الطفل والسفر

عادي حبيبتي سافري وانت مطمنة باذن الله اكــــــــيد

[blink]شوفي دامج انتي وريلج وولدج..اول شئ تفكرين فيه هو:[/blink]
كرسي السيارة بيريحج 100% وآآآآآآآآآمن بنفس الوقت، بيغنيج هالكرسي عن ضيقج من ولدج اذا قعد يبكي ..هزة السيارة يتخليه ينام او يركز في الجو اللي برى من خلال نافذة السيارة



بعدين دام ولدج 7 شهور يعني ما شاء الله ولدج بدأ ياكل واكيد ما بتخليه يجوع، شيلي الحليب معاج بكيمة اكبر من العادية يعني الحليب يكون كثير ولا قليل اذا قليل ما بتحصلين مكان توقفين تشترين!!!



الماي بامكانج توقفين باي محطة تاذخينه
الماي الساخن طبعا تشيلين بويلر اقصد سخان الماي المنزلي السريع ، علشان هذا شئ ضرووري جداااااا، بالفندق او بالشقة بتحتاجين للماي الساخن لولدج
اشتري بسكويت الاطفال منوع يبيعونه بالسوبرماركت ، علشان لما يقعد يبكي ، تخلينه ينشغل عنج بيقعد ياكل او يلعب فيه ، لأنه بها السن ينجذب لأي شئ حتى ولو كان مو اكل..البسكويت المفضل لولدي هو راسكس للأطفال من سيريلاك

وشيلي معاج سيريلاك، انتي ما راح تطبخين لولدج شئ باالسيارة، فالبسكويت والسيريلاك غذاء مفيد للطفل وسريع وما يحتاج نار علشان يستوي



خذي لج اكثر من لحاف للسيارة ووسادة خاصة للأطفال ولج بعد عبشان ترتاحين بالسيارة..
[blink]
بقولج عن لعبة حلــــــــــوة انا اشتريتها لولدي من زمااااااااان ونفعتني بالسفر بالسيارة وخلت ولدي يطالعها وينام
خذي له لعبة من التعليم المبكر او من بيبي شوب او مذر كير، لعبة عبارة عن اضاءة بلعبة ، فيها اشكال وتدور تخلي الطفل يطالعها ويركز فيها مع موسيقى الاطفال الهادئة تخليه يناااااااااااااام وترتاحييييييييين
والله هاللعبة عن تجربة [/blink]


انصحج لا تاخذين ثياب وايد يعني بكثرة ..شيلي معاج صابون للغسيل ، لأن طفلج بها السن يوسخ ثيابه بالاكل بطريقة فظيعة انا ولدي 7 شهور واعاني ومتخبلة منه..اشتري له الوقي اللي ينحط على الريقبة عن تتوسخ الثياب، واخليه ياكل على كيفه بس يخلص اشيلها من ارقبته

اذا تذكرت شئ برجع اكتب لج لأني انا ناوية اسافر باذن الله وموضوعج خلاني افكر بالاشياء هذي

الاخت روعة دبي كفت ووفت

فعلا اختي اهم شي الحفاضات يكون معك فائض والحليب وممكن تاخديله مرطبانات الاكل الجاهز حق وجبة وحدة يعني على طول توكليه وترميها حتى ما تسببلك ازدحام والمرضاعة ولعبة صغيرة على عمره وبطانية واهم شي البربتوز والبيجايم وخلليها تكون ثقيلة لان هالايام عم بيصير برد في مكة

والله يتقبل سلف

أفكااااااااار رهيبة

شكرا ثـــــــــــــــــــم شكرا ثم شكرا


والله لا يحرمنا منكم

الفردوس