خلاصصصصص....... انتها كل شي

مرحبا اختي

انا قريت موضوعج الاول ..

شوفي الغالية لاتضايقين ولا شي ... يمكن هالشي يكون احسن لج ..

ويمكن يكون درس لج ... وبعدين انتي اللي خليته يستصغرج ... والله انها هالكلام من تجربة

لانج اتخليتي عن شي غالي الا وهو الدراسة .. ومشاء الله عليج مب اي دراسه

دراسة الطب .. كان المفروض تتمسكين بدراستج .. وهذا درس لكل وحده ...

بس الحين مب وقت الوم .. انتي عرفتي غلطتج وين والحمدلله بعدج على الشط

الحين ما عليج منه .. اطلبي ربج يصبرج ويعوضج بريال يكون خيره لج ..

وانا اقترح عليج انج ما تسافرين الكويت ..

لا بالعكس لازم اتمين هنيه .. وتحاولين تبدأين من جديد

واذا تقدرين ارجعي ادرس .. وكملي دراستج .. صدقيني ذاتج في دراستج .. وشهادتج

والله ياربي يوفقج ... ويسخر لج الخير

مشكوره اختي انا خلاص من بكرا برد اسجل و اكمل بس لان دراستي تبدي شهر 3 فاحابه اروح اغير جوا لان مرة علي سنه قاسيه الحمدلله علا كل حال و ماطلب من بني ادم يساعدني علا الصبر اطلب الله يصبرني و يرحمني برحمته .....

حبيبتي
الله يوفقج ويعوضج بالريال اللي احسن منه واللي يقدرج لشخصج انتي
والحين انتي مالج الا الصبر والدعاء واهم شي واصلي دراستج وحققي طموحج
وبالتوفيق حبيبتي

الله يصبرج يا أختي ...ويعوضج بالأحسن يا رب

بس أختي ليش استعجلت بالرد ...لو استخرتي ..

انتي ضحيتي وايد ..حتى بدراستج ..واللي هي اهم شي بهالدنيا

لو جلست معاه وكلمتيه وقلتي له أنا تخليت عن دراستي بس عشان خاطرك..

وحاولتي معاه ..يمكن يلين قلبه ...

اختي ما اعرف شو أقول بس يمكن هالشي خير لج ...والله يعوضج باللي يصونج ويعوضج عن كل هذا

الصبر عزيزتي وان شاء الله فترة وتعدي ...حاولي ترجعين تكملين دراستج عشان ترجعين تثقين بنفسج مثل قبل

الله يكون بعونج يالغالية

[grade="FF1493 FF1493 FF1493 FF1493"]..::..

,, هلا حبيبتي .. اول شي الله يكون بعونــك الشي الي تمرين فيه ادري انه صعب .. ,,

,, حبيبتي هي فتره وبتعدي ان شاء الله وانتي مشاء الله شخصيتك واضح انها قوية لدرجه انك تروحين وتقولين لاهلك ما ابيه وتتأخذين هالقرار لوحدك بدون ما تقولين له .. انا اشوف انك ترجعين لدراستك احسن لك ,,

,, وحاولي تروحين عند خوالك بالكويت عشان تغييرين جو ,, وطمنينا عنك وتأكدي انه هالشي خيره لكي ان شاء الله ,,
..::..

تحيــاتــي[/grade]

