ارجوووووووووكم ابي حل راسي دااااااااااار....؟؟

اختي عروس uae انا عنيت من نفس المشكله بس دركتها بسرعه,, يعني ماخليته يتعود على هذا الشي ,, كنت اسويله مره في اليوم اذا شفته ماسواها. المهم انتي لا تسوين اي شي له خليه اهو بيعملها بروحه,, لا تشغلي بالك حتى لو ماسواها ليوم خليه.. وانصحج انج ماتعطينه اي عصير حتى لو عصير البرتقال, الولد بعده صغير.. وتركي عنج هالسوالف عقبها بتندمين. وسوي زي ماقلتلج وربنا معاج

أنا ما ادري كيف استخدمتي الفازلين و عيدان الاذون ....

بس نصيحتي لو تقدرين رضعيه طبيعي ع الأقل لخح ما ايكمل 4 اشهر ....

وعشان بطنه .... عطيه ينسون ...واااااايد اوكيه .... يطلع الغازات و يهديه و يخليه ينام وهو مرتاح...

لو شاكه بأي شي وديه للدكتور ...كاستشارة و عشان تطمنين ع البيبي الحلو ...
الله يحفظه لج و يخليه

ذكـــــــرتيني بنفسي:
اول 4 شهور كانت عذاااااااااااب بالنسبة لي، يعني الوحدة توها والده تتخبل من ولدها اول شهوره

اكيد المغص والامساك والترجيع اول الاشهر يكون بكثرة!!!! ولازم تتعود الام علشان تتأقلم مع هالوضع

انا عن نفسي كنت لما احسه يصيح وبطنه منتفخه، افركه بفازلين او يزت الاطفال من بيبي جونسون او زيت زيتون..

اقد افرك بحركات تريحه واحسه يرتاح، يقعد يطلع الهوا اللي في بطنه واحيانا يسويه بالبامبرز واحيانا لا

انا جربت طريقة مرت اخوي وهي اني احط او ابشر صابونة لايف بوي وادخلها بالمكان وعلى طول بيتبرز(الله يكرمك) ت
[blink]تصدقون والله العظيم اول مرة سويتها على طول ارتاااااااااااااااااح مرررررررررررررة وناااااااااااااام[/blink]
بس مرة وحدة سويتها له وما كررتها..

بس تصير اختي عاد كانت تسوي حركة عود ثقب الاذن مع الفازلين وتتجح معاها،، بس انا انصحج ابتعدي عن هالسوالف نهائياااااااا وعليج بالمساج بسسسسسسس

الله يصبرج لين ما يكبر شوي

اختي لاتدخلين مواد كيميائيه فجسمه

اللي اعرفه وقالته الدكتوره اذا الطفل فيه امساك جيبي قطنه وحطي فيها زيت زيتون ومسحي فتحة الشرج وبيطلع كل شي

بس بما انه مافيه اسهال فهو مب محتاج لهالاشيا

الافضل نج تعطينه رضعاته كامله وبين كل رضعه ورضعه تسوين له بابونج او ماي مع سكر نبات

وحركي يجوله يعني رفعيهم على فوق ونزليهم ووديهم لورا ( يعني ركبه تكون على صدره وقدمه قدام ) ورجعيهم هالحركات تخلي الغازات والفضلات تطلع بسهوله

مشكوراااااات حبيباتي ماقصرتن

واللي عندهاا معلومات ثانيه تقدر تساعدني بلييييييييز
لاتبخلون علي

اب اب اب

مرحبا اختي والله الي اعرف اني اليهال اذا عنده امساك عطيته ماي وسكر وانشاء الله يكون بخير
وطمنينا عن ولدج

هلا اختي .......
خافي ربج تحطين فازلين وقطن الاذن ... كيف قلوبكم تطاوعكم اتسوون جيه ؟؟؟
عل العموم اختي ..... خلي كل شي طبيعي .... تبين 24 ساعه البيبي يسويها !!!! عل الاقل في اليوم 1 او مرتين ... بس انتي خليه طبيعي .. وحاولي لو اشوي ترضعينه من صدرج لانه سبحان الله هو بيشبع وبتحسين انه الامور بتكون احسن عن قبل وانا بالنسبة لي كنت استخدم اس 26 بس عادي كان وفي نفس الوقت كنت ارضعه .... اموره مشت تمام ... وهي مساله تعود ... يمكن الحليب مب لايق عليه .... بس الافضل انج تسالين بعد بس هو طبيعي اذا يوم او يومين ما سواها ... هذا اللي اعرفه .... اممممممم ع فكرة حتى اذكر عمتي كانت تقول لي لا تمين تقولين انه الولد ما يسويها لانه في نصهم مو شرط عندهم تطلع اتسير في اجسامهم وعقب فترة اتشوفينهم مربربين .... وهم طبعا ادرى ... ما شاء الله كبار في السن ودارسين الحياه عدل ..... عدهم اكثر من 6 يعني هم مدرسة .....
بس لا تعطينه برتفال ... تو الناس والله يكون في العون اختي


