اللي عنده حل لبنوتتي يتفضل وبدعيله بالغيب

صراحة الله يعينج الظاهر إنها دلوعة ماما وبابا

عزيزتي هذا السن الطفل يعرف فيه الصح من الخطأ وبتلاقينها يوم تسوي شيء بتطالعج علشان تشوف ردت فعلج ، فإذا لاقتج ما هتميتي أو ما انفعلتي وعصبتي بتشوف إن هذا الأمر مسموح وبتسويه كل مرة .

والظاهر إنه بنتج وايد صعبه ولازم تكون معاملتج إنت وأبوها لها وسط لا دلع زايد ولا شدة ، ولازم يوم تلاقيها تشد شعرج ولأ عبايتج تعاقبنها لو تضربنها على يدها ، بس لازم تعرف إنه عيب وممنوع .

ولا تخلينها دايما بينكم ، دخلي معها حد في سنها أو أكبر منها شوي يلعب معاها .


أما بالنسبة لنومها فهذا شيء عادي معظم الأطفال جيه .


والله يخليها ويبارك فيها يا رب

الله يجزاك خير ويعطيك العافيه وباقي الدعوات ماراح تشوفينها بيني وبين نفسي بالغيب

اكيد هي دلوعتنا وماعندنا غيرها اختي انا صراحه ارتحت كثير يوم قلتي اغلب الأطفال كذا

ان شاء الله ما نفرط في دلعها بس ابي طرق اتبعها تريحني وتريحها او تدلوني على مواقع تنصح تربية هالنوع من الأطفال

السلام عليكم..


سويت سيرش و حصلت لج كمن لنك..بس..لازم تقرين المواضيع لين الاخر..لأني قريتها و ارتحت و ان شاء الله انتي بعد ترتاحين يوم تقرينها..

http://go.3roos.com/CgtfHYCGYIK






و هذا الاخير ..موقع مهد جدا..


و بس و ان شاء تستفيدين اختي عبير..

بعدلهن لج لحظه..















و بس و ان شاء تستفيدين اختي عبير..

خلاص اختي..انتي اضغطي على المربع اللي فيه ×..و بتظهر لج الصفحه اللي فيها الموضوع..

2_بنتي عصبيه مررره كيف اخليها هادئه وتريح نفسها لأنها مره عصبيه اذا تبي شي تجلس تصيح وتضربني وتشد شعرها من كثره عاد وتضرب براسها في اي شي حولها لدرجة انها تضرر مره واحيان تنتفخ جبتها من هالحماس فلقت نفسها مسيكينه

عادي حبيبتي ما جبتي شئ جديد ولا تخافين على بنتج________>حركات كل طفل بها الطريقة
بنتج شكلها تحب اللعب والسوالف وخاصة مع كل الناس ،بها الحالة لا ترفضين لها اي طلب وان رفضتي تعالي لها بالتي هي احسن مش بعنف ابدا لأنه ما بينفعج وبيضر حبيبتي، جربت هالشئ مع ولدي واللهم صلي على محمد سمع كلامي ومرتاحة منه بعد عناء


3_بنتي صراحه اجتماعيه مررره وأذا شافت اي احد غريب ترمي نفسها عليه تحب الناس بس اهم شي لا تزعل عاااد تفضحبي عند الناس وتسحب عبايتي وتفشلني وش اسوي معها

شئ جميـــــــــــل جدا انها اجتماعية ، لا تفضحج ولا شئ بالعكس افتخري ان بنتج من هالنوعية، انا كنت اعاني من ولدي بين رب العالمين هداه


4_اذا تبي تنام وهي ترضع رضاعتها تجلس تسحب شعرها وتسحب فيه الين تنام وتخمد وإذا اجيت اسوي لها مساج لراسها عشان تحس بالحنان تبعد يدي وتضربها هذي اعتبرها مشكله وش اسوي يابنات معها


