسنانه مايقدر يسكرهن على بعضن

الحين عندي ولد بيكمل شهر قلت خلاص التوبه مابعلمة عليهاااا ...

س

سحايب دبي

عروس فضية

29-01-2007 | 01:03 PM

انا اسميها ام الخير

عيال هالوقت ما يسكتون لو ما فيهم شي بيصيحون بدون سبب و اللهايه الحل الوحيد ويوم بيكبرون والله بيتركونها بروحهم

و لا تسمعين الخر افات و الله بتاثر على اسنانه و هلاخرابيط

بس لا تخلينه يمصها وهو يلعب بتدخل له الهوا في بطنه على الفاضي بس اذا يصيح و لا بيرقد عادي

انا عودت عيالي عليها و الحمد لله بنتي الحين عمرها سنتين و نص و ضروسها على قولتهم لولي :)

l

lake

عروس نشيطة

29-01-2007 | 01:48 PM

أنا مرة كنت رايحة للدكتور وبيتي قاعدة تمص في هالمصاصة ....بس شافها...

قالي حراام عليج بعدها صغيرة ع المصاصاة:( كان عمرها 2 اسبوعين و شوي...

ودكتور ثاني قالي انها ادخل غازات في بطن النونو...

ما عرفنا الزين من الشين ....

أنا اعطيها ساعات بس مب دووم .... عشان تهدى ...

بس البنات ما قصروااا طمنوني :) اللـــــــــه يحفظكم يا أحلى بنات منتدى عرووس

ع

عيون بوظبي

مشرفة سابقة

29-01-2007 | 03:31 PM

عن تجربه انا توني قطعتها عن ولدي وعمره سنة و 8 شهور ما تتخيلين كيف كان متعلق فيها ..

شوفي انا اقولج .. عطي ولدج اذا وايد يصيح وصدق صدق تعبتي بعد يأس يعني مب على الساعة والحين تعطينه ..

و انسب عمر انج تقطعينها عمر 6 شهور مهما تعبتي .. المهم انها ما تكون في غير وقت النوم .. وعموماً انا بنزل موضوع كيف قطعت اللهايه عن ولدي ..

ز

زرقاء اليمامة3

عروس نشيطة

29-01-2007 | 10:20 PM

مب زينه حق الياهل في مرة في جريدة الخليج كاتبين مقال والكاتبنه هي كانت المسؤولة عن الصحة على ما أذكر قالت المصاصة مب زينه ولها تأثيرعلى الأسنان و تأخر النطق عند الياهل والله أعلم

أ

أم الغلاااا

عروس مشاركة

30-01-2007 | 12:23 PM

مشكورات خواتي على الردود الحلوه

بس بعدني ما وصلت للاجابه الشافيه

لانه حد منكن قال زينه وما تأثر وحد قال تأثر

احترت:(

لكن انا ابغي اقطعها بعد ما يكمل شهرين ثلاثه وبحط فيها ماده مره يبيعونها في الصيدليه

وانا اصلا من احين احاول اقلل استخدامها والله يعين

ع

عيون بوظبي

مشرفة سابقة

30-01-2007 | 12:39 PM

عزيزتي ام الغلا

فديتج ما لها تأثير ان شالله يعني من ناحية الصحة وغيره مالها اثر ..

غير ان بس الياهل يتعود عليها وايد وبعض الاحيان الاسنان يخترب شكلها بس ولدي الحمدلله اسنانة زينه ما فيها شي

وبتلقين موضوع لي كيف تخلصت من اللهاية بس لا تخافين على ولدج ما عليه شر ان شالله

u

um_mohmed

عروس مشرقة

03-02-2007 | 09:37 AM

هلا والله...... بالنسبة لي ما عودت ولدي عليها بسبب نفس الكلام .... لكن حميتيه اتقول ان أعيالها الي ما عطتهم المصاصة أسنانهم اختربت والي عطتهم أسنانهم صاحيين هذا والله أعلم... بس لا اتعودين ولدج عليها أحسن.

b

bj3a

عروس ماسية

03-02-2007 | 04:40 PM

هلا الغلا

المصاصه صدق تخرب الاسنان للي بدوا يسننون مب قبل ..

وتدخل الغازات للاطفال من الولاده

بس مالنا غنا عنها

انا حمود عطيته اليما كمل 4 شهور وعقب روحه لاعت جبده منها يوم يحطها في حلجه (الحمدلله اسنانه حلوه )

اما مريوم الين الحين تاخذها وهذا الي مصبرنا ومسكتها

بس افكر شوي شوي اقطعها قبل لا تكمل 5 شهور