رووووووووووز

هلا اختي دانه الغاليه هو مافيه امساااك بس الضاهر تعود على هالطريقه الله يساعدني يارب
مشكوره الغاليه على مشاركتج...
اختي روز انا والله غصب عني اسويله هل الحركه لانه يصيح ويتم يبكي اللين اسويله هل الحركه وبعدين على طول يعملهااا وبنسبه للامساك هو مافيه امساك بلعكس برازه الله يعزج ليين مس هو مشكلته انه تعود وابي حل بلييييييييييييز الله يساعدكن ساعدوني
والله انا قلبي يعورني لما اسويله بس شو اسوي حكم القوي على الضعيف

بلييز ابي حلول وابي اللي صارتلهاا هل المشكله كم مده استمرت وكيف حلتهااا بليييز وكيف طفلهاا يعملهاا الحين ............

أنا ولدي كان عنده نفس المشكله وكنت استخدمله نفس الحليب اس 26

ووديته للدكتور وغير له الحليب ل

نوفالاك علاج للامساك فورمولا 1

بلا فازلين بلا صابون

بقولج عدة نصايح بس قبل كل شي خذي عهد على نفسج تنسين طريقة الفازلين وعود الاذن


1- شربي الطفل ماي دافي و سكر نبات مرتين باليوم
2- خذي زيت زيتون دافي و سوي مساج على بكن الطفل من الاعلى للأسفل لانه زيت الزيتون معروف انه علاج داخلي للامراض الداخليه يعني انتي بتمسحين بطنه من برع صحيح بس بتعالجين الامساك من داخل
3- في عشبه معروفه في محل الاعشاب اسمها خيار شمبر ... سودا روحي اشتريها وسويها شاي للطفل مره او مرتين في اليوم الايراني بيقولج الطريقه والله وايد ممتازه تريح الطفل من الامساك و تعدل له طبيعة بطنه و يصير منتظم و ما يحتاجها بعد فتره و بيصير يسويها بروحه
4- لو لاحزتي مع نهاية اليوم انه طفلج ما سواها .. ريحيه من البامبرز و حطي كف ايدج على بطن ريوله و كانج تسوين له رياضه وتساعدينه يضغط على ايدج علشان اذا يكون في شي يحاول بنفسه يطلعه


اقولج هالنصايح عن خبره و لله الحمد عندي بنت و ولد و الحمد لله مرتاحين و ما قصد الحمد لله الحمد لله عانوا من امساك ولا جربت لهم هالطرق اللي تخوف

و على فكره يمكن امساكه يكون من الحليب لانه 26 معروف انه وااااااايد ثقيل
راجعي الدكتور و قوليله الاعراض و خبريه عن الحليب و شوفي يمكن اول شي يقولج اياه غيري الحليب

انا هلكت ويا بنتي من الاكزيما و لما راجعت قال لي بنتج اكزيمتها خفيفه بس اللي يهيجها الحليب و من غيرته الحمد لله مليون مره ارتاحت و بقى بس الجفاف على خفيف

طيب حرام توه عمره شهرين

ليش ما ترضعيه طبيعي؟؟

الحليب الطبيعي علاج حق كل شي

انا انصحك بالرضاعه الطبيعيه

والله يسهل عليك ويتعود يسويها بدون

ما تساعدينه

مشكورات على المرور
بنسبه لرضاعه الطبيعيه انا خلاص نشف حليبي الموضوع انتهاا من زمان
نصيب ربي الله يعيني

المشكله هو مافيه امساك بس تعود على الفازلين والعود الله يسامحني
بليييز طمنوني اذا وحده صارلهاا نفسي وافتكت
خبروني بطريقه اللي ساعدتكم على ترك هذي الطريقه وكم عمارهم بدا يسويها طبيعي؟؟؟
بلييييييز والله محتاجه مساعده

اختي انتي وين عايشة؟؟؟

معقول ما فكرتي تروحي على طبيب اطفال؟؟؟؟

حرام عليج ولدج


انا اسفة وما اقصد الاساءة ابدا بس انصحك بعدم استخدام الوصفال الشعبية و عالجي المشكلة من الاساس

أختي وقفي حركه عيدان الاذن والفازلين


صدقيني أذا ماسواها اليوم بيسويها بكره


بس عليك بالماي الدافئ مع السكر نبات مع الحلوه (الينسون)

lolyta:
اختي انتي وين عايشة؟؟؟

معقول ما فكرتي تروحي على طبيب اطفال؟؟؟؟

حرام عليج ولدج


انا اسفة وما اقصد الاساءة ابدا بس انصحك بعدم استخدام الوصفال الشعبية و عالجي المشكلة من الاساس

هههههههه حلوه وين عايشه بنعديهاا هالمره ...
بنسبه للدكتور رحتله منوه علمني هالحركه الا الدكتور فقدته من دكتور...

ثانكس على المرور
الله يعيني