أشياء شريتها من السوق على مدح البنات عنها بالمنتدي وتحسفتي ؟؟؟

السلام عليكم
انا اللي شريته وماعجبني الموس اللي من maybelline طلع مايناسب بشرتي لانها جافه ويطلع التشققات اللي في ويهي وتغطيته كلش خفيفه
وبعد الديرماكول حسيته مو ذاك الزود وطلع لي حبوب بس بعد يمكن مو منه يمكن من الاساس اللي خلطته وياه والله أعلم
أما بعض الاشيا اجربها في المحل وما آخذها وبعضها اوكي ماشيه معاي تمام
والسموحه

انا شريت 4 حبات من درامكول من الكويت والسبب مديح البنات له بس بصراحه طاح ابجبدي ايلوع الجبد في الأستعمال ويقطع طبعا انا جربته بكل الطرق المذكورة بالنت بس فشلت

الحمدلله مافي شي شريته وحسيته انه مو شيء
الله موفقني في كل شيء شريته
والله يستر كان ماانظل نفسي خخخخخخخخخ

لي رجعه لو ار لي موقف

السلام عليكم
الحمدلله
كل شي خذته عيبني
لاني اجرب الشي و عقب اخذه
حتى لو البنات مدحوه
مثال مسكارا ديور انليمتد
ما حبيتها بالمره بالغم انها نالت على جائزه افضل ماسكارا 2006!!!
الصراحه ماسكارا ysl
اروع
هههههههههه دشيت في الفة ثانيه

انا خذيت الدرمكول بس ندمت واااااااااااااااايد ثقيل ...

السلام عليكم ورحمة الله وبركاته

موضوع حلووو،،

في بدايتي في المنتدى(a) كنت اخذ اشياء على مدح البنات

وتتطلع مب على قد المدح مع اني كنت اجربها بس مب دايماً التجربة الاولى تعطي

انطباع صح عن المنتج،، :no:

من الأشياء اللي شريتها وماعجبتني ومافكر اخذها مره ثانية :handdown:

-الدريمكول ماعجبني حتى لما دمجته مع اساس ثاني
-ماسكرا ديور شو ماطير بسهوله وطيح الرموش
-منتجات العناية بالبشره من جيرلان سببتي مثل حروق في ويهي
وحبوب لانه بشرتي حساسه ومنتجاتهم فيها نسبة من العطور
-العطور الحمد الله اجربها قبل وماذكر اني توهقت بشي
-كحل ريفلون لين استخدمه يحرق عيني

بس طبعاُ في وايد اشياء شريتها والحين ماستغنى عنها :clap:
مثل مزيل المكياج من لوريال وماسكرا بنفت وكحل بي ناي وغيرهاااا


في الاخير مب شرط اللي يناسبني يناسب غيري لو لا اختلاف الاذواق لبارت السلع:bigsmile:

عزيزتي ( أنا الشوق )

شكرا على الرد يالغالية وانا بعد ماناسبني " الموس اللي من maybelline " مع اني بشرتي مختلطة
بس من جربتة كان احد محفص على ويهي طالع كانة مغبر .

" والديرماكول " نفس الشي ماناسبني كلش الا طلع العيوب ازيادة .


عزيزتي ( حبيبة بوالعيال )

شكرا على الرد يالغالية وبالنسبة لـ " اليرماكول " اشوة اني ماخذت منة وايد بس من شفتة استانست وشريتة بدون تردد وللاسف ماناسبني وجربت طرق وايدة رطبت بشرتي قبل الاستخدام مانفع خلطتة مع كريم اساس مانفع وبالاخير قطيتة.

عزيزتي ( محد مثلها )

شكرا على الرد وانشاء الله ماتنظلين نفسج والحمدالله انج توفقتي بمشترياتج .

عزيزتي ( M!$$_BLinG )

وعليكم السلام ورحمه الله وبركاتة ، شكرا على الرد وبالنسبة انج تجربينهم انا في اشياء ماقدر اجربها مثل الاساس ماينفع احطة على ويهي بمكان عام واذا بحطة على يدي واجربة على ويهي مايناسبني احيانا ولا احب اجرب مثلاً الماسكرا لاني اخاف خبرج كذا وحدة مجربتها قبلي علشان جذية اضطر اخذها بدون ماجربها .

عزيزتي (@جنات@ )

شكرا على الرد والغريب ان وايد بنات يمدحونة بشكل خيالي يمكن اللي عندنا تجاري مو اصلي؟

عزيزتي (كوكو شانيل )

شكرا على الرد يالغالية . نفس المشكلة" الديرماكول" وفعلاً مو شرط ان اللي مايعجبني مايعجب غيري يعني انا شريت "ماسكرا بينفت" ماحسيت اني احط ماسكرا وايد طبيعية حسيتها وانا احب اطول واثقل رموشي .

امممم احااااول افكر في شئ خذته واتندمت عليه اممممم
يعني انا اجرب قبل لا اخذ الشئ... وهذا شئ ضروووري بالنسبه لي

ومعظم الاشيااء اللي البنات مدحوها وسرت خذتها الحمدالله وااايد عيبتني
مثل روج girl about town لونه فوشي وااايد احبه
ومناكير بورجوا.. بعد خذتها على مدح البناات.. ومن احلى المناكير اللي عندي
مسك روز ما كنت ادري شو هو.. خذته من كثر ما مدحه بنت عذاري.. ريحته وااايد حلوه

اممم ما في شئ.... بس يمكن لاني اجرب في المحل
يعني مثل اشوف كل حد يمدح مسكرة ديور
وهي صح حلوه... بس مثل مس بلينج ysl احلى
يمكن ديور فرشاتها حلوه
وفي روج بنات مدحوه... بس يوم جربته ما اقتنعت فيه
يمكن ما يناسب اي حد

وبعد قلم بورجوا خذته على مدح مجد... ووحلو الصراحه..