الله يعينك يا قلبي تري يا عيوني في ذا الزمن ما ينفعك الا دراستك كملي الله يوفقك ويزيدك قوة وثبات ويعوضك باحسن منه واحمدي الله وهذا درس لك عشان تزيد قوتك وثباتك وايمانك بالله انهي دراستك وصدقيني راح يجي له يوم يندم بس بعد فوات الأوان وقت ماينفع فيه الندم وانتي باقي الحياة قدامك وتطلبك تكوني اقوى عزيمة ولا تضحي بدراستك مهما كان اعتبري اللي فات اجازة وكنتي تشوفي قوتك على الاستمرار اعتبريها مغامرة وفزتي فيها وطلعتي بخساير بسيطة والربح اكبر ويارب تكوني دايما رابحة وما تخلي تجربة زي ذي تهزك وتهز عزيمتك انتي اقوى وانتي عارفة نفسك انك قوية وانسي الجمال والاصل والفصل وشوفي جمالك الداخلي انتبهي لقوتك الداخلية اللي ساعدتك تقاومي مغامرتك وساعدتك على انك تتخلي عن اغلى الاشياء عندك وهي نفسها قوتك رجعتها لك بعد ما انتهت المغامرة

وعلى فكرة ياقلبي ما ابغى احطمك بس صدقيني لو سافرتي سنين راح ترجعي وتتذكري كل شي حتى لو قابلتيه صدفة راح تذكري بس خليك اقوى وواجهي الموقف بكل شجاعة وقوة
والله يوفقك في دراستك
واعذريني وسامحيني دوشت راسك بالكلام

احسن شئ تصلين الاستخاره....................عشان ماتتخذين قرار تندمين عليه.................والله يسر امرج ان شاء الله..................

الله يسر دربج ويوفقك الغالية

سافري وغيري جو احسن لج وفكري وانتي بعيده عن كل الضغوطات

غاليتي ... اختي اماني

انا قريت اللي كتبتيه قبل .. واحب ارد عليج الحين بعد

اذا شلتي من قاموسج كلمة (( أنا )) ,,, انا ضحيت انا عندي جمال انا بنت حسب ونسب <<<<

راح تقدرين تفهمين هذا الشخص وتواصلين حياتج معاه وتقدرين مع الوقت تعلمينه اطباعج وتعلمينه

طريقه حل المشاكل ومحاولة التقليل منها ,, بس انتي ماخذه حل المسألة بطريقه ثانيه انج دارسة وجميله ومن عائلة وتخليتي عن اشياء عشانه ,, اصلا الرجل مايحب المرأة اللي دايما تقوله انا سويت لك جذي وانا ضحيت .. حاولي قد ماتقدرين الاستغناء عن هذه ال أنا اللي هلكت الناس وذبحتهم وكل ماقلنا انا زاد الشيطان اغواء فينا ..

انتي قعدي مع نفسج استعيذي بالله مرة ومرتين وثلاث وصلي على النبي محمد وابتدي ترجعين ذاكرتج عشان تعرفين ايجابيات هذا الشخص اللي نويتي انج تنفصلين عنه حاولي تجوفينه بنظرة جميله بدون شوائب وبدون مانخلي للشيطان فرصة للتشويش .. لان اول مايبتدي يدخل الشيطان يدخل في العلاقة الزوجية

وانا ماهانت عليّ نفسي اشوفج تتطلقين حتى لو كنت ماعرفج بس هذا شي صعب يبيله تفكير برويه بعقل صافي بذهن خالي من اي شيء

والله يهديج ويريح بالج ويهدي زوجج ان شاء الله بحق محمد وآل محمد

والسموحه

قل لن يصيبنا الا ما كتبه الله لنا
استخيري الغاليه و ابتعدي عنه فتره و شوفي
لو ارتحتي بهاي الفتره معناه انج خيرتج بالبعد والله يكتب لج نصيب مع غيره ان شاء الله

لا حول الله ....

ياحبيبتي ربي يعوضج باللي فيه الخير .... بس ليش مااستخرتي ممكن تكوني متسرعة بقرارج

والله ماعرف شو اقول .... بس هذا اللي ربي كاتبه ... وربي يوفقج يارب يارب ...

وكملي دراستج ... شهادتج اهم شي في الحياة هي بتنفعج ....