حرام عليج تقولين تخمد____>ما اسمح لج هذي صغيرة وبنتج اللي تحبينها اكيد وانا عارفة انها ما تهون عليج مهما قلتي، تصرفها عادي خليها على راحتها والله مع الوقت بتتغير وهذي مب مشكلة ابداااااااا

5_نومها مره قلق في قلق يعني إذا نامت لو تسمع صوت عصفور على طول تصحى بسم الله لدرجة انها هي اللي تصحينا لصلاة الفجر دايما

خلاص هذي طبيعتها ما بتغيرينها ، وشئ مو مضر لا تخافين الله يهديج، يمكن هالشئ يمنعج تسوين اشياء وايد بس هذي طبيعتها وهي مش مريضة وما ادراج يمكن تتغير لما تكبر وهذا شئ وايد

6_ماتحب الخمخمة والضم والبوس هذي متى مااهتوت هي من نفسها تسويه واذا مسكتها وحطيتها بحضني تدفني وتروح وانا ودي صراحه اضمها ياعمري ولا تخليني اتمتع فيها

ههههههههههههههههه والله العظيم ذكرتيني بولدي كان نفـــــــــــس الشئ، كنت اصرخ ابي ابوسه مو قادرة لين ما صار الحين سنة و10 شهور وتغيييييييير والله بتشوفينها مرة وحدة بتجي وبتعلق فيج


حبيبتي بنتج توها صغيرة جداااااااااااا

[glint]انا ولدي كان نفسها والله العظيم اتعرفين شو سويت________> قمت اخليه في بيت اختي يلعب مع عيالها
تغير 180 درجة، لأنه خالط الناسو ابتعد عني انا ارتحت وهو ارتاح..كل الشكاوي اللي تقولينها كانت فيه تغيرت من اختلط مع الناس[/glint]

مشكووورين والله من كل قلبي خواتي يعطيكم العافيه وماقصرتوا

الله يحقق كل ماتتمنون

شوفي يا عبير الورد

تقربي منها
اشتري لها قصص من محلات تويز ار اس و لا مركز التعليم المبكر
قصص واضحه فيها صور الحيوانات مثلا و مسكي معاها القصه و ناموا على السرير وسولفي معاها
و تسابقوا مثلا و لا انتي قولي القصه بعدين ساعديها تقولج القصه
و وديها معاج المطبخ و هاتوا كاسة عصير و شربوها مع بعض
اخذيها معاج مشاوير صغيره مثل الجمعيه و خليها تختار لعبه و بعدين اتثلوا بابوها و خليها تستاذنه انها تشتريها
يعني هالانواع من التعاملات اللي التفاعل فيها يكون بهدوء و صدقيني مع الوقت البنت بتهدى
و لا عصبت و لا لاحظتيها معثبه من شي معين سوي حالج خايفه منها و اهربي و قوليلها مسكيني و لا سوي حالج تبكين منها
صدقيني بتحن و بتلين و بتروح العصبيه منها مع الوقت

يالله جربي و لو فاد انتظر الدعوه الحلوه بان الله ييسر لي اموري و اقدر ابني بيتي بسرعه :)

اختي سحايب دبي

الله يسهل امورك كلها وييسر لك بناء البيت في القريب العاجل وتسكنين فيه وتسكن معك الفرحه والسعادة

مشكووره وبجرب فعلاً الطرق روووعه

بعد عمري و الله يا عبير الورد

عسى الله يقدرج على تربيتها التربيه الصحيحه الصالحه يا رب

و طمنينا عليها

قلبي سحايب دبي

ابشرك سالفة العصير والمسابق انبسطت عليها مررره وجلست تضحك بصوت عالي مو مستوعبه البنت حتى ابوها صار يتسابق معها اول كان يضحك علي يقول اشوف الخبال زاد هاليومين
هههههههههههههههه

والله دعيتلك وانا اصلي ودعيت لكل خواتي عروسات المنتدى