يمكن الشئ الوحححييييد... منظفات كلينك. ال3 خطوات.. يعني حسيته اوك بس ما تستاهل كل المدح
يعني حليوه بس مب واايد...


وبس هاللي قدرت اذكره

الدرماكول ... المدح كان مب طبيعي ابد.. خذته و صج توهقت فيه!
الموس فاونديشن من maybelline .. طلع ويهي كأنه مغبر و تعبان!
ماسكرا l'oreal lash archetict خذيتها لأني ما اجرب ماسكرا في المحلات ابد.. و تورطت فيها هههههه

ماذكر الأشياء الثانيه بس اذا تذكرت برجع لكم ^_^

شوفو عندي نصيحه للبنات اللي ماعجبهم موس مبلين

استخدموه للجسم والسيقانواليدين في السهرات مثلا جدا رائع انا صرت استخدمه على جسمي

طلوله:
شوفو عندي نصيحه للبنات اللي ماعجبهم موس مبلين

استخدموه للجسم والسيقانواليدين في السهرات مثلا جدا رائع انا صرت استخدمه على جسمي

والله فكره حلوه طلولة
يبيلي اجربها
يسلمووووووو

maha mohd:
عزيزتي ( أنا الشوق )

شكرا على الرد يالغالية وانا بعد ماناسبني " الموس اللي من maybelline " مع اني بشرتي مختلطة
بس من جربتة كان احد محفص على ويهي طالع كانة مغبر .

.

:dd::dd::dd:
ضحكتيني على اللي محفص في ويهج
انا بعد مختلطه بس اقرب للجفاف
يمكن يبيله نحط أساس قبله وبعدين هو فوق لأن انا جربت أستعمله كأساس ومانفع :think:

موضوع حلو بصراحة :)

يعطيك العافية

أنا جربت كحل ريفلون على كثر ما يمدحونه البنات ماااااااااااعجبني أبداً يسيح وما يثبت بالعين

وكذلك أساس لايت من برجواز ما ناسبني

هذا اللي أتذكر

غير خلطات الجسم اللي بدون نتيجة :)

موضوع حلو و مميز .. تسلم اناملج عليه اختي

و بالنسبه لي.. مممم بصراحه ما في شي مدحوه البنات و رحت

اشتريه على طول.. بس اذا كنت محتاجتنه بجد اسير اجربه و عقب

اتشاور اخذه والا و ارد في يوم ثاني اشتريه عسب ما اتحسف

و اطيح الاغراض في جبدي.. و من ناحيتي احب اجرب بنفسي و

اكتشف شو يناسبني يعني مب دوم اسير على كلام الغير..

و ربي يعطيج العافيه حبيبتي على الاضافه الحلوه بالقسم ^_^

انا اللي اشتريته ايشدو من جيرلان الصراحه الوانه باهته و مب من ذوقنا يعني حق الشاميات

نحن ما يصلح النا و حرام مقطوط داخل الكبت لا من شاف و لا من درى

و اشتريت علبتين بعد خساره و الله

بغيت بس أنبه البنات حبايبي..

ترى البنات من طيبهم ما يقصرون و يخبرونا عن تجاربهم من مكياج و عطور ..

بس طبيعة كل بشرة تختلف و لونها و حتى العطور اللي عجب غيرج مو شزط يعجبح .. يعتمد على شخصية كل وحدة..

بس ممكن نتلافى هالشي بأن كلما وحدة تمدح منتج تذكر نوع ولون بشرتها و العطور تذكر طبيعة الريحة زهور فواكه شرقية توابل....

عذريني على تطفلي

انا من النوع اللي ما اخذ شي على السمع بس ..اروح اشوف على الطبيعة
مثل الشادو اروح اجرب على يدي لو عجبني اللون آخذه .. ومو اي لون يعجبني آخذه بعد لان احيانا يكون عندي مثله
اللي اخذته بعد مدح وسمعة وطلع ولا شي كان اساس كريولان
فااااااااااااااااااااااشل يمكن زين للي في بشرتها عيوب انا حسيت كأني لابسة قناع رغم ان اللون زين بس ثقيل احس بشرتي ما تتنفس
والحين مرمي ما استخدمه
واذكر بعض انواع ال eye liner ما عجبتني والبنات كانوا يمدحوها حيل

اما عطور ماعمري رحت شريت عطر لان وحدة مدحته حتى لو كانت اختي واذواقنا قريبة من بعض لازم اجرب اول .. ولو عجبني بعدين يحلها الف حلال

مشكورة اختي مها على الموضوع لو ذكرت شي او شفت شنطة مكياجي اليوم برجع اشارك

الموضوع حلو

بصراحه انا كل ماشوف البنت يمدحون شي في المنتدى وخاصه المكياج اسير اخذه والحمدلله معظم مشترياتي ناسبتني

لكن اللي ماستفدت منه ابدا هو باليتة كونسيلر ميك اب فور افر احسه وايد ثقيل
وبعد شمع الحواجب من سماش بوكس يمكن لاني ماعرف استخدمه بس ابدا مانفعني

بس الحمدلله باقي الاغراض نفعتني وحلوه

مرحبا ^ __ ^


موضوع حلو الصراحة

سبحان الله الأذواق تختلف أنا بعد شريت عطر ديور مد نايت تشارم بس عجبني


والشي اللي سمعت عنه في المنتدى وشريته وماعجبني هو مسك روز من أجمل

كلش ماعجبني حسيت في نسبة كحول عالية ومافيه ريحة مسك

وفي أشياء وايد سمعت عنها في المنتدى وشريتها وعجبتني