انا خالتي مرت بنفس الموقف ... وريلها خلاها تفنش من وظيفتها وتعرفين انتي الوظايف صعبة

كملت دراسة (الماجستير) وحاليا مشاء الله عليها صارت دكتورة .... وعندها بنت ... وربي يارب يعوضج ويعوضها

سافري الكويت غيري جو .. غيري نفسيتج ... صح مابتنسين بس ممكن تتناسين النسيان نعمة ...

وصدقيني بالدراسة ... بتنسييييييييييين .... نص وقتج بيضيع ...

والله المستعان

الله يسر امرك و يوسع مداركك يا رب
قلوبنا معك ا اختي

صباح الخير بنات

ولله انا استخرت و الامس جاني انهيار احس وايد صدمات ورا بعض كاعده تجي اكتشفنى بالصدفه انه امي مريضه و بيسولها عملية بيشيلون الرحم و هذه شوي خطره العملية و نفس الوقت الريال الي ابي انفصل منه قالي انا مستعد البي كل رغباتج كملي دراسه الي تبي سوي بس ارجعي مثل اول اا نا صايرة مرا حساسه علا اي شي اصرخ و اي شي اتهاوش المهم قررت ابتعد عنه مده و ارتاح عقب بشو اذا بطلق او لا بس المشكله بنات ريلي قلت لكم يدرس و يشتغل و عنده شقه في بوظبي وساكن فيها يبي ياجر الغرف الي بالشقه تقريبا غرفتين يقول لان انا مو دوم بالبيت هو دوم عند اهله و انا قلت له طيب بس بنات يبي يسكن حريم وانا ما ارضى انا هالشي الي خلاني اخذ قراري منه كيف تسكن في بيت و فيه حريم مايحلون بينكم يقول اجر استفاد من الاجار لا البيت فاضي انا مااجلس فيه دوم ارجع و اقولكم الي خلاني اخذ قراري هذا الموضوع حريمممممممممممممممممممممممممم غريبة بالبيت و الشيطان بينهم

أختي الغالية أمانيي

الله يشفي الوالدة ويقومها بالسلامة ان شاء الله .. هذا كتبة رب العالمين

خليك قوية وان شاء الله ماعليها شر .. ادعيلها وان شاء الله بتقوم بالسلامة

:)

بالنسبة لزوجك طبعا لو مكانك هم بتضايق ليش يأجر لحريم يعني!!!!

خلصوا الرجال من الدنيا عشان يأجر لحريم

بس كلميه بهدوء وجيبيها له من منظور ديني وانه حرام يختلي بنساء غريبات

بس بهدوووء مو تبينين انك معصبة و لا تصارخين .. خليك هادية

وصدقيني هو بيقتنع وبيخاف ربه

قوليله انك واثقه فيه وانك تبيله الخير وماتبين الله يغضب عليه ومن هالكلام

وبصراحة زين وايد انه وافق انك تكملين دارسة استغلي هالفرصة لا يغير رايه بعدين

وانا معك انك مفروض تبعدين شوي وتفكرين لحالك بس مو تطولين وايد

خذي أسبوع فكري على رواق وشوفي شنو قررتي

بس شكله الرجال زين .. حبيبتي استعيذي من الشيطان أتمنالك التوفيق من كل قلبي


:::

فيء

:::

:)

الله يكون في عونج ويصبرج..

ان شاء الله بتتيسر أمورج بس انتي ادعي من خاطرج..

وما في مانع تصلين استخارة مثل ما قالت الأخت انسه فلة..

الله يوفقج..

الله يصبرج اختي
وحمدي ربج انج عرفتيه على حقيقته وانتي على البر

الله يوفقج مع الي يستاهلج

وشسالفت زوجج الي يبي يسكن حريم

اصلا من هالحريم الي يسكنون بروحهم

اختي زوجج لازم تتأكدين من زوجج وتصارحينه بشكوكج

لان حركاته هب طبيعية لو مادري انج تتكلمين عن دولة خليجية بصدقج بس خبري الخليج واحد


ومن يرضى يسكن مع حريم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